Vinsamlegast athugið að þetta efni er eldra en mánaðar gamalt.
Matís og Hafró leiða alþjóðlegt verkefni um að þróa aðferðafræði og tæknilegar lausnir til að auðvelda ákvarðanatöku um auðlindanýtingu eða verndun hafsvæða.
Matís og Hafró leiða alþjóðlegt verkefni um að þróa aðferðafræði og tæknilegar lausnir til að auðvelda ákvarðanatöku um auðlindanýtingu eða verndun hafsvæða.
Mynd / Rita Ho
Fréttir 5. júní 2024

Sjónum beint að verndun hafsvæða

Höfundur: Steinunn Ásmundsdóttir

Verkefni, sem ætlað er að taka á loftslagsbreytingum og ógnun við líffræðilegan fjölbreytileika sjávar, hlaut nýlega styrk úr Rannsóknaáætlun Evrópusambandsins, Horizon Europe, Mission Ocean.

Um er að ræða nýtt alþjóðlegt 1,2 milljarða króna rannsókna- og nýsköpunarverkefni, leitt sameiginlega af Matís og Hafrannsóknastofnun.

Verkefnið snýst um að þróa aðferðafræði og tæknilegar lausnir til að auðvelda ákvarðanatöku um auðlindanýtingu eða verndun hafsvæða, skv. upplýsingum frá Matís og Hafró.

Rannsaka áhrif á fimm hafsvæði

Líffræðilegur fjölbreytileiki sjávar verður vaktaður svo hægt verði að gera grein fyrir stöðu hans og spá fyrir um mögulegar breytingar. Farið verður í víðtæka kortlagningu á nýtingu og áhrifum manna á einstök hafsvæði og tegundir í hafinu. Gera á aðgerðaáætlun fyrir forgangsröðun verndunar- og endurheimtunaraðgerða, sem og mat á vistfræðilegum, félagslegum og hagfræðilegum áhrifum þessara verndaraðgerða á fimm hafsvæðum, þ.e. við Ísland, Noreg, Írland, Portúgal og Azor-eyjar.

Alls taka 18 fyrirtæki og stofnanir víðs vegar að úr Evrópu þátt í verkefninu, en því er stjórnað af dr. Sophie Jensen, verkefnastjóra hjá Matís. Dr. Julian Burgos hjá Hafrannsóknastofnun er vísindalegur leiðtogi verkefnisins.

Mikið samstarf

Að sögn Matís og Hafró er áhersla lögð á gott samstarf við hagaðila en þeir eru til dæmis útgerðaraðilar, sjávarútvegssamtök, sveitarfélög, og þá sérstaklega sjávarbyggðir, innlend og alþjóðleg stjórnvöld, náttúruverndarsamtök, rannsóknaraðilar, stefnumótandi aðilar og sérfræðingar.

BioProtect-verkefnið stuðlar m.a. að því að Evrópuþjóðir nái helstu markmiðum Kunming-Montreal Global Biodiversity Framework- samningsins frá 2022. Í honum er kveðið á um að ríki skuli vernda 30% haf- og landsvæða fyrir árið 2030 og hefur sá samningur verið undirritaður af fleiri en 200 ríkjum, þar á meðal Íslandi. Meginmarkmið samningsins er að vernda líffræðilega fjölbreytni sem minnkar nú mun hraðar en áður á þekktum jarðsögulegum tíma.

Skylt efni: vistkerfi sjávar

Skrifað undir landsáætlun um útrýmingu á sauðfjárriðu
Fréttir 17. júlí 2024

Skrifað undir landsáætlun um útrýmingu á sauðfjárriðu

Skrifað var undir nýja landsáætlun um útrýmingu á sauðfjárriðu í Hörpu á mánudag...

Ársgamall kjúklingur enn í verslunum
Fréttir 16. júlí 2024

Ársgamall kjúklingur enn í verslunum

Þrátt fyrir að meira en ár er liðið frá síðustu sendingu kjúklingakjöts frá Úkra...

Mannelski og sjálfsöruggi gæðingafaðirinn
Fréttir 16. júlí 2024

Mannelski og sjálfsöruggi gæðingafaðirinn

Olil Amble og Bergur Jónsson á Syðri-Gegnishólum hafa náð einstökum árangri í hr...

Ráðuneytið svarar ESA um óvissuatriði
Fréttir 15. júlí 2024

Ráðuneytið svarar ESA um óvissuatriði

Matvælaráðuneytið segir í svari við fyrirspurn ESA, Eftirlitsstofnun EFTA, að sa...

Farsæll áhugaræktandi
Fréttir 15. júlí 2024

Farsæll áhugaræktandi

Þrír synir undan heiðursverðlaunahryssunni Álöfu frá Ketilsstöðum komu fram á La...

Hundrað hesta setningarathöfn
Fréttir 12. júlí 2024

Hundrað hesta setningarathöfn

Setningarathöfn Landsmóts hestasmanna er alla jafna hátíðleg.

Til þess var leikurinn gerður
Fréttir 11. júlí 2024

Til þess var leikurinn gerður

Stjórn Búsældar hefur fyrir sitt leyti samþykkt söluna á Kjarnafæði Norðlenska t...

Skammur aðdragandi að sölunni
Fréttir 11. júlí 2024

Skammur aðdragandi að sölunni

Bræðurnir Eiður og Hreinn Gunnlaugssynir hafa sem áður segir samþykkt kauptilboð...