Vinsamlegast athugið að þetta efni er eldra en 2 ára.
Ekki stilla á AUTO segir lögreglan.
Ekki stilla á AUTO segir lögreglan.
Öryggi, heilsa og umhverfi 19. september 2019

Haustverkin í kringum ljósabúnað ökutækja

Höfundur: Hjörtur L. Jónsson

Nú er kominn sá tími árs að þeir sem ekki eru með öll ljós í lagi skera sig úr í umferðinni. Haustlægðirnar byrjaðar að vökva malarvegi með tilheyrandi drulluaustri upp á farartæki svo að ekki sést hvort ljós séu kveikt eða ekki. Það er ágætis regla að strjúka mestu óhreinindin af afturljósunum þegar malarvegurinn er að baki svo að ljósin sjáist á malbikinu.

Í nokkur ár hef ég farið norður í land í réttir og fyrir um 10 árum fannst mér undantekning ef ég sá ljós aftan á hestakerrum og fjárvögnum, en það er greinilegt að bændur vilja hafa sín ljós í lagi og allt annað nú að sjá aftan á kerrur og vagna. Sá þetta svo greinilega komandi ofan af fjalli aftastur í röð bíla með hestakerrur. Ég stoppaði til þess eins að taka mynd aftan á hestakerrur þeirra sem á undan voru.

Hér er allt í lagi, fín ljós aftan á hestakerrum og allir til fyrirmyndar.

Bíllinn fyrir aftan er að blikka ljósunum

Ótrúlega margir bílar eru seldir nýir þannig að þegar sett er í gang og ekið af stað vantar afturljósin. Það er samt í lögum að þegar verið er í umferð þurfa öll ljós að vera kveikt.

Töluverður hluti fólks hefur ekki hugmynd um að það sé ljóslaust að aftan og telur sig vera að aka löglega. Oft kemur þá upp spurning hvort umboðið sé ekki ábyrgt, en svo er ekki, það er á ábyrgð ökumannsins að vera löglegur og muna að kveikja ljósin.

Töluvert margir ökumenn blikka ljósunum fyrir aftan bíla sem eru ljóslausir og eru þar með að reyna að vekja athygli ökumannsins á óöryggi því sem sá sem á undan fer með ljósleysi sínu. Flestir átta sig á ljósleysinu og kveikja ljósin, en aðrir verða hinir verstu og gefa fingurinn, sagði flutningabílstjóri við mig fyrir nokkru. Hann hefur lent í því að fólk bregst hið versta við blikkinu frá honum þegar hann taldi sig vera að gera góðverk með því að láta vita með blikki af ljósleysinu.

Lögreglan sendir skilaboð á Facebook

Miðað við textann í skilaboðum lögreglu í flestum umdæmum lögreglunnar á Facebook er og ætti AUTO takkinn á ljósabúnaðinum á bílum að vera bannaður á bílum. Mín túlkun á textanum er allavega sú að autotakkinn sé ólöglegur. Hér er textinn orðréttur og dæmi nú hver fyrir sig:

Ökuljós bifreiða
– EKKI stilla á „AUTO“


„Lögum samkvæmt er skylt að aka með ökuljós kveikt allan sólarhringinn, bæði framan og aftan á ökutæki. Á mörgum nýjum bifreiðum kviknar sjálfkrafa á hvítum ljósum að framan (dagljósabúnaður) sem þó eru ekki ökuljós heldur stöðuljós. Þegar þessi stöðuljós loga ein og sér er ekki tryggt að afturljós logi.

Við hvetjum ökumenn til að hafa ljósarofann alltaf á stillingu fyrir ökuljós, sjá myndina hér að neðan. Ljósin slokkna þegar kveikjuláslykill er tekinn út eða a.m.k. þegar bílstjórahurð er lokað og bifreiðin yfirgefin. Þannig er tryggt að ekki gleymist að hafa ökuljós, bæði að framan og aftan, kveikt meðan á akstri stendur. Góða ferð.“

Tími árs að ganga hringinn og skoða hvort öll ljós séu í lagi

Ótrúlega margir bílar eru í umferðinni og á þá vantar eitt eða fleiri ljós og nú er rétti tíminn (eins og hver annar) að ganga hringinn í kringum bílinn og skoða vel ljósabúnaðinn og þá stefnuljós sérstaklega. Því það er eins og að á höfuðborgarsvæðinu séu yfir helmingur allra bíla með bilaðar stefnuljósaperur eða enga stefnuljósarofa. Allavega er afar sjaldgæft að sjá bíla gefa stefnumerki á höfuðborgarsvæðinu.

Þegar út í umferðina er komið er um að gera að sameinast í að blikka bílinn fyrir framan með háageislanum ef hann er ljóslaus að aftan til að láta hann vita af ljósleysinu honum til öryggis og annarra í umferðinni. Við viljum jú öll að umferðin sé örugg og réttur búnaður stuðlar að meira öryggi.

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...

Rúlluplast í plastgrindur í göngu­stígum og bílaplönum slær í gegn
Fréttir 24. nóvember 2021

Rúlluplast í plastgrindur í göngu­stígum og bílaplönum slær í gegn

Fyrirtækið Ver lausnir í Garðabæ hefur verið að vinna að athyglisverðu verkefni ...

Leiðbeiningar um hvernig hámarka megi gæði nautakjöts
Fréttir 24. nóvember 2021

Leiðbeiningar um hvernig hámarka megi gæði nautakjöts

Nýr upplýsingabæklingur hefur verið gefinn út undir merkjum Íslensks gæðanauts. ...