Vinsamlegast athugið að þetta efni er eldra en 6 ára.
Músin sem fannst í salatinu var um fjórir sentímetrar að lengd og sex grömm að þyngd. / Mynd / Heilbrigðiseftirlit Reykjavíkur
Músin sem fannst í salatinu var um fjórir sentímetrar að lengd og sex grömm að þyngd. / Mynd / Heilbrigðiseftirlit Reykjavíkur
Fréttir 19. september 2017

Mús í innfluttu salati á veitingahúsi í Reykjavík

Höfundur: Vilmundur Hansen

Dauð mús fannst í innfluttu salati sem keypt var á veitingahúsinu Fresco við Suðurlandsbraut 48 í Reykjavík. Grunur er um að músin hafi verið í spænsku spínati sem var hluti salatsins.

Óskar Ísfeld Óskarsson, deildarstjóri hjá Heilbrigðiseftirliti Reykjavíkur, sagði í samtali við Bændablaðið að hann hafi fengið staðfest að nagdýrið sem fannst í salatinu sé ungi húsamúsar, sex grömm að þyngd.

Innflutt spínat liggur undir grun
Að sögn Óskars vinnur Heilbrigðiseftirlitið eftir þeirri tilgátu að músin hafi borist í salatið með hráefni og að hráefnið sé innflutt en ekki sé búið að staðfesta það. „Um er að ræða innflutt spínat sem liggur undir grun en okkur hefur ekki tekist að staðfest neitt svipað í öðrum pokum af spínati úr sömu sendingu. Það að við sé ekki búin að finna svipaðan aðskotahlut í sömu sendingu er ekki  óvanalegt þegar um er að ræða svona tilfelli.“

Innflutningsaðilinn, Innnes ferskvörudeild, hefur innkallað allt spínat í sömu sendingu, hvort sem það hefur farið í verslanir eða til stóreldhúsa, og músin kann að hafa borist til landsins með.

Spínatið sem um ræðir er flutt inn frá Spáni í pokum og er óþvegið og ekki pakkað hér á landi.

Ýmiskonar aðskotahlutir í salati
Óskar segir að fyrir mörgum árum hafi heilbrigðiseftirlitið í Reykjavík komið að öðru máli þar sem hluti af mús hafi fundist í innfluttu salati sem var endurpakkað hér á landi. „Eins og búast má við geta fundist ýmiskonar aðskotahlutir í innfluttu og innlendu salati, til dæmis steinar, sniglar eða skeljabrot og jafnvel froskar en sem betur fer er það sjaldgæft.“

Engin músagangur
Samkvæmt úttekt Heilbrigðiseftirlits Reykjavíkur bendir ekkert til að um músagang sé að ræða á veitingahúsinu Fresco á Suðurlandsbraut. Verið er að kryfja músina til að reyna að komast að því hvort hún er innlend eða erlend að uppruna.

Þrátt fyrir að heimildarmenn Bændablaðsins telji líklegt að músin í salatinu hafi borist til lands með innfluttu spínati frá Spáni er haft eftir eigenda Fresco á visir.is að músin sé kominn í salatið „af völdum manna sem vilja staðnum eitthvað illt“.
 

Skylt efni: salat | mús | Fresco | innflutningur

Sjálfbærninám á háskólastigi
Fréttir 12. júní 2024

Sjálfbærninám á háskólastigi

Fulltrúar Háskóla Íslands (HÍ) og Hallormsstaðaskóla hafa staðfest samstarfssamn...

Ætla að virkja sólargeisla og senda til jarðarinnar
Fréttir 11. júní 2024

Ætla að virkja sólargeisla og senda til jarðarinnar

Íslenska loftslagsfyrirtækið Transition Labs er komið í samstarf við breska fyri...

Gjaldskráin einfölduð
Fréttir 11. júní 2024

Gjaldskráin einfölduð

Matvælaráðherra hefur undirritað nýja gjaldskrá fyrir eftirlit og önnur gjaldsky...

Staða sníkjuormasýkinga metin
Fréttir 10. júní 2024

Staða sníkjuormasýkinga metin

Kortleggja á stöðu sníkjuormasýkinga hjá íslenskum nautgripum á næstu misserum.

Lækka gjöld fyrir sorphirðu
Fréttir 10. júní 2024

Lækka gjöld fyrir sorphirðu

Sveitarstjórn Mýrdalshrepps hefur samþykkt samhljóða að lækka sorphirðugjöld.

Uppbygging á Hauganesi
Fréttir 10. júní 2024

Uppbygging á Hauganesi

Nýlega undirrituðu sveitarstjóri Dalvíkurbyggðar og forsvarsmenn einkahlutafyrir...

Kortleggja ræktunarland sem hentar vel til matvælaframleiðslu
Fréttir 7. júní 2024

Kortleggja ræktunarland sem hentar vel til matvælaframleiðslu

Þingsályktunartillaga um landsskipulagsstefnu til ársins 2038, ásamt fimm ára að...

Hálfur milljarður til nautgripa- og sauðfjárbænda
Fréttir 7. júní 2024

Hálfur milljarður til nautgripa- og sauðfjárbænda

Matvælaráðuneytið hefur birt niðurstöður um úthlutanir vegna fjárfestingastuðnin...