Vinsamlegast athugið að þetta efni er eldra en 5 ára.
Sindri Sigurgeirsson og Guðmundur Ingi Guðbrandsson handsala samstarfsyfirlýsinguna á Hvanneyri í dag.
Sindri Sigurgeirsson og Guðmundur Ingi Guðbrandsson handsala samstarfsyfirlýsinguna á Hvanneyri í dag.
Mynd / smh
Fréttir 6. desember 2018

Stjórnvöld og bændur í samstarf um náttúruvernd

Höfundur: smh

Sindri Sigurgeirsson, formaður Bændasamtaka Íslands, og Guðmundur Ingi Guðbrandsson, umhverfis- og auðlindaráðherra, skrifuðu í dag undir yfirlýsingu um vilja til samstarfs í að vinna að málefnum landbúnaðar og náttúruverndar.

Í samstarfsyfirlýsingunni kemur fram að hún eigi rætur í átaki í náttúruvernd sem byggi á sáttmála ríkisstjórnarinnar.

Í tilkynningu frá umhverfis- og auðlindaráðuneytinu segir að samstarfinu sé ætlað að ná til verkefna í náttúruvernd á jörðum bænda. Byrjað verður á greiningarvinnu og mögulegar aðgerðir skilgreindar að svo búnu.

„Þar verður meðal annars hugað að aðgerðum á svæðum og gagnvart tegundum sem þarf að vernda ásamt endurheimt og uppbyggingu vistkerfa.

Bændasamtökin og ráðuneytið hafa áður átt í samstarfi um loftslagsmál og landbúnað með góðum árangri. Í yfirlýsingunni kemur fram að mikil tækifæri eru fólgin í góðu samstarfi bænda og stjórnvalda á sviði náttúruverndar. Bent er á að bændur á Íslandi eru vörslumenn lands og stór hluti þess í þeirra umsjón. Bændur geta sinnt þessu vörsluhlutverki með sjálfbærri nýtingu lands svo þeir geti skilað því í jafngóðu eða betra ástandi en þeir tóku við því. Dæmi um þetta eru samstarfsverkefni bænda og stjórnvalda við uppgræðslu lands og ræktun skóga,“

Fagnar samstarfi við bændur

„Ég fagna auknu samstarfi við bændur en með þessari yfirlýsingu förum við saman í nýsköpun í náttúruvernd,“ segir Guðmundur Ingi um samstarfsyfirlýsinguna. „Samstarfið mun leiða af sér tillögur um hvernig bændur geti tekið meiri þátt í náttúruverndarstarfi. Það má sjá fyrir sér að það gæti tekið til verndaraðgerða vegna ákveðinna tegunda, endurheimt vistkerfa, t.d. votlendis og umsjón með landi sem þarfnast verndar. Að undirrita samstarfsyfirlýsinguna á Hvanneyri var síðan sérstakt ánægjuefni enda er til fyrirmyndar hvernig þar og á nærliggjandi jörðum hefur tekist að samþætta blómlegan landbúnað við mikilvægar aðgerðir til verndar náttúrunni.“

Bændur eru vörslumenn lands

„Við bændur erum ánægðir með samstarfsyfirlýsinguna og hún lofar góðu. Bændur eru vörslumenn lands og vita að þeir hafa skyldum að gegna í náttúruvernd. Nýtingin þarf að vera sjálfbær og ekki ganga á rétt komandi kynslóða til að nýta og njóta þess. Það hafa bændur gert meðal annars með skynsamlegri landnýtingu, skógrækt og uppgræðslu þar sem þörf er á. Með samstarfsyfirlýsingunni stefnum við að því að auka enn frekar samstarf með stjórnvöldum á sviði umhverfismála og það er gleðiefni,“ segir Sindri Sigurgeirsson í tilefni undirritunarinnar.

Skrifað var undir húsakynnum Landbúnaðarháskóla Íslands á Hvanneyri. Umhverfis- og auðlindaráðuneytið og Bændasamtökin munu nú í framhaldinu vinna sameiginlega að því að móta næstu skref um samstarfið og þau verkefni sem undir það munu falla.

Áfellisdómur um eftirlit MAST með dýravelferð
Fréttir 11. desember 2023

Áfellisdómur um eftirlit MAST með dýravelferð

Skýrsla Ríkisendurskoðunar um stjórnsýsluúttekt á eftirliti Matvælastofnunar (MA...

Ungmenni berjast gegn stöðnun í dreifbýli
Fréttir 11. desember 2023

Ungmenni berjast gegn stöðnun í dreifbýli

Norrænt ráð 25 ungmenna frá öllum Norðurlöndum sat nýlega fund með norrænum ráðh...

Bæta má orkunýtingu í landbúnaði talsvert
Fréttir 8. desember 2023

Bæta má orkunýtingu í landbúnaði talsvert

Unnt er að spara allt að 1.500 GWst árlega á Íslandi og þar af um 43 GWst í land...

Opnunarhóf í Miðskógi
Fréttir 8. desember 2023

Opnunarhóf í Miðskógi

Byggingu nýs kjúklingahúss í Dölunum er lokið og verður tekið í notkun 1. desemb...

Skilgreina opinbera grunnþjónustu
Fréttir 8. desember 2023

Skilgreina opinbera grunnþjónustu

Unnin hafa verið drög að skilgreiningu á opinberri grunnþjónustu, ásamt greinarg...

Innleiða þarf vistkerfisnálgun
Fréttir 7. desember 2023

Innleiða þarf vistkerfisnálgun

Tímabært þykir að innleiða vistkerfisnálgun á Íslandi með skipulögðum hætti. Fræ...

Verðmætasköpun eykst og mikil sala
Fréttir 7. desember 2023

Verðmætasköpun eykst og mikil sala

Æðarræktarfélag Íslands (ÆÍ) hélt aðalfund að Keldnaholti 18. nóvember. Alls mæt...

Tilraun til að bjarga færeyska hrossakyninu
Fréttir 6. desember 2023

Tilraun til að bjarga færeyska hrossakyninu

Færeyska hestakynið er í útrýmingarhættu en í dag eru til 89 færeysk hross og af...