Vinsamlegast athugið að þetta efni er eldra en 10 mánaða.
Skorradalshreppur kærir skipun raflínunefndar
Fréttir 23. desember 2025

Skorradalshreppur kærir skipun raflínunefndar

Höfundur: Ástvaldur Lárusson

Sveitastjórn krefst þess að ákvörðun félags- og húsnæðismálaráðuneytisins um skipun sérstakrar raflínunefndar vegna Holtavörðuheiðarlínu 1 verði felld úr gildi.

Í kærunni, sem aðgengileg er á vef Skorradalshrepps, er vísað til þess að ákvörðun um stofnun raflínunefndar feli í sér stjórnvaldsákvörðun sem varði sérstaklega réttindi og skyldur hreppsins. „Með slíkri ákvörðun fellur niður og skerðist almennt lögbundið hlutverk sveitarfélagsins að fjalla um þróun byggðar og landnotkun í samræmi við ákvæði skipulagslaga um aðalskipulag, þ.m.t. varðandi flutningsmannvirki raforku. Þá leiðir ákvörðunin til þess að sveitarfélaginu ber að skipa fulltrúa í raflínunefnd,“ segir í kærunni.

Þar er bent á að hreppurinn telji ekki forsendur fyrir Landsnet eða ráðuneytið að telja að ágreiningur sé til staðar sem réttlæti skipun raflínunefndar. Áréttað er að Landsnet hafi frá því í desember 2024, þegar annað erindi um raflínunefnd var til umfjöllunar, ekki átt nein samskipti við Skorradalshrepp um að aðalskipulagi verði breytt með tilteknum hætti. Eðlilegra hefði verið að reynt væri á málamiðlanir.

Skipulagsmál eru á borði félags- og húsnæðismálaráðuneytisins. Raflínunefnd hefur það hlutverk að undirbúa, kynna og afgreiða raflínuskipulag fyrir framkvæmd í flutningskerfi raforku sem nær til tveggja eða fleiri sveitarfélaga og afgreiða umsókn um framkvæmdaleyfi fyrir henni. Holtavörðuheiðarlína 1 nær til fjögurra sveitarfélaga. Einn fulltrúi frá hverju sveitarfélagi mun eiga sæti í nefndinni, auk fulltrúa umhverfis-, orku- og loftslagsráðherra og fulltrúa félagsog húsnæðismálaráðherra. Síðastnefndi fulltrúinn verður formaður nefndarinnar.

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...

Matarmót Austurlands á laugardaginn
Fréttir 12. nóvember 2026

Matarmót Austurlands á laugardaginn

Matarmót Austurlands verður haldið í sjötta sinn í Sláturhúsinu á Egilsstöðum la...

Miðdalur fyrirmyndarbú
Fréttir 11. nóvember 2026

Miðdalur fyrirmyndarbú

Ábúendur í Miðdal í Kjósarhreppi fengu viðurkenningu sem fyrirmyndarbú deildar n...

Grænbók um landgræðslu og skógrækt í Samráðsgátt
Fréttir 11. nóvember 2026

Grænbók um landgræðslu og skógrækt í Samráðsgátt

Grænbók um landsáætlun í landgræðslu og skógrækt var nýlega sett í Samráðsgátt s...

Blásið til sóknar í lífrænum landbúnaði
Fréttir 10. nóvember 2026

Blásið til sóknar í lífrænum landbúnaði

Fagráð í lífrænum landbúnaði stendur fyrir málþinginu „Tíföldum lífræna framleið...

Fleiri fluttu til en frá öllum sveitarfélögum Vesturlands
Fréttir 10. nóvember 2026

Fleiri fluttu til en frá öllum sveitarfélögum Vesturlands

Búferlaflutningar hafa verið hagfelldir á Vesturlandi undan-arin fimm ár. Fleiri...

Heildarlög um loftslagsmál
Fréttir 10. nóvember 2026

Heildarlög um loftslagsmál

Jóhann Páll Jóhannsson umhverfis-, orku- og loftslags- ráðherra mælti fyrir frum...

Aðgerðir til verndar líffræðilegri fjölbreytni
Fréttir 10. nóvember 2026

Aðgerðir til verndar líffræðilegri fjölbreytni

Út er komin aðgerðaáætlun um líffræðilega fjölbreytni. Meðal forgangsaðgerða er ...