Vinsamlegast athugið að þetta efni er eldra en 9 ára.
Brúsastaðir í Vatnsdal og Efstidalur II í Bláskógabyggð hlutu landbúnaðarverðlaunin
Fréttir 2. mars 2015

Brúsastaðir í Vatnsdal og Efstidalur II í Bláskógabyggð hlutu landbúnaðarverðlaunin

Höfundur: Vilmundur Hansen

Sigurður Ingi Jóhannsson landbúnaðarráðherra afhenti landbúnaðarverðlaunin 2015 á setningarhátíð búnaðarþings. Að þessu sinni hlutu Brúsastaðir í Vatnsdal og Efstidalur II í Bláskógabyggð verðlaunin. Er þetta 19 árið sem verðlaunin eru afhent.

Við afhendingu verðlaunanna sagði Sigurður Ingi meðal annars. „Verðlaunin voru í upphafi hugsuð sem viðurkenning til aðila sem á einn eða annan hátt tengjast íslenskum landbúnaði og hafa sýnt með verkum sínum áræðni og dugnað, þannig að þau eru til fyrirmyndar. Í anda þessa hefur síðan verið unnið. Þau má túlka sem þakklætis og virðingarvott frá landbúnaðarráðherra til landbúnaðarins, þeirrar atvinnugreinar sem svo margir byggja afkomu síðan á. Beint eða óbeint.“

Fjölmargir eiga verðlaunin skilið
„Val á verðlaunaþegum hefur í senn verið auðvelt en einnig nokkuð snúið, fjölmargir eiga verðlaunin skilið en fáir útvaldir í hvert skipti. Þrátt fyrir þetta hefur þannig til tekist að allir hafa verið sammála um að viðkomandi verðlaunaþegar eigi viðurkenninguna sannarlega skilið.

Um allt land eru starfandi duglegir og metnaðarfullir bændur sem sinna búum sínum, af hvaða toga svo sem þau eru af miklum myndarskap, jafnt hvað umhirðu og góðan árangur búgreinarinnar varðar en jafnframt og ekki síður hvað ytra umhverfi og ásýnd búsins varðar. Eftir því er tekið.

Íslenskur landbúnaður er fjölbreyttur og íslensk bændastétt þess verðug að henni sé sómi sýndur. 

Hjónin á Brúsastöðum,  Gróu  Margréti Lárusdóttur og Sigurð Eggerz Ólafsson og hjónunum í Efstadal II,  Björgu Ingvarsdóttur og Snæbjörn Sigurðsson er veit Landbúnaðarverðlaununum 2015.“

Brúsastaðir í Vatnsdal
Búskapnum á Brúsastöðum hefur ár eftir ár hefur býlið verði fremstu röð hvað varðar mjólkurframleiðslu og á síðasta ári var búið með hæstu meðalafurðir landsins. Skiluðu kýrnar að jafnaði um 7.900 kílóum af mjólk eða í heildina um 390 þúsund kíló.

Efstidalur 2 í Laugardal
Búið er með 40 kýr og á annað hundrað nautgripi og um 40 hross. Búskapurinn í Efstadal II er þannig margvíslegur, hrossarækt, kúabúskapur, fjölbreytt ferðaþjónusta og heimavinnsla matvæla. Slíkur rekstur krefst aukins mannafla og gefur möguleika á mildum kynslóðaskiptum þar sem allir hafa hlutverk og tekjur af búrekstrinum.

Verðlaunagripirnir í ár eru hannaðir og unnir af listakonunni Sigríði Helgu Olgeirsdóttur. Steinleirsskúlptúr á stöpli úr íslensku birki.
 

Sama sláturhús sektað þrisvar
Fréttir 17. maí 2024

Sama sláturhús sektað þrisvar

Matvælastofnun (MAST) hefur þrisvar sinnum á þessu ári lagt stjórnvaldssekt á sv...

KS hagnaðist um 5,5 milljarða króna
Fréttir 17. maí 2024

KS hagnaðist um 5,5 milljarða króna

Hagnaður Kaupfélags Skagfirðinga af rekstri félagsins á árinu 2023 reyndist rúml...

Vorverkum bænda seinkar
Fréttir 16. maí 2024

Vorverkum bænda seinkar

Veturinn sem leið var sá kaldasti frá vetrinum 1998 til 1999, samkvæmt tíðindum ...

Riðuveiki útrýmt innan 20 ára
Fréttir 16. maí 2024

Riðuveiki útrýmt innan 20 ára

Landsáætlun um riðuveikilaust Ísland hefur verið sett í samráðsgátt stjórnvalda.

Kornþurrkstöð reist í Eyjafirði
Fréttir 16. maí 2024

Kornþurrkstöð reist í Eyjafirði

Grunnur undir kornþurrkstöð í Eyjafirði er nú að taka á sig mynd í landi Laugala...

Mjólkurframleiðendur fá arðgreiðslu
Fréttir 16. maí 2024

Mjólkurframleiðendur fá arðgreiðslu

Kúabændur á starfssvæði Auðhumlu mega gera ráð fyrir arðgreiðslu frá samstæðunni...

Vetnisknúin skip í smíðum
Fréttir 15. maí 2024

Vetnisknúin skip í smíðum

Smíði er hafin á tveimur vetnis­ skipum á vegum Samskipa. Áætlað er að þeim verð...

Drómasýki í hrossum
Fréttir 13. maí 2024

Drómasýki í hrossum

Drómasýki er vaxandi vandamál í íslenskri hrossarækt. Til stendur að stofna star...