Vinsamlegast athugið að þetta efni er eldra en 7 mánaða.
Kúrukoddinn Værukær frá Elínu Jónu.
Kúrukoddinn Værukær frá Elínu Jónu.
Mynd / Aðsendar
Í deiglunni 21. nóvember 2023

Fjallafrúin gerir það gott

Höfundur: Magnús Hlynur Hreiðarsson

Elín Jóna Traustadóttir á bænum Tungufelli í Hrunamannahreppi stofnaði fyrirtækið Fjallaspuni eftir að hún hreppti fyrstu verðlaun í nýsköpunarnámskeiði fyrir frumkvöðla í textíl á vegum evrópska rannsókna- og þróunarverkefnisins Centrinno sem hét Heldurðu þræði.

„Ég hafði lofað sjálfri mér því að ef ég myndi vinna til verðlauna með hugmynd mína um kúrukoddann VæruKær myndi ég stofna fyrirtæki. Þetta var á haustdögum árið 2022 og um áramótin var ekkert annað að gera en að ganga í verkið,“ segir Elín Jóna.

Tungufell er síðasti bærinn áður en komið er inn á hálendið og því Þótti Elínu kjörið að vísa til þess í nafngift fyrirtækisins. „Fjallaspuni þótti mér við hæfi þar sem ég spinn vefi og spunahugtakið er oft notað í sambandi við ull og saumaskap. Meira í gríni en alvöru tók ég upp nafnið Fjallafrúin sem er einstaklingurinn á bak við þetta allt saman,“ segir hún.

Elín Jóna hefur meira en nóg að gera heima í Tungufelli við alls konar fjölbreytt og skemmtileg verkefni, sem hún hefur búið sér til sjálf.

Íslensk ull í tróð

Elín Jóna segir að Fjallaspuni hafi verið um nokkur verkefni. VæruKær er verkefni þar sem íslensk ull er nýtt sem eins konar tróð í nokkrar vörur. „Aðalverkefnið núna er að finna út hvernig best er að vinna ullina en erfitt hefur reynst að fá aðstöðu og tæki til að gera það,“ segir Elín Jóna.

Vörurnar sem ullin er nýtt í eru VæruKær kúrukoddi til að sofa með í fanginu, Hnoðri ungbarnahreiður, en í hann saumar Elín Jóna einnig ullardýnu þar sem hún fær þæft efni frá fyrirtækinu Snoðbreiða á Þórshöfn og svo er það Þófi, sem er gæludýraból en í það endurnýtir hún gamlar lopapeysur og yfirdýnur.

Stal sænginni fá manni sínum

Hugmyndina að kúrukoddanum Værukær fékk Elín Jóna í janúar 2022 þegar hún var búin að stela sænginni frá manninum sínum og vaknaði með hana í fanginu.

„Ég taldi að það hlyti að vera hægt að leysa þetta vandamál á einhvern máta,“ segir hún hlæjandi.

Elín Jóna segist leggja mikla áherslu á að nota vistvæn og náttúruleg efni í framleiðsluna eins og íslensku ullina og GOTS vottuð efni sem eru framleidd án eiturefna.

„Óskastaðan er að fjármagna vélakaup til að geta unnið ullina frá grunni, enda búum við maðurinn minn með kindur og ekki langt að sækja hana. Ég þarf að geta þvegið ullina og tætt og þá er hún í raun tilbúin í fyllingarnar. Kostur er að ullin þæfist við notkun og stefni ég á að geta tekið á móti fyllingum úr vörunum til að endurnýta ullina. Ég er búin að koma mér upp tækjum fyrir vel útbúna saumastofu þannig að ég er tilbúin í að hoppa af stað.“

Handverkstorg.is og brúðarslör

Fjallaspuni á og rekur einnig vefsíðuna Handverkstorg. is sem er sölusíða fyrir lista- og handverksfólk. Hægt er að leigja sér pláss inni á síðunni og setja upp sínar vörur og taka þannig þátt í markaðssetningu fyrir síðuna. Síðan hefur vaxið og dafnað og eru núna ellefu söluaðilar að selja sínar vörur á torginu.

„Hugsunin með síðunni er sú að auðvelda framboð á vörum sem fólk er að búa til og einnig að neytendur þurfi bara að fara á einn stað til að kaupa vörur beint af lista- og handverksfólki. Þarna er ég að sameina tvö helstu áhugamál mín sem eru saumaskapur og vefsíðugerð. Ég hef saumað alla mína tíð og árið 2001 stofnaði ég vörumerkið Brúðarslör.is sem er einnig starfandi undir Fjallaspuna. Þar sel ég sérsaumuð brúðarslör og sérmerkta hringapúða. Mér hefur alltaf fundist gaman að hanna hluti og búa til eitthvað fallegt. Ég hef unnið mikið í tæknigeiranum og þar á meðal við gerð heimasíðna og mér fannst kjörið að sameina alla þessa eiginleika og reyna að nýta þá til góðs fyrir aðra, “ segir Elín Jóna.

Skylt efni: VæruKær

Orsakir kals og möguleg viðbrögð
Fréttaskýring 5. júlí 2024

Orsakir kals og möguleg viðbrögð

Talsverðar kalskemmdir eru á Norðurlandi í ár og virðist tjónið vera útbreiddast...

Vanefndir stjórnvalda
Fréttaskýring 21. júní 2024

Vanefndir stjórnvalda

Nýlega bárust fréttir af nípuræktun í Þurranesi í Dölum og á síðasta ári var sag...

Ísland eftirbátur í stuðningi við nýliðun og fjárfestingu
Fréttaskýring 7. júní 2024

Ísland eftirbátur í stuðningi við nýliðun og fjárfestingu

Ísland stendur öðrum löndum að baki þegar kemur að stuðningi við nýliða í landbú...

Rýnt í endurskinshæfni skóga
Fréttaskýring 24. maí 2024

Rýnt í endurskinshæfni skóga

Komið hefur fram í vísindagreinum að breyting á endurvarpi sólargeislunar gæti m...

Upprunamerki matvæla skipta máli
Fréttaskýring 7. maí 2024

Upprunamerki matvæla skipta máli

Þegar kemur að því að versla matvæli horfa neytendur mikið til upprunalands fram...

Heimild kjötafurðastöðva til sameiningar og samstarfs
Fréttaskýring 18. apríl 2024

Heimild kjötafurðastöðva til sameiningar og samstarfs

Alþingi samþykkti 21. mars sl. breytingu á búvörulögum sem felur í sér undanþágu...

Mikilvægasta rými jarðar
Fréttaskýring 29. mars 2024

Mikilvægasta rými jarðar

Stærsta innlögn nýrra fræsafna í Alþjóðlegu fræhvelfinguna á Svalbarða átti sér ...

Umræða um geðheilsu bænda mikilvæg
Fréttaskýring 8. mars 2024

Umræða um geðheilsu bænda mikilvæg

Vísbendingar eru um að bændur séu líklegri til að þjást af einkennum streitu og ...