Tilraunir eru nú gerðar með sjálfkeyrandi rafknúna smávagna í Ile-de-France-héraði í norðanverðu Frakklandi.
Tilraunir eru nú gerðar með sjálfkeyrandi rafknúna smávagna í Ile-de-France-héraði í norðanverðu Frakklandi.
Fréttir 8. mars 2021

Þróa sjálfkeyrandi rafknúna smávagna

Höfundur: Hörður Kristjánsson

Frönsku fyrirtækin Navya og Bluebus hyggjast nýta sérþekkingu sína og fara í tæknilegt samstarf við að hanna og þróa sjálf­keyrandi strætóskutlur.

Þessi þróun mun byggjast á reynslu Bluebus, en það er fyrirtæki með sérþekkingu á hönnun, þróun, framleiðslu og sölu á 100% rafknúnum strætisvögnum.

Ný rafhlöðutækni

Strætisvagnarnir, sem verða aðeins 6 metrar að lengd, munu nota lithium mál „fastkjarna“ rafhlöður (Lithium metal solid-state batteries – LMP) sem þróaðar hafa verið af Bluebus Solutions í gegnum fyrirtækið Bollorè Group, sem er eitt af 500 stærstu fyrirtækjum heims. Bollorè framleiðir meðal annars rafknúna strætisvagna. Þessar rafhlöður eru ólíkar hefðbundunum Lithium Ion rafhlöðum sem eru með seigfljótandi kjarna og eru afar viðkvæmar fyrir ofhitnun. Fastkjarna rafhlöður eru bæði mun öruggari hvað sprengihættu varðar auk þess að hægt er að hlaða þær mun hraðar en hefðbundnar rafhlöður. Munu Daimler og eCitaro einnig hafa áform um að taka í notkun slíkar rafhlöður.

Litlu 6 metra löngu strætisvagnarnir, eða skutlurnar, hafa verið í prófunum í Ile-de-France héraði í norðanverðu Frakkalandi, en höfuðborgin París er einmitt helsta stolt héraðsins. Bremsu- og hröðunarbúnaður vagnanna verður sjálfvirkur og er stýrt með aksturshugbúnaðarlausn frá Navya. Að auki verða mörg samskipti við búnaðinn um borð einnig með hugbúnaðinum sem Navya hefur þróað.

Samningur Navya og Bluebus þykir nokkuð sérstakur og mun skilgreina skilyrði fyrir framkvæmd sameiginlegs verkefnis fyrirtækjanna. Lýtur það að því að auðvelda markaðssetningu sjálfstæðra samgöngulausna.

Jean-Luc Monfort, stjórnar­formaður og forstjóri Bluebus, segir:

„Við erum ánægð með að halda áfram samstarfi okkar við rannsóknir og þróun við Navya. Samsetningin af gagnkvæmri sérþekkingu okkar ætti að gera okkur kleift að sjá fyrir þróun sjálfkeyrandi 6 metra skutlu morgundagsins. Þetta samstarf er hluti af stefnunni um stöðugar endurbætur á Bluebus farartækjum.“

Etienne Hermite, forstjóri Navya, segir:

„Við erum mjög ánægð með að hafa undirritað þennan samning við Bluebus, sem er stór aðili í rafknúnum ökutækjum og við deilum sömu stefnumótandi, tæknilegu og viðskiptalegu framtíðarsýninni.

Ökutækin og tæknin sem Bolloré Group hefur þróað munu finna mjög áhugaverða viðbótarmarkaði, þökk sé kerfum Navya. Þetta samstarf er í fullu samræmi við stefnu Navya um að koma sjálfvirkum aksturskerfum á 4. stigi á fjölmörgum ökutækjakerfum til fólksflutninga og vöruflutninga. Þessi samningur ætti að gera Navya kleift að taka stórt skref fram á við með þróun sinni.“

Flateyjarjörðinni á Mýrum í Austur-Skafta­fellssýslu verður skipt upp í tvær jarðir
Fréttir 15. apríl 2021

Flateyjarjörðinni á Mýrum í Austur-Skafta­fellssýslu verður skipt upp í tvær jarðir

Stjórn Selbakka ehf., sem á og rekur Flateyjarbúið á Mýrum í Austur-Skaftafellss...

Styrkir til rannsókna og þróunarverkefna búgreina
Fréttir 15. apríl 2021

Styrkir til rannsókna og þróunarverkefna búgreina

Atvinnuvega- og nýsköpunarráðuneytið auglýsir eftir umsóknum um styrki til ranns...

Mælaborð landbúnaðarins markar tímamót varðandi samantekt og birtingu upplýsinga
Fréttir 15. apríl 2021

Mælaborð landbúnaðarins markar tímamót varðandi samantekt og birtingu upplýsinga

Mælaborði landbúnaðarins var hleypt af stokkunum af Kristjáni Þór Júlíussyni sjá...

Matvælið – Nýtt hlaðvarp Matís um rannsóknir og nýsköpun í matvælaframleiðslu
Fréttir 14. apríl 2021

Matvælið – Nýtt hlaðvarp Matís um rannsóknir og nýsköpun í matvælaframleiðslu

„Matvælið – hlaðvarp Matís“ er nafn á glænýjum hlaðvarpsþætti sem er nú aðgengil...

Er stórsókn í ylrækt fýsileg?
Fréttir 14. apríl 2021

Er stórsókn í ylrækt fýsileg?

Eimur stendur fyrir svokallaðri vefstofu (fjarfundi) á morgun undir yfirskriftin...

BYKO og Lely Center Ísland í samstarf um fjósalausnir
Fréttir 14. apríl 2021

BYKO og Lely Center Ísland í samstarf um fjósalausnir

Nýlega ákváðu BYKO og Lely Center Ísland að hefja samstarf í því að bjóða kúabæn...

Sækja á sjálfbær fjárfestingaverkefni til Íslands
Fréttir 14. apríl 2021

Sækja á sjálfbær fjárfestingaverkefni til Íslands

Í síðasta mánuði undirritaði Þórdís Kolbrún Reykfjörð Gylfadóttir ferðamála-, ið...

Samkeppniseftirlit heimilar samruna Norðlenska, Kjarnafæðis og SAH Afurða gegn ákveðnum skilyrðum
Fréttir 13. apríl 2021

Samkeppniseftirlit heimilar samruna Norðlenska, Kjarnafæðis og SAH Afurða gegn ákveðnum skilyrðum

Samkeppniseftirlitið hefur heimilað samruna fyrirtækjanna Norðlenska, Kjarnafæði...