Vinsamlegast athugið að þetta efni er eldra en 8 ára.
Nýtanlegt magn af viði margfaldast fram til 2044
Fréttir 25. ágúst 2015

Nýtanlegt magn af viði margfaldast fram til 2044

Höfundur: Margrét Þóra Þórsdóttir
Á næstu tíu árum er hægt að afla 24.300 rúmmetra af viði úr skóg­um bænda á Fljótsdalshéraði. Á tíma­bilinu 2035–2044 er útlit fyrir að magnið verði ríflega 120 þúsund rúmmetrar. Nýtanlegt magn viðar margfaldast því á næstu 30 árum. 
 
Þetta kemur fram í grein í nýju tölu­blaði rits Mógilsárs, þar sem spáð er fyrir um það viðarmagn sem fá má úr skógum bænda á Fljótsdalshér­aði. Spána rita skógfræðingarnir Lárus Heiðarsson, Benjamín Örn Davíðsson og Arnór Snorrason.
 
Lagt er mat á það viðarmagn sem mögu­legt er að grisja næstu 30 ár í þeirri nytjaskógrækt á Fljóts­dalshéraði sem styrkt hefur verið af opinberu fé, annað hvort af Héraðs- og Austurlandsskógum eða eldri verkefnum um nytjaskógrækt á bújörðum. Við greininguna á viðarmagni voru notaðar skógmælingar úr landsskógarúttekt Rannsóknastöðvar skógræktar á Mógilsá á ræktuðum skógum á Íslandi ásamt áætlanagerðarforritinu IceForest en í forritinu eru vaxtarjöfnur sem reikna framtíðarvöxt í skógunum.
 
Greiningin nær til 40% af skógiklæddu svæði á Héraði
 
Einungis voru teknar með mælingar úr skógum þar sem tegundirnar lerki, stafa­fura, sitkagreni, hvítgreni og alaskaösp uxu og þar sem meðalhæð trjáa var komin yfir 1,3 m. Það svæði sem tekið var til greiningar er 40% þess svæðis sem klætt hefur verið skógi á Héraði. Áætlunin gerir ráð fyrir að mögulegt sé að grisja samtals 24.300 m3 til ársins 2024. Fyrir tímabilið 2025–2034 verður grisjunarmagn komið upp í 100.200 m3 og fyrir tímabilið 2035–2044 er magnið orðið 120.700 m3. Þess ber að geta að skekkjumörk fyrir það mat sem hér er birt eru stór og fyrir tímabilið 2014–2024 er matsgildið því óöruggt. Sagt er frá greininni á vef Skógræktar ríkisins. 
 

Skylt efni: skógarbændur | nytjaviður

Styrkir til vatnsveitna á lögbýlum
Fréttir 5. mars 2024

Styrkir til vatnsveitna á lögbýlum

Enn er opið fyrir umsóknir um framlög vegna vatnsveitna á lögbýlum sbr. regluger...

Tilboðsmarkaður opinn
Fréttir 4. mars 2024

Tilboðsmarkaður opinn

Markaður fyrir greiðslumark mjólkur verður haldinn þann 1. apríl næstkomandi.

Ríkt af B12-vítamíni, fólati, kalíum og sinki
Fréttir 1. mars 2024

Ríkt af B12-vítamíni, fólati, kalíum og sinki

Samkvæmt niðurstöðum verkefnis sem nýlega var unnið hjá Matís, um nýtingu og nær...

Vaxtalækkun lána
Fréttir 1. mars 2024

Vaxtalækkun lána

Fram kom í frétt Bændablaðsins, 2. nóvember 2023, að stjórn Byggðastofnunar hefð...

Endurvinnslan er mest innanlands
Fréttir 29. febrúar 2024

Endurvinnslan er mest innanlands

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins...

Háskóladagurinn á fjórum stöðum
Fréttir 29. febrúar 2024

Háskóladagurinn á fjórum stöðum

Háskóladagurinn verður haldinn í Reykjavík laugardaginn 2. mars.Þá gefst fólki k...

Rýnt í lagaumgjörð hvalveiða
Fréttir 29. febrúar 2024

Rýnt í lagaumgjörð hvalveiða

Forsætisráðherra hefur skipað starfshóp sem falið er að skoða lagaumgjörð hvalve...

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...