Vinsamlegast athugið að þetta efni er eldra en 5 ára.
Í hvaða dráttarflokk ætli svona dráttur flokkist?
Í hvaða dráttarflokk ætli svona dráttur flokkist?
Öryggi, heilsa og umhverfi 10. október 2016

Margir mættu huga að afturljósum á farartækjum og kerrum

Höfundur: Hjörtur L. Jónsson
Nú þegar haustar dimmir snemma á kvöldin og er gott að huga að afturljósaútbúnaði.
 
Mjög margir nýir bílar eru þannig útbúnir að engin afturljós eru á bílunum og þarf að kveikja ljósin þegar farið er af stað til að fá afturljósin á bílinn. 
 
Mjög margir virðast ekki vita að það er skylda að vera með ljós allan hringinn á ökutæki til að vera löglegur í umferð. Ég hef farið víða í sumar og haust og séð ýmis farartæki í umferðinni mis vel útbúin. Þeir sem eru með kerrur í afturdragi eru of margir með innan við lágmarks afturljósabúnað á kerrunum sem getur valdið óþægindum fyrir aðra í umferðinni. Oftast er þetta ein pera eða sambandsleysi í tengingum eða perustæðum sem lítið mál er að laga.
 
Mikill munur á skráðum kerrum og óskráðum kerrum
 
Það virðast ekki allir vita að munurinn á skráðum kerrum og óskráðum kerrum er mikill, en helsti munurinn er að í uppgefnum hámarkshraða segir að bílar sem draga kerrur megi ekki fara hraðar en á 80 km hraða. Þetta á við um kerrur sem eru með númer og kallast skráðar kerrur. Sé hins vegar verið með kerru í eftirdragi sem er númerslaus og óskráð má ekki fara upp fyrir 60 km hraða. Ég hef nokkrum sinnum nefnt þetta við félaga mína sem draga fjórhjól og mótorhjól á kerrum og fæstir virðast vita þetta. 
Fyrir nokkru nefndi ég þetta við lögregluþjón og sagði hann mér að stundum væri nauðsyn að horfa fram hjá þessu þar sem umferðarþungi er mikill og það væri ekki bjóðandi þungri umferð að hafa einhvern „Jónas“ með stóra lest á eftir sér á umferðarþungri götu þegar bæði bíll og kerra virðist í góðu lagi. Það væri margt annað sem í hans huga mætti frekar laga í umferðarmenningu.
 
Að lokum smá upprifjun um rafgeyma fyrir veturinn
 
Rafgeymavandamál er eitthvað sem margir kannast við, en Arnar Tryggvason, vörustjóri hjá N1, á góðar upplýsingar um meðferð rafgeyma.
 
Þegar tæki fer í lengri geymslu skal aftengja geymapóla, í það minnsta annan pólinn, og hlaðið geyminn á 2 mánaða fresti með viðurkenndu góðu hleðslutæki eða hafið hann tengdan við vaktara af réttri stærð.
Ekki láta rafgeyma standa á köldu gólfi innandyra, best er að hafa sama hitastig á öllum rafgeyminum.
Rafgeymi skal geyma á köldum stað til að minnka sjálfafhleðslu. Fylgjast þarf vel með vatni á neyslurafgeymum. Hafið póla vel hreina og smurða með pólafeiti og helst lakka yfir með pólalakki, það minnkar hættu á „spanskgrænu“.
 
Ef tæki er ítrekað rafmagnslaust skal gæta að eftirfarandi: 
Er hleðsla nóg? Er tæki keyrt nógu lengi til aða vinna upp hleðslu? Er lekastraumur of mikill? (Eðlilegur lekastraumur í bíl er um 0,03 mAmp.) Muna þarf að hlaða vel rafgeymi fyrir notkun eftir langa geymslu. Hafa ber í huga að sjálfafhleðsla rafgeymis getur verið allt að 10% á mánuði.
Evrópa bjó sjálf til orkukreppu
Fréttir 9. desember 2021

Evrópa bjó sjálf til orkukreppu

Það sem getur farið úrskeiðis mun fara úrskeiðis, samkvæmt lögmáli Murphys. Leik...

Notkun lífræns áburðar og beitarfriðun aukist
Fréttir 9. desember 2021

Notkun lífræns áburðar og beitarfriðun aukist

Í skýrslu Landbótasjóðs segir að 2020 hafi verði úthlutað tæpum 95 milljónum kró...

Ísteka riftir samningum við bændur
Fréttir 8. desember 2021

Ísteka riftir samningum við bændur

Líftæknifyrirtækið Ísteka hefur rift samningum við þá bændur sem sjást beita hry...

New Holland T6 Metan, sjálfbærasta dráttarvélin 2022
Fréttir 8. desember 2021

New Holland T6 Metan, sjálfbærasta dráttarvélin 2022

New Holland dráttar­véla­framleiðandinn heldur áfram að sópa að sér verðlaunum o...

Konur borða meira af laufabrauði en karlar
Fréttir 8. desember 2021

Konur borða meira af laufabrauði en karlar

Um 90% þjóðarinnar borða laufabrauð um jólin samkvæmt könnun sem Gallup gerði fy...

Skortur á yfirsýn í úrgangs- og loftslagsmálum
Fréttir 8. desember 2021

Skortur á yfirsýn í úrgangs- og loftslagsmálum

Niðurstöður könnunar benda til skorts á yfirsýn í úrgangs- og loftslagsmálum. Sa...

Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...