Vinsamlegast athugið að þetta efni er eldra en 5 ára.
Samband garðyrkjubænda, ASÍ, fræðimenn og 9 fyrrum ráðherrar vara við orkupakka 3
Fréttir 6. maí 2019

Samband garðyrkjubænda, ASÍ, fræðimenn og 9 fyrrum ráðherrar vara við orkupakka 3

Höfundur: Hörður Kristjánsson

Samband garðyrjubænda (SG) sendi nefndarsviði Alþingis umsögn vegna þriðja orku­pakkans. Í umsögninni er áréttuð hörð andstaða við samþykkt orkupakkans sem ítrekað hefur reyndar komið fram í viðtölum við formann SG á undanförnum mánuðum.

Í umsögn SG segir m.a.: Samband garðyrkjubænda leggst gegn því að framangreind tillaga til þingsályktunar verði samþykkt og leggur áherslu á eftirfarandi:

Ekki skal ganga til frekari innleiðingar á tilskipunum í orkumálum meðan ekki liggur fyrir óyggjandi og staðfest túlkun á því að Íslendingar fari með fullt forræði yfir raforkumálum hérlendis.
Nauðsynlegt er að meta hver áhrif af innleiðingu framangreindra breytinga hefði á Íslandi.

Umræða síðustu mánaða hefur leitt í ljós að mikill ágreiningur er uppi um möguleg áhrif og túlkun á því hver raunverulega fari með forræði orkumála hérlendis á öllum stigum.

Að ekki verði gengið til þess að tengja Ísland við raforkukerfi annarra landa og að stuðningur við ákveðnar framleiðslugreinar t.d. í formi raforkuniðurgreiðslna til garðyrkju verði áfram heimill samkvæmt lögum.

Ekki skal flytja orku út um sæstreng, sem um hverja aðra hrávöru væri að ræða, líkt og gert er ráð fyrir í áformum sem birtast m.a. á vefsíðu Landsvirkjunar.

Innlenda orku skal nota til innlendrar framleiðslu og styrkja þannig samkeppnisstöðu innlendra vara og þjónustu. Mikilvægt er að sá virðisauki sem felst í úrvinnslu afurða og nýtingu orkunnar verði eftir hérlendis.

Íslensk garðyrkja þarf að búa við hagfellda innviði og raforkuverð til ylræktar er þegar of hátt. Hækkun á raforkuverði hefði alvarlegar afleiðingar fyrir greinina.

Þá skorar Samband garðyrkju­bænda á íslensk stjórnvöld að láta þegar af áformum og breytingum á íslenskum lögum sem greiða fyrir þeim hugmyndum sem uppi eru um lagningu sæstrengs milli Íslands og annarra landa og flutningi orku um hann.

„Enginn þarf að velkjast í vafa um að lagning sæstrengs er raunveruleg fyrirætlan og nægir þar að benda á upplýsingar á vefsíðu Landsvirkjunar“, segir meðal annars í umsögninni.
Alþýðusamband Íslands gegn orkupakka 3

Alþýðusamband Íslands hefur einnig sent umsögn til Alþingis vegna þingsályktunartillögu utanríkisráðherra um þriðja orkupakkann. Drífa Snædal, forseti sambandsins, skrifar undir umsögnina og bendir hún á að málið hafi verið afar umdeilt meðal þjóðarinnar og kjörinna fulltrúa og verði ekki slitið úr samhengi við umræðuna um hvaða grunnstoðir eigi að vera í samfélagslegri eigu og undanskildar markaðslögmálunum.

„Rafmagn er undirstaða tilveru okkar í dag og það er samfélagsleg ábyrgð að tryggja framleiðslu og flutning til allra, sú ábyrgð er of mikil til að markaðurinn fái að véla með hana enda hefur markaðsvæðing grunnstoða yfirleitt ekki bætt þjónustu, lækkað verð né bætt stöðu starfsfólks. Það er forsenda fyrir áframhaldandi uppbyggingu lífsgæða að eignarhald á  auðlindum sé í samfélagslegri eigu og að við njótum öll arðs af nýtingu auðlindanna og getum ráðstafað okkar orku sjálf til uppbyggingar atvinnu hér á landi“, segir í umsögn Alþýðusambandsins.

