Vinsamlegast athugið að þetta efni er eldra en 6 ára.
Heildarsala á mjólkurafurðum hefur aldrei verið meiri
Fréttir 23. mars 2017

Heildarsala á mjólkurafurðum hefur aldrei verið meiri

Aðalfundur Samtaka afurða­stöðva í mjólkuriðnaði (SAM) vegna 31. starfsárs félagsins var haldinn 9. mars síðastliðinn. Þar kom fram að metsala var á mjólkurafurðum á síðasta ári.
 
 SAM safnar og vinnur tölur um framleiðslu, sölu og birgðir mjólkurafurða á Íslandi. Upplýsingarnar skila tölfræði sem nýtt er til að fylgjast með innanlandsmarkaði mjólkurafurða, auk þess sem upplýsingar eru veittar til aðildarfélaga, Hagstofu Íslands, tölfræðistofnunar Evrópu­sambandsins (Eurostat) og alþjóðlegu mjólkursamtakanna IDF (International Dairy Federation). Skýrslurnar eru einnig grunnur að útreikningi á mánaðarlegum verðtilfærslum, sem reiknaðar eru milli aðildarfélaga SAM á grundvelli heimildarákvæðis í búvörulögum. 
 
 
Í skýrslu Rögnvaldar Ólafssonar, fráfarandi formanns stjórnar SAM, kom fram að mjólkurframleiðsla jókst á árinu 2016 og var 150,3 milljónir lítra hjá aðildarfélögum SAM en árið 2015 nam framleiðslan 146 milljónum lítra. Var innvegin mjólk á síðasta ári rúmlega 46 milljónum lítrum meiri en á árinu 2000. 
Meðalinnvigtun frá hverjum framleiðanda 2016 var 252.219 lítrar og jókst um 22.605 lítra á árinu, eða 9,8%. 
 
Síðustu tvö ár hefur meðal­innvigtun hvers framleiðanda aukist um 46.813 lítra á ári. Hlutfallsleg aukning frá árinu 2014 nemur 23%.
 
Greiðslumark aukið um 8 milljónir lítra
 
Greiðslumark verðlagsársins 2016 var 136 milljónir lítra. Hjá aðildarfélögum SAM var tekið á móti 150.322.481 lítra og mjólk umfram greiðslumark var 14.399.222 lítrar.  
 
Greiðslumark verðlagsársins 2017 hefur verið ákveðið samkvæmt tillögu SAM 144 milljónir lítra.  
 
75% fækkun kúabúa frá 1980
 
Í ársskýrslu SAM kemur fram að alls voru starfandi 596 kúabú á landinu á árinu 2016 og hafði þá fækkað um 40 frá árinu áður. Það er meiri fækkun en samanlagt síðustu þrjú ár þar á undan. Frá 1980 hefur mjólkurframleiðendum (kúabúum) fækkað um 75%.
 
Mesta sala mjólkurafurða frá upphafi mælinga SAM
 
Heildarsala mjólkurafurða, hvort sem litið er á fitu eða próteingrunni, hefur ekki mælst meiri frá því að SAM hóf að reikna sölu mjólkurafurða á fitu og próteingrunni árið 1993. Milli 2015–2016 varð 1,7% aukning í sölu mjólkurvara. 
 
Sala á nýmjólk eykst en léttmjólkursalan minnkar
 
Sala á mjólk og sýrðum vörum  dróst þó saman um 160 tonn, eða 0,4%, árið 2016. Þar hafði mest áhrif samdráttur í sölu á léttmjólk eða um -457.000 lítra. 
 
Sala nýmjólkur jókst aftur á móti fjórða árið í röð eftir samdrátt í áratugi þar á undan. Þá jókst sala á skyri um 16,8%, á smjöri um 4,2%, á ostum um 3,2% og á mjólkurdufti um 33,1%. 
 
Heildarsala á drykkjarmjólk (nýmjólk, léttmjólk, undanrennu og fjörmjólk) var 26,7 milljónir lítra árið 2016 og minnkaði um nær 1,1 milljón lítra frá árinu 2015. Sala á drykkjarmjólk hefur minnkað um 5 milljónir lítra frá árinu 2010, eða 15,8% samtals.
Framleiðsla á náttúrulegum plöntuvarnarefnum
Fréttir 28. september 2023

Framleiðsla á náttúrulegum plöntuvarnarefnum

Algalíf, íslenska líftæknifyrirtækið, stefnir á að hasla sér völl í framleiðslu ...

Innviðauppbygging til 2025
Fréttir 28. september 2023

Innviðauppbygging til 2025

Fara á í 127 verkefni fram til ársins 2025 við uppbyggingu innviða til að mæta á...

Samfélagsleg ábyrgð í forgrunni
Fréttir 28. september 2023

Samfélagsleg ábyrgð í forgrunni

Sjávarútvegsráðstefnan 2023 verður haldin 2.–3. nóvember í Hörpu. Áhersluatriði ...

Heilt sumar eyðilagt hjá geitabóndanum Höllu
Fréttir 27. september 2023

Heilt sumar eyðilagt hjá geitabóndanum Höllu

Í síðasta tölublaði Bændablaðsins greindum við frá því að Halla Sigríður Steinól...

Vex fiskur um hrygg í rannsóknum, tilraunum og erlendu samstarfi
Fréttir 26. september 2023

Vex fiskur um hrygg í rannsóknum, tilraunum og erlendu samstarfi

Nemendur Landbúnaðarháskóla Íslands vinna fjölbreyttar rannsóknir og tilraunaver...

2.500 tonna kornþurrkstöð borgi sig frekar
Fréttir 26. september 2023

2.500 tonna kornþurrkstöð borgi sig frekar

25 af 33 eyfirskum bændum sem spurðir voru, sögðu að þeir myndu myndu nýta sér k...

Lífræni dagurinn haldinn hátíðlegur í Kaffi Flóru
Fréttir 25. september 2023

Lífræni dagurinn haldinn hátíðlegur í Kaffi Flóru

Lífræni dagurinn var haldinn hátíðlegur víðs vegar um landið laugardaginn 16. se...

Ágúst verður forstöðumaður
Fréttir 25. september 2023

Ágúst verður forstöðumaður

Ágúst Sigurðsson hefur verið skipaður forstöðumaður Lands og skógar, nýrrar stof...