Vinsamlegast athugið að þetta efni er eldra en 4 ára.
Öflug starfsemi Smalahundafélags Íslands
Mynd / úr safni BBL
Fréttir 25. apríl 2017

Öflug starfsemi Smalahundafélags Íslands

Höfundur: AJH
Árið 2016 var vel heppnað starfsár hjá Smalahundafélagi Íslands. Alls voru þrjár keppnir haldnar á árinu. 
 
 Tvær þeirra hafa fengið umfjöllun áður á síðum Bændablaðsins, nefnilega Íslandsmótið að Bæ í Dölum og mót Austurlandsdeildar Smalahundafélagsins á Eyrarlandi í Fljótsdal. Þriðja mótið var haldið laugardaginn 5. nóvember. Mótið var haldið að Húsatóftum, en þetta er í fyrsta skipti sem fjárhundamót er haldið þar. Smalahundadeild Árnessýslu stóð fyrir mótinu. Veðrið lék við gesti, gott haustveður og aðstæður til keppni hinar ágætustu.
 
Alls tóku 12 hundar þátt í keppninni og þar af 11 í A-flokki en einungis einn í B-flokk. A-flokkurinn er sá flokkur sem inniheldur mest tamda hunda og var því um sterkt mót að ræða. 
 
110 stiga keppi í A-flokki haldin í fyrsta sinn
 
Í fyrsta skipti á Íslandi var A-flokkurinn með svokallaðri 110 stiga keppni, en það er hámarks stigafjöldi sem hver keppandi getur hlotið fyrir sitt rennsli. Með þessu móti bætist ein þraut við brautina miðað við hvernig hefð er fyrir því að hafa hana hérlendis. Úrslit voru eftirfarandi:
 
  • Aðalsteinn Aðalsteinsson og Frigg frá Kýrholti 95 stig
  • Aðalsteinn Aðalsteinsson og Doppa frá Húsatóftum 91 stig 
  • Agnar Ólafsson og Brook frá Wales 89 stig
  • Aðalsteinn Aðalsteinsson og Kría frá Daðastöðum 88 stig 
  • Gunnar Guðmundsson og Ólína frá Hafnarfirði 87 stig 
  • Svanur H. Guðmundsson og Korka frá Miðhrauni 80 stig 
  • Gunnar Guðmundsson og Karven Taff frá UK 74 stig 
  • Halldór Sigurkarlsson og Smali frá Miðhrauni 73 stig 
  • Kristinn S Hákonarsson og Astra Polar frá UK 71 stig 
  • Hilmar Sturluson og Perla frá Móskógum 60 stig
Einn keppandi dró sig úr keppni.
 
Eins og áður sagði var einungis einn keppandi í B-flokk en það var Kristinn Hákonarson með tíkina Mist en þau hlutu 52 stig.
 
Verðlaunahafar hlutu fóðurpoka í sinn hlut að talningu stiga lokinni. Mótið var í alla staði hið ánægjulegasta og vonandi vísir að hefð fyrir svona mótshaldi að skapast á þessu svæði.
Smalahundadeild Árnessýslu vill koma á framfæri til allra þeirra sem aðstoðuðu við mótshaldið. Sérstaklega Reyni Þ. Jónssyni dómara og styrktaraðilum mótsins. Þeir voru Dýralæknaþjónustan Stuðlum, Landstólpi og Jötun vélar.
 
Vaxandi áhugi
 
Talsverð merki eru upp um að vaxandi áhugi sé fyrir smalahundum á landinu. Aldrei hafa fleiri einstaklingar eða hundar keppt á mótum en á árinu 2016. Þá voru þrjú mót haldin sem er meira en venjulega og góð þátttaka í þeim öllum. 
 
Miðað við þátttöku væri vafalaust ástæða til að fjölga mótunum frekar sem vonandi verður raunin í framtíðinni. Það sem stendur því helst fyrir þrifum er vöntun á kindum til mótshalda yfir sumartímann meðan sauðfé er á úthaga. Sömuleiðis eru fáar kindur á lausu á veturna þegar þær eru með fangi. Ströng dagskrá sauðfjárbænda á haustin hjálpar svo ekki til. Engu að síður eru félagsmenn bjartsýnir á að mótshald sé að festa sig í sessi á landinu. Það er ekki nokkur spurning að framgangur greinarinnar verður meiri með frekara mótshaldi.
 
Smalahundafélagið mun standa fyrir ferð til Englands í haust. Þar verður haldið námskeið fyrir hópinn, hundar sýndir og fleira í þeim dúr. Einn þekktasti smali Bretlandseyja, Derek Scrimgeour, verður gestgjafi og mun sjá um dagskrána. Ferðin var auglýst síðla árs í fyrra og fylltist upp í öll laus pláss á fáeinum dögum. Færri fengu en vildu.
 
Heimsmeistaramótið í Hollandi
 
Árið 2016 kom í ljós að í fyrsta skipti mun Smalahundafélag Íslands senda fulltrúa á Heimsmeistaramót smalahunda sem fer fram í Hollandi dagana 13.–16. júlí. Smalahundafélagið varð aðildarfélag ISDS í lok árs 2015 og þar með fékk það keppnisrétt á heimsmeistaramótinu. Fjöldi keppenda fer eftir stærð aðildarfélaganna og mun SMFÍ því senda tvo þátttakendur, sem eru Aðalsteinn Aðalsteinsson og Elísabet Gunnarsdóttir. Þetta er í fyrsta skipti sem heimsmeistaramótið er haldið utan Bretlandseyja sem sýnir að greinin er að breiðast út, rétt eins og hún gerir á Íslandi. 
 
Framtíðin
 
Með sama áframhaldi er ljóst að íslensk fjárhundamenning mun vaxa mikið á komandi árum. Þær nýjungar sem boðið hefur verið upp á undanfarin ár sýnir það. Til dæmis má nefna skráningu á hvolpum í alþjóðlega skráningakerfið sem varð möguleiki síðla árs 2015 og góða þátttöku á mótum. Smám saman er að komast á hefð fyrir notkun smalahunda á Íslandi en lengst af höfum við ekki búið við hana.
Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...