Vinsamlegast athugið að þetta efni er eldra en 2 ára.
Kjötframleiðsla íslenskra bænda er í góðum takti við fjölgun landsmanna
Mynd / Bbl
Fréttir 10. febrúar 2022

Kjötframleiðsla íslenskra bænda er í góðum takti við fjölgun landsmanna

Höfundur: Hörður Kristjánsson

Heildarkjötframleiðsla íslenskra bænda á síðasta ári var tæp 31.012 tonn, sem var um 0,3% sam­­dráttur á milli ára. Þetta var samt rúmlega 4.090 tonnum meiri kjöt­­framleiðsla en á árinu 2010, sem er um 15,2% aukning. Virðist fram­leiðsluaukningin haldast ótrúlega vel í hendur við íbúa­fjölgun á sama tíma, sem nam  rúmlega 16,1%, eða um 51.162 tonn.

Kjötframleiðsla íslenskra bænda á árinu 2010 var um 26.923 tonn og mest var þá framleitt af kinda­kjöti, eða um 9.166 tonn. Alifugla­kjötsframleiðslan var þá í öðru sæti með 6.904 tonn.

Mest var hins vegar framleitt af kindakjöti á árinu 2017, eða tæp 10.620 tonn, en þá var framleiðslan á alifuglakjötinu komin í um 6.970 tonn samkvæmt tölum úr mælaborði landbúnaðarins.

Alifuglakjötsframleiðslan er að ná kindakjötinu 

Á síðasta ári var heildar­fram­leið­sl­an eins og fyrr segir tæp 31.012  tonn og af því var kinda­kjötsframleiðslan 9.395 tonn. Kindakjötsframleiðslan hefur dregist saman en þessi grein var samt enn  með vinninginn á árinu 2021 í rúmum 9.490 tonnum. Alifuglakjötsframleiðslan var þá með um 9.244 tonn og var að rétta úr sér eftir 500 tonna samdrátt á Covid-árinu 2020. Það verður því fróðlegt að sjá hvort framleiðslan á alifuglakjöti fari í fyrsta sinn í sögunni fram úr kindakjötsframleiðslunni á árinu 2022, en salan á alifuglakjötinu sigldi fram úr kindakjötinu þegar árið 2007.

Samdráttur í öllum kjötgreinum nema nautgripakjötsframleiðslu

Samdráttur var í framleiðslu á öllum kjöttegundum á síðasta ári nema á nautgripakjöti. Stöðugleiki hefur einkennt nautgripakjötsframleiðsluna undanfarin ár. Á árinu 2010 voru framleidd 3.895 tonn af nautgripakjöti en undanfarin fimm ár hefur framleiðslan verið yfir 4.600 tonn. Þá fór framleiðslan á nautgripakjötinu í 4.965 tonn á síðasta ári og hefur aldrei verið meiri. 

Í svínakjötsframleiðslunni hefur verið jafn hóflegur stígandi allar götur síðan 2010 þegar hún nam tæpum 6.158 tonnum. Á árinu 2020 var hún komin í tæp 6.813 tonn en gaf aðeins eftir á síðasta ári þegar fram­leiðslan á ísl­ensku svína­kjöti var 6.575.

Kjötsalan heldur í við íbúafjölgun líkt og framleiðslan

Þegar litið er á sölu á íslensku kjöti hefur hún líka aukist um svipað magn og framleiðslan, eða um 4.039 tonn frá 2010, sem er um 16,8% aukning. Það stemmir vel við hlutfallsfjölgun íbúa landsins.

Þannig var heildarsala innan­lands á íslensku kjöti um 23.947 tonn á árinu 2010, en var 27.986 tonn á árinu 2021. Kjötsalan var mest árið 2019 þegar ferðamanna­straumurinn til landsins var í hámarki. Þá nam salan um 28.977 tonnum, en var tæp 27.986 tonn á síðasta ári.

Líklegt er að sala á íslensku kjöti til ferðamanna hafi einkum skilað sér í aukinni sölu á alifugla­kjöti. Þá gætu ferðamenn einnig hafa spilað mikilvæga rullu í að taka kúfinn af þeirri framleiðslu- og söluaukningu sem var umfram íbúafjölgun á árunum fram til 2020. Í því ljósi horfa íslenskir bændur trúlega á það sem ný tækifæri til sóknar þegar erlendir ferðamenn fara að sýna aukinn áhuga á ný á ferðalögum til Íslands.

Skylt efni: kjötframleiðsla

Passíusálmar sr. Hallgríms
Fréttir 29. mars 2024

Passíusálmar sr. Hallgríms

Passíusálmarnir verða fluttir í Hallgrímskirkju á föstudaginn langa.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...