Áður höfðu verkalýðsforingjar lýst andstöðu við áform um innleiðingu orkupakka 3. Ragnar Þór Ingólfsson, formaður VR, sagði m.a.:

„Hin ofsafengnu viðbrögð þekktra hagsmunaafla við réttmætum spurningum og gagnrýni gefa svo sannarlega tilefni til að staldra við. [...] Það er mikið undir fyrir félagsmenn okkar og fyrirtækin. Hærri orka þýðir hærra vöruverð og lægri kaupmátt og lakari samkeppnishæfni. Hærra orkuverð dregur úr möguleikum okkar til meiri sjálfbærni.“

Vilhjálmur Birgisson, formaður Verkalýðsfélags Akraness og varaforseti ASÍ, sagði: „Ég er sannfærður um að þessir orkupakkar eru vegvísar að því að við sem þjóð missum hægt og bítandi yfirráðarétt okkar yfir okkar mikilvægustu auðlind sem eru orkuauðlindirnar.“

Bakarar, fyrrum ráðherrar og fjöldi fræðimanna leggjast gegn orkupakkaáformum

Landssamband bakarameistara leggst einnig gegn innleiðingu orkupakka 3. Jóhannes Felixson, formaður Landssambands bakara­meistara, telur að innleiðing þriðja orkupakkans muni leiða til hækkunar á raforkuverði og veikja þar af leiðandi samkeppnisstöðu bakaría sem og íslensks iðnaðar.
Þá hafa níu fyrrverandi ráðherrar í ríkisstjórnum Íslands lýst andstöðu sinni við þessa innleiðingu, Davíð Oddsson, Guðni Ágústsson, Hjörleifur Guttormsson, Jón Baldvin Hannibalsson, Jón Bjarnason, Páll Pétursson, Sighvatur Björgvinsson, Tómas Ingi Olrich og Ögmundur Jónasson. Einnig  fjöldi sérfræðinga, tæknimanna og vísindamanna á ýmsum sviðum, eins og Kári Stefánsson, forstjóri Íslenskrar erfðagreiningar. Sveitarfélagið Skagafjörður, sem og lögfræði- og sérfræði­álit úr ýmsum áttum, bæði innlend og erlend, vara einnig við þessari innleiðingu.

Stækka ræktarland og fjölga vörutegundum
Fréttir 20. júní 2024

Stækka ræktarland og fjölga vörutegundum

Hvítlauksbændurnir í Neðri-Brekku í Dölum fengu nýlega tvo styrki úr Matvælasjóð...

Verðlaunuðu góðan árangur
Fréttir 20. júní 2024

Verðlaunuðu góðan árangur

Tabea Elisabeth Schneider hlaut verðlaun fyrir besta árangur á B.S. prófi þegar ...

Fuglum fækkar vegna óveðurs
Fréttir 20. júní 2024

Fuglum fækkar vegna óveðurs

Samkvæmt fuglatalningu varð algjört hrun í fjölda fugla á Norðausturlandi þegar ...

Óhrædd að takast á við áskoranir
Fréttir 19. júní 2024

Óhrædd að takast á við áskoranir

Tilkynnt var um ráðningu Margrétar Ágústu Sigurðardóttur í starf framkvæmdastjór...

Halla færir út kvíarnar
Fréttir 19. júní 2024

Halla færir út kvíarnar

Halla Sif Svansdóttir Hölludóttir, garðyrkjuframleiðandi og eigandi garðyrkjustö...

Sala Búvís stöðvuð
Fréttir 19. júní 2024

Sala Búvís stöðvuð

Samkeppniseftirlitið hefur komið í veg fyrir að Skeljungur kaupi Búvís ehf. þar ...

Heitt vatn óskast
Fréttir 19. júní 2024

Heitt vatn óskast

Bláskógaveita, sem er í eigu sveitarfélagsins Bláskógabyggð, hefur óskað eftir t...

Minni innflutningur og meiri framleiðsla
Fréttir 19. júní 2024

Minni innflutningur og meiri framleiðsla

Um 300 tonn af nautakjöti voru flutt inn á fyrstu fjórum mánuðum ársins 2024.