Vinsamlegast athugið að þetta efni er eldra en 4 ára.
Spóinn er fallegur fugl, en komst ekki á lista yfir þá 20 fugla sem keppa um titilinn Fugl ársins 2021.
Spóinn er fallegur fugl, en komst ekki á lista yfir þá 20 fugla sem keppa um titilinn Fugl ársins 2021.
Mynd / smh
Fréttir 13. apríl 2021

Hver verður Fugl ársins 2021?

Höfundur: smh

Fuglavernd stendur um þessar mundir fyrir vali á Fugli ársins 2021 inni á vef sínum. Þar gefst fólki færi á að velja sína eftirlætisfugla; allt að fimm fuglum sem er raðað í forgangsröð. Kosningin stendur til 18. apríl en úrslitin í kosningunni um fugl ársins verða tilkynnt á sumardaginn fyrsta, þann 22. apríl.

Hverjum þykir sinn fugl fagur

Í tilkynningu Fuglaverndar kemur fram að unnið hafi verið úr þeim fjölmörgu tillögum sem bárust frá almenningi og valdir hafa verið 20 fuglar sem munu keppa um titilinn. „Fuglar eru hluti af daglegu lífi fólks, flestir eiga sinn uppáhalds fugl og hverjum þykir sinn fugl fagur.

Í vetur hafa staðfuglar og vetrargestir glatt okkur með nærveru sinni en nú nálgast vorið og farfuglarnir fara að tínast til okkar á eyjunni fögru. Fuglavernd ætlar að fagna vorkomunni með kosningu á Fugli ársins 2021 og verða úrslitin kynnt á sumardaginn fyrsta.

Keppnin er haldin á vegum Fuglaverndar og er tilgangur hennar að vekja athygli á málefnum fugla í gamni og alvöru. Stefnt er að því að hún verði árviss viðburður,“ segir í tilkynningunni.

Fuglarnir tuttugu sem hægt er að velja um eru hér að neðan. Eins og sjá má vantar enn kosningastjóra fyrir rjúpu, stara og svartþröst.

Fugl

Kosningastjórar

Auðnutittlingur (Carduelis flammea)

Kosningastjóri: Guðni Sighvatsson
Tíst auðnutittlings
Auðnutittlingurinn á Instagram

Grágæs
(Anser anser)

Kosningastjóri: Kolbeinn Sæmundur Hrólfsson
Tíst grágæsar 
Grágæsin á Instagram
Grágæsin á Facebook
#gragaesin

Haförn
(Haliaeetus albicilla) 

Kosningastjóri: Ragna Gestsdóttir

Heiðlóa
(Pluvialis apricaria)

Kosningastjóri: Guðrún Jónsdóttir
 #Heiðlóan

Himbrimi
(Gavia immer)

Kosningastjóri: Eyþór Ingi Jónsson
Vefsíða himbrimans
Eyþór og himbrimi á Instagram

Hrafn
(Corvus corax)

Kosningastjóri: Hrefna Huld Helgadóttir

#hrafn.inn

Hrossagaukur (Gallinago gallinago)

Kosningastjóri: Sigurjón Einarsson

Jaðrakan
(Limosa limosa)

Kosningastjóri: Steingerður Steinarsdóttir

Kría
(Sterna paradisea)

Kosningastjóri: Jóhanna Benediktsdóttir

Lundi
(Fratercula arctica)

Kosningastjóri: Sunna Dís Kristjánsdóttir með dyggri aðstoð 4. bekks Engidalsskóla
Lundinn á Facebook

Maríuerla
(Motacilla alba)

Kosningastjóri: Hulda Signý Gylfadóttir með dyggri aðstoð 4. bekks Landakotsskóla

Músarrindill (Troglodytes troglodytes)

Kosningastjóri: Snorri Valsson

Óðinshani (Phalaropus lobatus)

Kosningastjóri: Fannar Sigurðsson

Rjúpa
(Lagopus muta)

Rjúpa er ekki komin með kosningastjóra. Sækja um.

Sendlingur
(Calidris maritima)

Kosningastjóri: Þórir Þórisson

Sílamáfur
(Larus fuscus)

Kosningastjóri: Bjarki Sigurðsson

Skógarþröstur
(Turdus iliacus)

Kosningastjóri: Halldór Bergmann

Snjótittlingur/sólskríkja (Plectrophenax nivalis)

Kosningastjóri: Ísak Hugi Einarsson

Stari
(Carduelis flammea)

Stari er ekki kominn með kosningastjóra. Sækja um.

Svartþröstur
(Turdus merula)

Svartþröstur er ekki kominn með kosningastjóra. Sækja um.

