Vinsamlegast athugið að þetta efni er eldra en 2 ára.
Aðstoðarforsætisráðherra Kína, hagfræðingurinn Liu He, ásamt Donald Trump, forseta Bandaríkjanna, með nýundirritaðan tollasamning í Hvíta húsinu 16. janúar 2020.
Aðstoðarforsætisráðherra Kína, hagfræðingurinn Liu He, ásamt Donald Trump, forseta Bandaríkjanna, með nýundirritaðan tollasamning í Hvíta húsinu 16. janúar 2020.
Fréttir 28. janúar 2020

Trump undirritar samning við Kínverja um afléttingu tolla

Höfundur: Hörður Kristjánsson
Undirritaður hefur verið fyrsti áfangi í að taka niður tollmúra í viðskiptum Bandaríkjanna og Kína. Sem kunnugt er hefur þetta tollastríð haft mikil og neikvæð áhrif á landbúnað í Bandaríkjunum. Þessi áfanga­samningur gengur út á að afnema tolla á viðskiptum með rautt kjöt og alifuglaafurðir. 
 
Samningurinn var undir­ritaður af Donald Trump, forseta Bandaríkjanna, og aðstoðar­forsætisráðherra Kína, Liu He. Búist er við að þessi samningur hafi umtalsverð áhrif á kjötiðnað í Bandaríkjunum. Þá má telja líklegt að þetta muni gagnast Trump vel til að endurvinna atkvæði fjölmargra bandarískra bænda í forsetakosningunum í haust, en margir þeirra hafa farið illa út úr tollastríðinu við Kína. 
 
Sagður gríðarlegur sigur fyrir allt efnahagskerfið
 
Haft er eftir David Perude, aðstoðar­manni Bandaríkjaforseta, á vefsíðu Global Meat að það hafi tekið Kínverja langan tíma að átta sig á að Trump forseta væri alvara. Þessi fyrsti áfangi tollasamnings sé gríðarlegur sigur fyrir allt efnahagskerfið. Samkomulagið jafni stöðuna á markaði fyrir bandarískan landbúnað og muni verða vítamínsprauta fyrir bændur í Bandaríkjunum, búgarðseigendur og framleiðendur. 
 
Segir Perude að Kína hafi ekki farið eftir leikreglum viðskiptalífsins um langa hríð. Það beri að þakka Trump forseta fyrir að hafa staðið á móti ósann­gjörnum viðskiptaháttum og setja þannig Bandaríkin í forgang [America first]. Segir hann að Bandaríkjamenn bíði spenntir eftir að hefja útflutning til Kína á vörum sem Kínverjar eru sólgnir í. Perude þekkir vel til í bandarískum landbúnaði og er fæddur og uppalinn   í landbúnaði í Bonaire í Georgíuríki. 
 
Samningurinn skipti mestu máli fyrir bandaríska kjöt- og alifuglaframleiðendur. Hann mun væntanlega hafa gríðarleg áhrif til eflingar á útflutningi banda­rískra matvæla úr landbúnaði og sjávarútvegi. Það mun að mati Perude auka tekjur bandarískra bænda og sjómanna. Auka umsvif í dreifbýli og auka atvinnu. 
Samningurinn tekur á afnámi hafta á viðskiptum með fjölda framleiðsluvara. Þar á meðal á rauðu kjöti, alifuglaafurðum, hrísgrjónum, mjólkurvörum, barnamat, fram­leiðslu garðyrkjubænda, dýrafóðri, fæðubótarefni, gælu­dýra­fóðri, framleiðsluvörum úr landbúnaðar­líftækni og sjávarafurðum. 
 
