Vinsamlegast athugið að þetta efni er eldra en mánaðar gamalt.
Skattaívilnanir í skógrækt
Lesendarýni 8. maí 2024

Skattaívilnanir í skógrækt

Höfundur: Álfsól Lind Benjamínsdóttir, skógfræðingur frá norska landbúnaðarháskólanum (NMBU).

Í marsmánuði var hin árlega fagráðstefna Skógræktar á Íslandi haldin.

Álfsól Lind Benjamínsdóttir

Meðal mælenda var Erling Bergsaker frá Norskog, en hann hélt erindi um áhrif skatta á skógargeirann í Noregi. Í gegnum sérstakan sjóð, Skogfond, fá skógareigendur skattafslátt af tekjum frá skóginum gegn því að fjárfesta í betrumbótum á eigin skógi. Skattaumhverfið hvetur því skógareigandur til að hlúa vel að sínum skógum landsins.

Hvað er Skogfond?

Skogfond er norst skattaívilnunarkerfi fyrir skógareigendur. Þegar skógareigandi þénar á skógi sínum leggst ákveðin upphæð af tekjunum inn á sérstakan Skogfond-reikning. Hver og ein skógarjörð á sinn eigin Skogfond- reikning, sem fylgir jörðinni en ekki eiganda jarðarinnar, og erfist því við eigendaskipti.

Hvernig virkar Skogfondreikningur?

Þegar skógareigandi fær tekjur úr skóginum, t.d. við lokahögg, er hann skyldaður samkvæmt norskum lögum að leggja 4-40% af tekjunum inn á Skogfond-reikninginn sinn. Við innlögn er ekki greiddur skattur af upphæðinni. Þegar skógareigandi fer í framkvæmdir í skóginum og tekur pening út af reikningnum er einungis greiddur 15% skattur af úttekinni upphæð. Sjóðinn á Skogfondreikningi er einungis hægt að nota í uppbyggingu eða rekstur skógarins, þ.á m. í plöntukostnað, girðingavinnu og uppbyggingu eða viðhald slóða.

Hverjir sjá um Skogfond?

Skógaryfirvöld í Noregi sjá um Skogfond. Vextir af Skogfondreikningum fara til yfirvalda og eru notaðir í verkefni sem gagnast skógargeiranum í heild sinni, t.d. námskeið, upplýsingagjöf, kaup af tækjabúnaði, styrki o.s.frv.

Hver eru áhrif Skogfond?

Fyrir skógareiganda eru mikilvægustu áhrif Skogfond þau að 85% tekna sem skógareigandi leggur inn á sinn Skogfond-reikning er skattfrjáls. Þar sem innistæðu Skogfond-reikningsins er einugnis hægt að nýta í uppbyggingu eða viðhald skógarauðlindar bóndans sem eykur innviðauppbyggingu skóganna. Þegar fjárhagsstaða skógarbónda styrkist á sama tíma og innviðir skógarins aukast breytast óarðbærð skógarsvæði, t.d. vegna lélegs aðgengis, í verðmæti fyrir skógareiganda sem skilar inn enn hærri tekjum. Þetta skapar hringrásarhagkerfi sem byggir upp skógarauðlind og tryggir arðbæra framtíð fyrir komandi kynslóð skógareiganda.

Dæmi:

Skógareigandi þénar 1.000.000 kr á lokahöggi. Kostnaður við skógarhöggið er 200.000 kr. Skógareigandi getur valið að leggja 4-40% inn í Skogfond. Af tekjum sem ekki fara í Skogfond er borgaður hefðbundinn skattur, hér 45%. Skógareigandi fjárfestir 300,000 kr. í skóg sínum eftir lokahögg, t.d. við plöntun til að halda skógrækt áfram. Í þessu dæmi þénar skógareigandi 68.000 kr. meira að hafa nýtt sér skattaafslætti sem fást með notkun Skogfond

Skogfond til Íslands?

Skógarhögg á Íslandi hefur aukist á síðustu árum, og eykst enn meira eftir því sem skógar landsins verða eldri. Því verður mikil þörf á skattakerfi í líkingu Skogfond í nákominni framtíð. Slíkt kerfi tryggir áframhaldandi uppbyggingu skógarauðlindarinnar um ókomna framtíð.

Enn af undanþágum búvörulaga og stöðu bænda
Lesendarýni 21. júní 2024

Enn af undanþágum búvörulaga og stöðu bænda

Ágætu bændur. Í Bændablaðinu þann 16. maí sl. reifaði ég í bréfi til ykkar áhygg...

Af heimanautum og sæðinganautum
Lesendarýni 21. júní 2024

Af heimanautum og sæðinganautum

Mikil notkun heimanauta hefur um langa hríð verið eitt helsta umræðuefni og þræt...

Réttindabarátta sjávarbyggða og strandveiðimanna
Lesendarýni 21. júní 2024

Réttindabarátta sjávarbyggða og strandveiðimanna

Strandveiðitímabilið hófst í byrjun maí. Mikil veiði hefur verið enda mikið af f...

Kynding með viðarperlum úr íslensku lerki
Lesendarýni 20. júní 2024

Kynding með viðarperlum úr íslensku lerki

Tandrabretti ehf. hefur undanfarin ár unnið að uppbyggingu á viðarperluframleiðs...

Og svo kom vorið
Lesendarýni 18. júní 2024

Og svo kom vorið

Nú í byrjun júnímánaðar fengu landsmenn yfir sig sannkallað vetrarveður sem varð...

Ekki lausn fyrir Landeyjahöfn
Lesendarýni 12. júní 2024

Ekki lausn fyrir Landeyjahöfn

Í Bændablaðinu miðvikudaginn 24.4. 2024 er viðtal við Jón Kristinsson umhverfisa...

Framtíð veiða með botnvörpu?
Lesendarýni 11. júní 2024

Framtíð veiða með botnvörpu?

Fyrir nokkrum vikum birtist í National Geographic grein sem byggir á viðamikilli...

Hrossaræktin á fljúgandi ferð
Lesendarýni 10. júní 2024

Hrossaræktin á fljúgandi ferð

Þegar ég var í búfræðinámi á Hvanneyri voru heilmikil átök um stefnuna í hrossar...