Vinsamlegast athugið að þetta efni er eldra en 3 ára.
Garðyrkjuskólinn á Reykjum.
Garðyrkjuskólinn á Reykjum.
Mynd / HKr
Fréttir 13. janúar 2022

Pattstaða garðyrkjumenntunar

Höfundur: Vilmundur Hansen

Talsverður styr hefur staðið milli atvinnulífs garðyrkjunnar og yfirstjórnar Landbúnaðar- háskóla Íslands um stöðu og umgjörð starfsmenntanáms í garðyrkju við skólann undanfarin ár.

Skömmu fyrir þarsíðustu áramót ákvað þáverandi mennta- og menningarmálaráðherra, Lilja Alfreðsdóttir, að starfsmenntanám í garðyrkju skyldi flutt frá Landbúnaðarháskóla Íslands yfir til Fjölbrautaskóla Suðurlands. Núverandi menntamálaráðherra, Ásmundur Einar Daðason, staðfesti skömmu fyrir síðustu áramót að ákvörðun Lilju stæði og að FSu tæki við starfsmenntanáminu 1. ágúst næstkomandi. Um 11 milljónir fengust til FSu í fjárveitingu til yfirfærslunnar.

Garðyrkjuskólinn á Reykjum starfaði sem sjálfstæð menntastofnun í 66 ár, eða frá stofnun hans árið 1939 til ársins 2005 þegar hann var sameinaður Landbúnaðar- háskóla Íslands.

Vaxandi atvinnuvegur

Mikil aðsókn hefur verið í garðyrkjunám undanfarin ár enda ljóst að garðyrkja er vaxandi atvinnugrein og að möguleikar í ræktun af öllu tagi og ekki síst í matjurtarækt miklir. Í dag stunda um 140 nemendur nám við skólann, bæði í staðar- og fjarnámi.

Samkvæmt heimildum Bænda­blaðsins hefur lítið verið leitað til starfsfólks og kennara við Garðyrkjuskólann vegna yfirfærsl­unnar. Auk þess sem ekkert samráð hefur verið haft við fagfélög garðyrkjunnar vegna þessara breytinga á högum garðyrkj­u­námsins.

Viðræður halda áfram

Sigursveinn Már Sigurðsson, aðstoðarskólameistari FSu, segir að rekstur Garðyrkjuskólans sé þungur og skortur er á fé til verklegu kennsl­unnar. „Næstu skref eru að fá meiri upplýsingar á raunkostnaði starfsnámsins í garðyrkju.“

Húsnæði skólans illa farið

Fjármagn til verkefna og viðhalds húsnæðis Garðyrkjuskólans hefur verið í lágmarki vegna núverandi stöðu og að sögn starfsmanna hefur starfsemin á Reykjum í raun verið í fjársvelti frá því ákvörðun var tekin um að flytja námið annað.

Olga Lísa Garðarsdóttir, skóla­meistari FSu, sagði í Bændablaðinu á síðasta ári að FSu hafi sett það sem skilyrði vegna yfirtökunnar að Ríkiseignir ábyrgist húsnæði sem verður notað í tengslum við námið. „Við höfum líka sagt skýrt að við viljum ekki taka ábyrgð á lélegu eða ónýtu húsnæði á Reykjum.

Garðyrkjunámið kemur til með að vera áfram að Reykjum en hins vegar er vel hugsanlegt að einhverjir áfangar í bóknámi verði samkeyrðir með öðrum brautum við FSu.“
Húsnæði og lendur eign LbhÍ

Í dag telst húsnæði og lendur sem eign Landbúnaðarháskóla Íslands enda fylgdi það með þegar Garðyrkjuskólinn rann inn í LbhÍ árið 2004. Ekki er búið að ganga frá því hver fer með forræði á Reykjum eftir að garðyrkjunámið fer út úr LbhÍ.

Ragnheiður Þórarinsdóttir, rektor Lbhí, segir að eftir yfirfærsluna muni LbhÍ vinna áfram að sínum rannsóknum á sviði garðyrkju og umhverfisvísinda á svæðinu.

Óvissa um framtíð starfsmanna

Guðríður Helgadóttir, starfs­maður á Reykjum, segir að enn sé flest óljóst um framtíð starfs­menntanámsins og kennarar og aðrir starfsmenn óvissir um framtíð sína við skólann. Auk þess sem þessi óvissa komi niður á nemendum skólans hvort sem þeir eru í staðar- eða fjarnámi.

Framtíð starfsmenntanáms óljós

Margt er enn óljóst um framtíð starfsmenntanáms garðyrkjunnar og samningar um staðsetningu námsins ekki í höfn. Staðan og framtíðarhorfur námsins eins og það er í dag er því varla hvetjandi fyrir áhugasamt fólk til að sækja um nám í greininni.

Sjá nánari umfjöllun á blaðsíðu 4 í Bændablaðinu.

Sölufélagið í góðu lagi
Fréttir 17. júlí 2025

Sölufélagið í góðu lagi

Nú hafa Sölufélag garðyrkjumanna, Báran stéttarfélag og Framsýn stéttarfélag und...

Bændur harka af sér
Fréttir 16. júlí 2025

Bændur harka af sér

Ný rannsókn bendir til þess að fólk sem starfar í landbúnaði sé ólíklegt til að ...

Getur leyst plast af hólmi
Fréttir 16. júlí 2025

Getur leyst plast af hólmi

Frumkvöðlafyrirtækið Marea Iceland hyggst setja á markað umhverfisvænt húðunaref...

Auglýsingar um sveppadropa og -duft ámælisverðar
Fréttir 16. júlí 2025

Auglýsingar um sveppadropa og -duft ámælisverðar

Verslunin Hugur Studio, sem rekin er af Hemmet ehf., hefur verið kærð fyrir afdr...

Átak um öryggi barna í sundi
Fréttir 16. júlí 2025

Átak um öryggi barna í sundi

Rauði krossinn á Íslandi hefur hleypt af stokkunum fræðslu- og forvarnarátaki um...

Pöddur í hundamat
Fréttir 15. júlí 2025

Pöddur í hundamat

Fyrirtæki hafa sett á markað hundamat úr skordýrum. Slíkt fæði hefur minna kolef...

Orkuskipti í Flatey
Fréttir 15. júlí 2025

Orkuskipti í Flatey

Jóhann Páll Jóhannsson, umhverfis-, orku- og loftslagsráðherra og Elías Jónatans...

Landeldi við Hauganes
Fréttir 15. júlí 2025

Landeldi við Hauganes

Laxós ehf. áformar uppbyggingu og rekstur fiskeldisstöðvar norðan Hauganess, þar...