Ekki eru allir jafn ánægðir
 
Jared Bernstein, fyrrum yfir­hag­fræðingur Joe Biden, fyrrverandi varaforseta Bandaríkjanna, fjallar um málið í Washington Post. Hann hefur uppi ýmsar efasemdir um samninginn og segir að hann segi akkúrat ekkert um að viðskipti verði á sanngjarnari nótum en áður. Ekki heldur um atvinnu- og mannréttindi, fæðu- og matvæla­öryggi né að umhverfis­reglum verði fylgt. Það sé verið að hæpa upp aðgengi banka, fjárfesta og spákaupmanna í fasteignabransanum að kínverskum markaði. Segist hann löngum hafa bent á að slíkur samningur ýtti undir bandarísk fyrirtæki til að flytja starfsemi og störf til útlanda. Það skaði bandarískan verkalýð og skapi viðskiptahalla í samskiptunum við Kína.  
 
Húrrahróp frá kjötútflytjendum
 
Dan Halstrom, stjórnarformaður og framkvæmdastjóri samtaka kjötútflytjenda í Bandaríkjunum ( US Meat Export  Federation – USMEF), segir að samningurinn sé afar mikilvægur. Hann gefi bandarískum nautgripakjöts- og svínakjötsframleiðendum tækifæri til að efla sína framleiðslu fyrir Kínverja þar sem markaðurinn fyrir rautt kjöt sé í hröðustum vexti á heimsvísu.  
 
Á síðasta ári fluttu Kínverjar inn rautt kjöt fyrir 14 milljarða dollara og var það aukning upp á 65% frá árinu 2018. Segir Halstrom að bandarískir framleiðendur hlakki mjög til að ná hlutdeild á þessum ört vaxandi markaði. 
 
Jennefer Houston, forseti lands­sambands nautgripa­framleiðenda í Bandaríkjunum, NCBA, tekur í svipaðan streng og segir samninginn gjörbreyta stöðunni hjá kjötiðnaðinum í landinu. Þá fagnar kjötstofnun Bandaríkjanna (The North American Meat Institude) líka samningnum við Kínverja. 
Nesbú með nýtt lífrænt hænsnahús í Flóanum fyrir 18 þúsund fugla
Fréttir 16. maí 2022

Nesbú með nýtt lífrænt hænsnahús í Flóanum fyrir 18 þúsund fugla

Nesbú á Vatnsleysuströnd er þessa dagana að taka í notkun nýtt og glæsilegt lífr...

Kolvetnasnauðu Queen Anne kartöflurnar fá góðar viðtökur
Fréttir 16. maí 2022

Kolvetnasnauðu Queen Anne kartöflurnar fá góðar viðtökur

Nýverið kom á markað kartaflan Queen Anne frá Þórustaða Kartöflum sem hefur mun ...

Arfgerðin T137 finnst á Botnum og reynist útbreidd á Árskógsströndinni
Fréttir 16. maí 2022

Arfgerðin T137 finnst á Botnum og reynist útbreidd á Árskógsströndinni

Arfgerðar­greiningar á príon­próteini (PrP) kinda eru nú í fullum gangi. Að sögn...

„Ég hef lagt niður vopnin“
Fréttir 13. maí 2022

„Ég hef lagt niður vopnin“

Sigríður Jónsdóttir bóndi og fjölskyldan í Arnarholti í Biskups­tungum ætla að h...

Kúabændur misvel í stakk búnir til að bregðast við versnandi rekstrarhorfum
Fréttir 13. maí 2022

Kúabændur misvel í stakk búnir til að bregðast við versnandi rekstrarhorfum

Herdís Magna Gunnarsdóttir, bóndi á Egilsstöðum á Fljóts­dalshéraði, var kjörin ...

Verndandi arfgerðir gegn riðu nokkuð algengar í íslensku fé á Grænlandi
Fréttir 13. maí 2022

Verndandi arfgerðir gegn riðu nokkuð algengar í íslensku fé á Grænlandi

Sandkoli og hryggleysingjar
Fréttir 13. maí 2022

Sandkoli og hryggleysingjar

Atvinnuveganefnd hefur til umfjöllunar frumvarp þar sem fjallað er um veiðistjór...

Tryggir félagslegan stuðning við bændur
Fréttir 12. maí 2022

Tryggir félagslegan stuðning við bændur

Tryggir félagslegan stuðning við bændur Guðmundur Ingi Guðbrandsson, félags- og ...