Vinsamlegast athugið að þetta efni er eldra en 5 ára.
Hvetja almenning til að rækta garðinn sinn
Fréttir 19. maí 2021

Hvetja almenning til að rækta garðinn sinn

Höfundur: ehg

Félag garðplöntuframleiðenda, sem samanstendur af 16 framleiðendum um allt land, fer senn af stað með átaksverkefnið Þinn garður – þín kolefnisbinding til að auka áhuga, þekkingu og þátttöku almennings á ræktun gróðurs með tilliti til kolefnisbindingar.

Með því vill félagið vekja fólk til vitundar um að allur gróður og græn svæði binda kolefni og allir geta lagt sitt af mörkum. Það er von félagsins að með fræðslu og kynningu aukist áhugi fólks á að rækta meira á sínu heimasvæði og stuðla þannig að eigin kolefnisbindingu.

Erla Hjördís Gunnarsdóttir, verkefnastjóri verkefnisins Þinn garður – þín kolefnisbinding, ásamt formanni félags garðplöntuframleiðenda Guðmundi Vernharðssyni eiganda Gróðrarstöðvarinnar Markar í Fossvogsdal í Reykjavík. 

„Við erum að fara af stað með þetta spennandi verkefni þar sem ætlunin er að fá almenning í lið með okkur til að virkja græna fingur landsins, fræða fólk um kosti þess að hlúa vel að eigin garði, svölum og sumarbústaðalöndum með því að planta meira af trjám og blómum ásamt því að rækta eigin matvæli. Það geta allir lagt sín lóð á vogarskálarnar til að hafa jákvæð áhrif á umhverfið og samfélagið í heild,“ segir Erla Hjördís Gunnarsdóttir, verkefnisstjóri verkefnisins sem bendir jafnframt á að stærsta og fjölbreyttasta ræktunarverkefni á Íslandi sé ræktun gróðurs í þéttbýli og sumarbústaðalöndum. 

Fræðsla og ráðgjöf við val á plöntum

Inni á heimasíðu garðplöntuframleiðenda gardplontur.is getur almenningur fundið lista yfir garðplöntuframleiðendur og leitað að upplýsingum um plöntur, ræktunarskilyrði og fleira. Auk þess prýðir fjöldi mynda gagnagrunninn, notendum til glöggvunar. 

„Inni á síðunni má finna hvaða plöntur og tré er heppilegast að rækta miðað við þær aðstæður sem hver og einn býr við. Fræðsla og ráðgjöf um val á plöntum og ræktun mun standa til boða bæði með þjónustu sem veitt er við kaup á plöntum í garðplöntustöðvum sem og á netinu,“ útskýrir Erla Hjördís og segir jafnframt:

„Til að vekja athygli á átakinu munum við vera sýnileg í sumar á ýmsum miðlum og taka allir garðplöntuframleiðendur landsins þátt í átakinu með því að fræða gesti sína um hinar fjölmörgu tegundir sem í boði eru hérlendis og hvað henti fyrir hvern einn með tilliti til aðstæðna. Ræktun í heimilisgarði hreinsar mengun og skaðleg efni úr umhverfinu og þar sem allar plöntur ljóstillífa og binda kolefni þá skiptir framlag hvers og eins máli þegar kemur að kolefnisbindingu.“

Blásið til sóknar í lífrænum landbúnaði
Fréttir 10. nóvember 2026

Blásið til sóknar í lífrænum landbúnaði

Fagráð í lífrænum landbúnaði stendur fyrir málþinginu „Tíföldum lífræna framleið...

Fleiri fluttu til en frá öllum sveitarfélögum Vesturlands
Fréttir 10. nóvember 2026

Fleiri fluttu til en frá öllum sveitarfélögum Vesturlands

Búferlaflutningar hafa verið hagfelldir á Vesturlandi undan-arin fimm ár. Fleiri...

Heildarlög um loftslagsmál
Fréttir 10. nóvember 2026

Heildarlög um loftslagsmál

Jóhann Páll Jóhannsson umhverfis-, orku- og loftslags- ráðherra mælti fyrir frum...

Aðgerðir til verndar líffræðilegri fjölbreytni
Fréttir 10. nóvember 2026

Aðgerðir til verndar líffræðilegri fjölbreytni

Út er komin aðgerðaáætlun um líffræðilega fjölbreytni. Meðal forgangsaðgerða er ...

Nokkur hundruð kíló ruku út
Fréttir 9. nóvember 2026

Nokkur hundruð kíló ruku út

Matland brást skjótt við áhuga lesenda á að kaupa annars flokks lífrænar gulrætu...

Stefnt á mikla skógrækt
Fréttir 9. nóvember 2026

Stefnt á mikla skógrækt

Fyrirtækið Yggdrasill Carbon ehf., hyggst ráðast í skógrækt í landi Ljárskóga í ...

Áfram hægt að  kaupa hamsatólg
Fréttir 9. nóvember 2026

Áfram hægt að kaupa hamsatólg

Framleiðsla hamsatólgar heldur áfram. Í byrjun hausts leit út fyrir að Stóruvell...

Olíuverð áfram hátt og sveiflukennt
Fréttir 9. nóvember 2026

Olíuverð áfram hátt og sveiflukennt

Eldsneytisverð hefur hækkað verulega frá áramótum og Runólfur Ólafsson, framkvæm...