Að sögn Guðrúnar Láru Pálmadóttur hjá Fuglavernd hófst leitin að Fugli ársins í mars þegar óskað var eftir tilnefningum frá almenningi um 20 fugla á framboðslistann. „Fólk var beðið að rökstyðja val sitt vel og voru þessir 20 fuglar valdir útfrá fjölda tilnefninga en ekki síður röksemdunum sem með þeim bárust.

Þannig komst til dæmis sendlingur inn á listann með mjög sterkri og góðri röksemdarfærslu þó hann fengi einungis eina tilnefningu. Það studdi líka fugla í að ná inn á frambjóðendalistann í ár að þeir væru komnir með kosningastjóra. Þannig var það til dæmis með grágæsina sem var fyrsti fuglinn í keppninni til að næla sér í talsmann. Þetta er í fyrsta skipti sem Fuglavernd stendur fyrir kosningu á Fugli ársins en stefnir að því að þetta verði árviss viðburður enda er Fuglavernd í skýjunum yfir viðbrögðum landsmanna og þátttökunni.“

Farfuglarnir óðum að tínast til landsins

Hún segir farfuglana vera óðum að tínast til landsins og einhverjir löngu komnir. Tjaldur sást til dæmis í Kjósinni 18. febrúar, kominn frá Bretlandseyjum. Mikið fór svo að gerast fyrir mánaðarmótin og sást fyrsta lóan á Stokkseyri 28. mars. Meðal annarra sem fóru  að sýna sig fyrir mánaðarmót eru skógarþrestir, álftir, heiðagæsir, grágæsir, rauðhöfðaendur, brandendur og fyrstu skúmarnir. Síðan hefur fjölgað og meðal annars bæst við tegundir eins og hrossagaukur, jaðrakan, sandlóa, þúfutittlingur, kjói, sílamáfur og helsingi. Einnig má nefna fargesti eins og margæs, sanderlu og rauðbrysting. Svartfuglar eru sestir upp í björg á Vesturlandi og lundinn settist upp í Hafnarhólma á Borgarfirði eystri 11. apríl. Á næstu dögum má búast við fleiri öndum, maríuerlum, steindeplum, lóuþrælum spóum, branduglum og auðvitað kríunni.

Óðinshaninn kemur svo fyrri partinn í maí og þórshaninn síðastur jafnvel ekki fyrr en um mánaðarmótin maí júní,“ segir Guðrún Lára.


Á vefnum má finna frekari upplýsingar um keppendur, kosningakerfið og hlekk á kosningaeyðublað. Þar er einnig að finna upplýsingar um kosningastjóra fuglanna og hlekki á samfélagsmiðlasíðurnar sem þeir nota.

Er plantað nóg?
Fréttir 16. apríl 2025

Er plantað nóg?

Skógarbændur gegna mikilvægu hlutverki við landgræðslu og skógrækt. Þannig er sk...

Trump skellir í lás
Fréttir 16. apríl 2025

Trump skellir í lás

Alþjóðasamfélagið er skekið eftir tollahækkanir Trumps í þarsíðustu viku.

Fimmtíu gripir með T137 finnast í Skaftárhreppi
Fréttir 16. apríl 2025

Fimmtíu gripir með T137 finnast í Skaftárhreppi

Áfram finnast sauðfjárbú með arfgerðabreytileikann T137 í hjörð sinni, sem talin...

Fuglavernd í hart við Yggdrasil
Fréttir 15. apríl 2025

Fuglavernd í hart við Yggdrasil

Fuglavernd hefur kært Yggdrasil Carbon ehf. til lögreglu fyrir að rista upp land...

Áherslur á Búnaðarþingi
Fréttir 15. apríl 2025

Áherslur á Búnaðarþingi

Á Búnaðarþingi 20. til 21. mars síðastliðinn var ályktað um áherslur á komandi s...

Ný hveitimylla ólíkleg
Fréttir 14. apríl 2025

Ný hveitimylla ólíkleg

Opinberir aðilar hafa ekki gefið Líflandi formlega staðfestingu á að reglur sem ...

Ráðuneytið má ekki grípa inn í
Fréttir 14. apríl 2025

Ráðuneytið má ekki grípa inn í

Hanna Katrín Friðriksson atvinnuvegaráðherra hefur sagt í fjölmiðlum að ef Lífla...

Stefnir stærsti hluthafi Örnu
Fréttir 14. apríl 2025

Stefnir stærsti hluthafi Örnu

Stefnir sjóðastýringarfyrirtæki hefur fjárfest í Örnu og er nú skráður stærsti h...