Vinsamlegast athugið að þetta efni er eldra en 3 mánaða.
Dagbjört Diljá Einþórsdóttir og Ólafur Rúnar Ólafsson, bændur á Urriðaá, sem lentu í niðurskurði vegna riðu sem greindist í einni kind á bænum í apríl síðastliðnum.
Dagbjört Diljá Einþórsdóttir og Ólafur Rúnar Ólafsson, bændur á Urriðaá, sem lentu í niðurskurði vegna riðu sem greindist í einni kind á bænum í apríl síðastliðnum.
Mynd / smh
Fréttir 30. nóvember 2023

Samningaviðræðum við Miðfjarðarbændur ekki lokið

Höfundur: Sigurður Már Harðarson

Í umræðum á Alþingi á mánudaginn um riðuveiki í sauðfé og bætur vegna niðurskurðar í kjölfar riðutilfella sagði Svandís Svavarsdóttir matvælaráðherra að búið væri að semja við bændur í Miðfirði um bótagreiðslur vegna niðurskurðar á tveimur bæjum í apríl.

Bændur segja hins vegar að það sé ekki rétt og raunar sé langt í land. Staðhæfing Svandísar kom fram í viðbrögðum við ræðu Teits Björns Einarssonar, þingmanns Sjálfstæðisflokksins í Norðvesturkjördæmi og formanns efnahags- og viðskiptanefndar, sem var málshefjandi sérstakrar umræðu um riðu. „Þetta er nú ekki rétt hjá Svandísi,“ segir Dagbjört Diljá Einþórsdóttir á Urriðaá.

Gekk ekki að vera launalaus

„Við erum að vísu búin að skrifa undir samkomulag um greiðslu á hluta bótanna, sem við teljum að taki mið af úreltri reglugerð, eins og hefðbundnar afurðatjónsbætur og bústofnsbætur – og einnig um þá hluti sem átti að farga úr fjárhúsunum.

Við fórum fram á það að fá þetta greitt svo við gætum haldið áfram að leita réttar okkar, það gekk ekki að vera launalaus í allt haust og vetur. En það hefur nú ekki gengið þrautalaust að fá þetta greitt, ríkið reynir stanslaust að láta okkur skrifa undir samkomulag sem þvingar okkur inn í reglugerð og setur okkur þá skorður seinna meir ef við leitum réttar okkar, eins og hefur sýnt sig í dómsmálum tengdum svipuðum málum.

Ekki búið að skrifa undir heilan samning

Sagði Svandís í ræðu sinni að samkvæmt sínum heimildum innan úr matvælaráðuneytinu hefðu samningar við Miðfjarðarbændur verið undirritaðir á föstudaginn og væri samningaviðræðum þar með lokið. 

„Það að við séum búin að skrifa undir heilan samning er ekki rétt og enn langt í land með það býst ég við,“ segir Dagbjört hins vegar.

Mögulegur stuðningur við að taka hraðar inn verndandi arfgerðir

Dúi Jóhannesson Landmark, upplýsingafulltrúi í matvælaráðuneytinu, segir í svari við fyrirspurn um málið að samningar hafi verið undirritaðir við bændur um bætur vegna niðurskurðar vegna riðu sem greindist í Miðfirði í vor.

„Samningarnir ná til þeirra þátta sem sambærilegir samningar hafa gert hingað til og útreikningar byggja á sömu viðmiðum.

Umræddir bændur gerðu í samningunum fyrirvara við ákveðna þætti og munu taka afstöðu til hvernig verði með þá farið. Jafnframt er verið að skoða hvort fýsilegt sé að styðja umrædda bændur við að taka hraðar inn sauðfé með verndandi og hugsanlega verndandi arfgerðir,“ segir í svari Dúa.

Skylt efni: riða | Urriðaá

Ríkt af B12-vítamíni, fólati, kalíum og sinki
Fréttir 1. mars 2024

Ríkt af B12-vítamíni, fólati, kalíum og sinki

Samkvæmt niðurstöðum verkefnis sem nýlega var unnið hjá Matís, um nýtingu og nær...

Vaxtalækkun lána
Fréttir 1. mars 2024

Vaxtalækkun lána

Fram kom í frétt Bændablaðsins, 2. nóvember 2023, að stjórn Byggðastofnunar hefð...

Endurvinnslan er mest innanlands
Fréttir 29. febrúar 2024

Endurvinnslan er mest innanlands

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins...

Háskóladagurinn á fjórum stöðum
Fréttir 29. febrúar 2024

Háskóladagurinn á fjórum stöðum

Háskóladagurinn verður haldinn í Reykjavík laugardaginn 2. mars.Þá gefst fólki k...

Rýnt í lagaumgjörð hvalveiða
Fréttir 29. febrúar 2024

Rýnt í lagaumgjörð hvalveiða

Forsætisráðherra hefur skipað starfshóp sem falið er að skoða lagaumgjörð hvalve...

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...

Lambhagi notar „Íslenskt staðfest“
Fréttir 28. febrúar 2024

Lambhagi notar „Íslenskt staðfest“

Vigdís Häsler, framkvæmdastjóri Bændasamtaka Íslands, og Hafberg Þórisson, eigan...

Samræmt söfnunarkerfi
Fréttir 27. febrúar 2024

Samræmt söfnunarkerfi

Vinna á tillögu um útfærslu fyrir samræmt söfnunarkerfi dýraleifa á landsvísu se...