Vinsamlegast athugið að þetta efni er eldra en 1 árs.
Ökumaður stígur pedala til að hjálpa upp á afl rafmótora.
Ökumaður stígur pedala til að hjálpa upp á afl rafmótora.
Fréttir 10. júní 2020

Tvíorkuhjól knúin mannafli og rafmagni

Höfundur: Hörður Kristjánsson
Reiðhjól gætu mögulega verið að öðlast veigameiri sess sem flutningatæki ef hönnun Bio-Hybrid á tvinnhjóli, sem knúið er jöfnum höndum af mannafli og rafmagni, nær fótfestu.
 
Bio-Hybrid hjólin fengu um­­hverfis­verðlaunin Green Concept Award 2020 í keppni um náttúruvæna framleiðslu, eða Green Product Award, sem stofnað var til í samstarfi við IKEA árið 2013. 
 
Henta vart til aksturs á þýskum hraðbrautum
 
Þýsk umferðarmenning utan þéttbýlis er helst þekkt fyrir sína þjóðvegi og hraðbrautir undir nafninu „Autobahn“. Tvíorkureiðhjól sem ganga fyrir mannafli og raforku verða seint talin heppilegur fararskjóti á slíkum vegum. Enda komast þau ekki nema á 25 kílómetra hraða. Þá  vega þau vart meira en 80 kg fyrir utan ökumann svo flutningabíll eða rúta sem fram hjá þeim æki á þokkalegri ferð myndi auðveldlega geta feykt þeim út af veginum. 
 
Með 50 til 100 km drægni
 
Bio-Hybrid hjólin eru í raun fjór­hjól og eru 85 sentímetrar að heildarbreidd og  2,1 metri að lengd, þ.e. hjól fyrir ökumann og einn farþega. Bio-Hybrid pallhjólin eru með styttra húsi og aðeins með pláss þar fyrir ökumann. Ökudrægni hjólanna með hjálparafli mannsins er um 50–100 km. Þau eru á 24 tommu hjólum og hámarkshraði er 25 km á klukkustund. Af reiðhjólum hafa þau þá sérstöðu að vera með bakkgír.  
 
Spáð 22,5% hlutdeild í flutningum
 
Það sem eykur möguleika þessarar hönnunar eru mögulega breyttar umferðarreglur sem samþykktar voru í Bundesrat, efri deild þýska þingsins, í febrúar síðastliðnum.  Reglurnar miða að því að gera umferðarlögin reiðhjólavænni en verið hefur. Er það sérstaklega talið hafa þýðingu fyrir hjól sem gerð eru fyrir flutninga á vörum. Þá verður þeim heimilt að leggja í vegköntum sem öðrum ökutækjum hefur ekki verið heimilt. Reiðhjólaflutningasamtök Þýskalands (German Bicycle Logistics Association - RLVD) hafa fagnað þessum breytingum. 
 
Er því nú spáð að 22,6% vöruflutninga, sem áður fóru fram með hefðbundnum vélknúnum ökutækjum, færist yfir í útblástursfrí flutningahjól. 
 
Brautryðjandinn í Hveragerði
 
Rafknúin farartæki á þremur hjól­um hafa verið að ná fótfestu á Íslandi, samanber hjól pitsusendla og farartæki póstburðarfólks, sem eru orðin áberandi á götum höfuðborgar­svæðisins. Þá hefur Svavar Kristinsson, sem rekið hefur fyrirtækið Rafhjól og fylgihluti í Hveragerði, verið mikill brautryðjandi í því að afla rafhjólum vinsælda á Íslandi. Þar hefur einkum verið um að ræða þríhjól sem ekki síst eru hugsuð til að auka hreyfimöguleika fólks með skerta hreyfigetu sem og aldraðra. Sú viðleitni hefur reyndar smitast mjög út meðal almennings og þykja þau líka henta vel fyrir kylfinga á golfvöllum. Hjólin frá Rafhjólum og fylgihlutum eru hins vegar eingöngu rafknúin og eru auk þess mun öflugri en þýsku Bio-Hybrid tvinnorkuhjólin. Þau eru til fastsett miðað við 25 km, en geta sum náð 45 og jafnvel allt að 70 km hraða, en eru þá skráningarskyld.  
 
Farþegaflutningar á rafreiðhjólum háðir lágmarksaldri ökumanns
 
Nái lagabreytingin fram að ganga í Þýskalandi verða teknar upp sérmerkingar fyrir slík flutningatæki og reyndar reið Berlínarborg þar á vaðið strax árið 2019. Hjólunum er þó ekki eingöngu ætlað að flytja vörur því þau geta allt eins flutt farþega. Takmarkanir á því verða þó enn við lýði því ökumaður Bio-Hybrid reiðhjóls verður að vera minnst 16 ára að aldri til að mega flytja farþega. 
 
Reiðhjóla-hraðbrautir
 
Lögin gera ráð fyrir að sett verði í umferðarlög sá möguleiki að leggja reiðhjóla-hraðbrautir á lengri leiðum við hlið akvega sem verði sérmerktar fyrir hraðfara reiðhjól og kallist á þýsku „Radschnellweg“. Hvort Bio-Hybrid hjól með hámarkshraða upp á 25 km verði leyft að aka á slíkum brautum skal ósagt látið. 
 

Skylt efni: tvíorka | rafmagnshjól

Nesbú með nýtt lífrænt hænsnahús í Flóanum fyrir 18 þúsund fugla
Fréttir 16. maí 2022

Nesbú með nýtt lífrænt hænsnahús í Flóanum fyrir 18 þúsund fugla

Nesbú á Vatnsleysuströnd er þessa dagana að taka í notkun nýtt og glæsilegt lífr...

Kolvetnasnauðu Queen Anne kartöflurnar fá góðar viðtökur
Fréttir 16. maí 2022

Kolvetnasnauðu Queen Anne kartöflurnar fá góðar viðtökur

Nýverið kom á markað kartaflan Queen Anne frá Þórustaða Kartöflum sem hefur mun ...

Arfgerðin T137 finnst á Botnum og reynist útbreidd á Árskógsströndinni
Fréttir 16. maí 2022

Arfgerðin T137 finnst á Botnum og reynist útbreidd á Árskógsströndinni

Arfgerðar­greiningar á príon­próteini (PrP) kinda eru nú í fullum gangi. Að sögn...

„Ég hef lagt niður vopnin“
Fréttir 13. maí 2022

„Ég hef lagt niður vopnin“

Sigríður Jónsdóttir bóndi og fjölskyldan í Arnarholti í Biskups­tungum ætla að h...

Kúabændur misvel í stakk búnir til að bregðast við versnandi rekstrarhorfum
Fréttir 13. maí 2022

Kúabændur misvel í stakk búnir til að bregðast við versnandi rekstrarhorfum

Herdís Magna Gunnarsdóttir, bóndi á Egilsstöðum á Fljóts­dalshéraði, var kjörin ...

Verndandi arfgerðir gegn riðu nokkuð algengar í íslensku fé á Grænlandi
Fréttir 13. maí 2022

Verndandi arfgerðir gegn riðu nokkuð algengar í íslensku fé á Grænlandi

Sandkoli og hryggleysingjar
Fréttir 13. maí 2022

Sandkoli og hryggleysingjar

Atvinnuveganefnd hefur til umfjöllunar frumvarp þar sem fjallað er um veiðistjór...

Tryggir félagslegan stuðning við bændur
Fréttir 12. maí 2022

Tryggir félagslegan stuðning við bændur

Tryggir félagslegan stuðning við bændur Guðmundur Ingi Guðbrandsson, félags- og ...