Vinsamlegast athugið að þetta efni er eldra en 2 mánaða.
Fyrirtæki sýna aukinn áhuga á að kaupa jarðir og fara í skógrækt til að kolefnisjafna starfsemi sína.
Fyrirtæki sýna aukinn áhuga á að kaupa jarðir og fara í skógrækt til að kolefnisjafna starfsemi sína.
Fréttir 25. maí 2022

Aukin ásælni fyrirtækja í jarðir til skógræktar og kolefnisjöfnunar

Höfundur: Vilmundur Hansen

Verð fyrir jarðir hefur hækkað undanfarin ár og jarðir í fullum rekstri seljast fyrir hátt verð. Færst hefur í aukana að fyrirtæki kaupi jarðir til skógræktar og til að kolefnisjafna starfsemi sína. Aukning er í fyrirspurnum um jarðir sem henta til skógræktar og flestir landshlutar sem koma þá til greina.

„Mér virðist sem ýmis fyrirtæki hafi áhuga á að fara í skógrækt, og einstaklingar líka, til að kolefnisjafna starfsemi sína,“ segir Magnús Leópoldsson, bóndi og fasteignasali. Hann segir þó að viðskipti með jarðir það sem af er ársins sé svipuð og undanfarin ár. „Það koma alltaf inn jarðir í sölu með hækkandi sól en eignaskipti á jörðum hafa yfirleitt langan aðdraganda, ár eða meira.

Sala á jörðum hefur gengið ágætlega núna og fylgir ákveðnum dampi og ekkert meiri læti í kringum það núna fremur en hingað til og svipaður fjöldi sem skiptir um eigendur árlega og hefur lengi verið, í kringum hundrað jarðir, og hluti þeirra eignaskipta er innan fjölskyldna vegna kynslóðaskipta.“ Auk þess sem Magnús segir að markaður fyrir garðyrkjubýli sé alltaf til staðar.

Fjögur kúabú í rekstri í Landeyjum sett á sölu

„Sala á jörðum er tiltölulega jöfn um allt land og óvanalegt að fjórar jarðir í nágrenni við hver aðra fari í sölu en slíkt gerðist í vor þegar fjögur kúabú í fullum rekstri í Landeyjum voru sett í sölu. Aðdragandinn að því hefur verið langur og væntanlega búið að selja tvær jarðanna.“ Magnús segir að yfirleitt gangi þokkalega að fjármagna jarðir í rekstri en að ólíkt markaði með íbúðir á höfuðborgarsvæðinu séu yfirleitt ekki margir að bítast um eignina. „Yfirleitt koma margar fyrir­spurnir en þegar að kaupunum kemur og á reynir eru yfirleitt ekki nema einn til þrír eftir.“

Huga þarf að mörgum þáttum

Eins og gefur að skilja þurfa væntanlegir kaupendur að kynna sér aðstæður vel áður en þeir kaupa jörð í rekstri og margir þættir sem þarf að huga að. „Fjárfestingin er slík og fólk tekur ekki við kúabúi eða jörð í annars konar rekstri án þess að vita hvað það er að gera.“

Verð að hækka

Aðspurður segir Magnús að hann hafi tengst kaupum og sölu á jörðum í þrjá áratugi og að sínu mati hafi jarðir verið að hækka í verði og að seljendur séu að fá meira fyrir þær en fyrir nokkrum árum. „Verðið fer algerlega eftir því hvar jörðin er á landinu og landgæðum. Land á láglendi er töluvert dýrara en land á hálendi. Smekkur kaupenda skiptir einnig máli og hvað þeir hafi í huga að gera með landið.

Heilt yfir má samt segja að jarðir á Suður- og Vesturlandi og við Eyjafjörð séu að seljast dýrar en jarðir annars staðar á landinu. Hitt er svo annað að það er víða hægt að kaupa góða jörð og margt sem spilar þar inni í, eins og samgöngur og þjónusta, heilbrigðisþjónusta og skólar. Allt þetta skiptir máli og sérstaklega fyrir ungt fólk sem vill fara út í búskap.“ Magnús segir að það sé svo alltaf til fólk sem kaupir sér jörð sem fjárfestingu eða einfaldlega til að eiga hana og nota í frístundum.

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...