Vinsamlegast athugið að þetta efni er eldra en 4 ára.
Karl G. Kristinsson, yfirlæknir sýkla- og veirufræðideildar Landspítala Íslands og prófessor í sýklafræði við Háskóla Íslands.
Karl G. Kristinsson, yfirlæknir sýkla- og veirufræðideildar Landspítala Íslands og prófessor í sýklafræði við Háskóla Íslands.
Fréttaskýring 2. ágúst 2019

Landspítalinn ekki í stakk búinn til að taka á móti faraldri bráðasýkinga

Höfundur: Vilmundur Hansen

Karl G. Kristinsson, yfirlæknir sýkla- og veirufræðideildar Landspítala Íslands og prófessor í sýklafræði við Háskóla Íslands, segir að það skorti sárlega viðeigandi húsnæði fyrir einangrun sjúklinga á flestum sviðum Landspítalans.

„Spítalinn er illa undir það búinn að taka á móti sjúklingum sem sýkjast af smitandi bakteríum ef svo skyldi fara að hér brytist út faraldur. Skiptir það þá engu hvort faraldurinn sé af völdum E. coli, sýklalyfjaónæmra baktería eða hvað þá smitandi sýkinga eins og mislinga eða hættulegra sýkinga eins og Ebola.“

Í leiðara sem Karl skrifaði í Læknablaðið fyrir tveimur árum segir Karl að mikilvægt sé að þeir sem séu í einangrun séu á einbýli með sér salerni. „Landspítalinn var hins vegar byggður fyrir áratugum síðan við allt aðrar aðstæður og einangrunaraðstaðan þar er alls ófullnægjandi. Það sárvantar einmenningsherbergi og fleiri salerni, sem leiðir til þess að ekki er hægt að setja alla í einangrun sem þurfa og sjúklingar sem bera fjölónæma sýkla og þurfa að leggjast inn til læknismeðferðar eða rannsókna komast ekki alltaf að.“

Karl segir að það fyrsta sem þurfi að gera sé að minnka álagið á bráðamóttökunni, þar sem ástandið sé alvarlegast. „Í dag er það þannig að fólk liggur of lengi á bráðamóttökunni af því að það vantar pláss á legudeildum. Pláss vantar á legudeildum af því það er ekki hægt að útskrifa aldraða sem geta ekki farið heim til sín. Vandinn er því samhangandi. Það er algerlega óviðunandi að ef upp kemur bráð sýkingarhætta að sjúklingar þurfi að liggja á göngum bráðamóttökunnar hver innan um annan og geti þannig sýkt aðra.“

Hann bendir á að Læknaráð, Sóttvarnarráð og Læknafélagið hafi sent frá sér ályktanir um efnið og segir að sér vitanlega hafi ekkert markvert gerst og ástandið versni með tímanum. Mikilvægt sé svo að hraða byggingu nýs Landspítala eins og kostur er.

Rýnt í endurskinshæfni skóga
Fréttaskýring 24. maí 2024

Rýnt í endurskinshæfni skóga

Komið hefur fram í vísindagreinum að breyting á endurvarpi sólargeislunar gæti m...

Upprunamerki matvæla skipta máli
Fréttaskýring 7. maí 2024

Upprunamerki matvæla skipta máli

Þegar kemur að því að versla matvæli horfa neytendur mikið til upprunalands fram...

Heimild kjötafurðastöðva til sameiningar og samstarfs
Fréttaskýring 18. apríl 2024

Heimild kjötafurðastöðva til sameiningar og samstarfs

Alþingi samþykkti 21. mars sl. breytingu á búvörulögum sem felur í sér undanþágu...

Mikilvægasta rými jarðar
Fréttaskýring 29. mars 2024

Mikilvægasta rými jarðar

Stærsta innlögn nýrra fræsafna í Alþjóðlegu fræhvelfinguna á Svalbarða átti sér ...

Umræða um geðheilsu bænda mikilvæg
Fréttaskýring 8. mars 2024

Umræða um geðheilsu bænda mikilvæg

Vísbendingar eru um að bændur séu líklegri til að þjást af einkennum streitu og ...

Framtíðarlandbúnaður á eftir að stökkbreytast
Fréttaskýring 23. febrúar 2024

Framtíðarlandbúnaður á eftir að stökkbreytast

Á komandi áratugum er líklegt að landbúnaður breytist verulega. Þættir eins og t...

Úrgangsmálin í ólestri
Fréttaskýring 9. febrúar 2024

Úrgangsmálin í ólestri

Í byrjun síðasta árs tóku gildi lög hér á landi þar sem bann er lagt við urðun á...

Bændur telja samningsstöðu sína gagnvart afurðastöðvum veika
Fréttaskýring 30. janúar 2024

Bændur telja samningsstöðu sína gagnvart afurðastöðvum veika

Aðstöðumunur kúabænda vegna mismunandi stuðnings við kvótakaup milli landsvæða h...