Vinsamlegast athugið að þetta efni er eldra en 3 ára.
Vettvangsskoðun vegna fyrirhugaðrar línulagningar.
Vettvangsskoðun vegna fyrirhugaðrar línulagningar.
Fréttir 28. október 2019

Landsnet undirbýr umhverfismat fyrir Blöndulínu 3

Höfundur: Margét Þóra Þórsdóttir
Landsnet hefur hafið undir­búning að umhverfismati á Blöndulínu 3 en um er að ræða  220 kílóvatta háspennulínu sem fyrirhugað er að leggja frá Blönduvirkjun til Akureyrar. Tilgangur  fram­kvæmdarinnar er að styrkja meginflutningskerfi raforku á Norðurlandi en jafnframt er hún áfangi í því að auka flutningsgetu byggðalínuhringsins.
 
Lega línunnar er fyrirhuguð um fimm sveitarfélög, Húna­vatnshrepp, Sveitarfélagið Skaga­fjörð, Akrahrepp, Hörgár­sveit og Akureyrarbæ.
 
Samtal og samráð við íbúa
 
Elín Sigríður Óladóttir, samráðs­fulltrúi á þróunar- og tæknisviði Landsnets.
Elín Sigríður Óladóttir, sam­ráðs­fulltrúi á þróunar- og tækni­sviði Landsnets, segir að undirbúningsferlið felist meðal annars í því að eiga samtal við hagsmuna­aðila með stofnun verkefna­ráðs Blöndulínu 3 þar sem í sitja fulltrúar frá sveitar­félögum, náttúru­verndarsamtökum, atvinnu­­þróunar­félögum og fleiri. Land­­eigendum verða kynnt áform bréfleiðis og á fundi en auk þess verður haldinn opinn íbúafundur á svæðinu.
 
„Í gegnum samráð og samtal, rannsóknir og greiningar verður farið í gegnum mat á umhverfis­áhrifum og við fáum betri mynd á hvert verkefnið er, hvað er hægt að gera og m.a. hvernig línuleiðinni verður háttað,“ segir hún en áætlað er að fyrsti samráðsfundur verði um næstu mánaðamót, október-nóvember.
 
„Á samráðsfundum er farið yfir alla þætti málsins, hlustað á þær ábendingar og annars konar lausnir sem gjarnan koma fram. Við erum með samtali við fólkið sem að kemur að gera meira í þessum efnum en lögboðið er og okkur er skylt að gera, en með því aukum við gagnsæi og fleiri taka þátt í ferlinu.“
 
Nýtt umhverfismat í stað þess sem fyrir er
 
Landsnet  hyggst að sögn Elínar byggja upp flutningskerfi á Norð­austurlandi með þremur línum. Þær eru Kröflulína 3 frá Kröfluvirkjun í Fljótsdalsstöð en á þeirri leið eru hafnar framkvæmdir við lagningu línunnar, Hólasandslína 3  er síðan fyrirhuguð frá Kröflu til Akureyrar og er umhverfismati á þeirri leið u.þ.b. að ljúka. 
 
Þriðja línan er Blöndulína 3 frá Blönduvirkjun til Akureyrar. Sú lína er rúmlega 100 kílómetrar og er eins og áður segir umhverfismat vegna framkvæmdarinnar að hefjast. Elín segir að fyrir liggi eldra umhverfismat á línuleiðinni en með tilliti til breyttra áherslna í umhverfismati, m.a. kröfu um nánari umfjöllun um valkosti framkvæmda, er ætlunin að vinna nýtt umhverfismat fyrir línuna. Nákvæm útfærsla á línuleiðinni liggur ekki fyrir en Elín segir að undirbúningsferli sé að hefjast.  
 
„Við tökum komandi vetur í fyrsta áfanga undirbúnings og stefnum að því að senda út drög að matsáætlun fljótlega á næsta ári,“ segir hún. 
 

Skylt efni: Blöndulína 3 | Landsnet

Innflutningur erfðaefnis skilar góðum árangri
Fréttir 27. janúar 2023

Innflutningur erfðaefnis skilar góðum árangri

Samkvæmt niðurstöðum Ráðgjafarmiðstöðvar landbúnaðarins (RML) úr skýrsluhaldi na...

Verðskrá Skeljungs og Fóðurblöndunnar
Fréttir 27. janúar 2023

Verðskrá Skeljungs og Fóðurblöndunnar

Skeljungur og Fóðurblandan hafa birt verðskrá fyrir þær tegundir af áburði sem f...

Ekkert veiðibann á döfinni
Fréttir 26. janúar 2023

Ekkert veiðibann á döfinni

Veiðibann á grágæs hefur ekki tekið gildi á Íslandi og ekki stendur til að banna...

Stakkhamar 2 skýst upp á toppinn yfir afurðahæstu kúabúin miðað við meðalnyt
Fréttir 26. janúar 2023

Stakkhamar 2 skýst upp á toppinn yfir afurðahæstu kúabúin miðað við meðalnyt

Stakkhamar 2 í Eyja- og Miklaholtshreppi á Snæfellsnesi hefur skotist á toppinn ...

Niðurtröppun greiðslumarks að hefjast
Fréttir 25. janúar 2023

Niðurtröppun greiðslumarks að hefjast

Niðurtröppun á greiðslumarki í sauðfjárrækt hefst á þessu ári, samkvæmt núgildan...

Úrræði sem eigi að nýtast ungum bændum
Fréttir 24. janúar 2023

Úrræði sem eigi að nýtast ungum bændum

Ungir bændur hafa verið að kalla eftir því að þeir geti nýtt öll fasteignakaupsú...

Útgáfa fyrstu vottuðu kolefniseininganna
Fréttir 23. janúar 2023

Útgáfa fyrstu vottuðu kolefniseininganna

Yggdrasill Carbon hefur fengið útgefnar fyrstu íslensku vottuðu kolefniseiningar...

Vinnsla á próteini úr grasi
Fréttir 20. janúar 2023

Vinnsla á próteini úr grasi

Þörf heimsins fyrir prótein er alltaf að aukast og sífellt er leitað leiða til a...