Heimsmeistaramóti íslenska hestsins 2021 í Herning hefur verið aflýst
Höfundur: smh
FEIF, Alþjóðsamtök íslenska hestsins, gáfu það út í gær að Heimsmeistaramóti íslenska hestsins 2021 hafi verið aflýst, en mótið átti að vera í Herning í Danmörku 1.-8. ágúst. Ástæðan er óvissuástand vegna COVID-19 faraldursins. Talið er að talsverðar líkur séu á því að einhverjar FEIF-þjóðir muni ekki geta tekið þátt í mótinu og því verði ekki möguleg sanngjörn keppni bestu hesta og knapa innan samtakanna.
Næsta Heimsmeistaramót íslenska hestsins verður í Hollandi 2023.
