Vinsamlegast athugið að þetta efni er eldra en 4 ára.
Frá undirritun búvörusamninga árið 2016
Frá undirritun búvörusamninga árið 2016
Mynd / BBL TB
Fréttir 27. júlí 2018

Endurskoðun sauðfjársamnings flýtt

Höfundur: Bjarni Rúnars

Sjávarútvegs- og landbúnaðarráðherra hefur í samráði við Bændasamtök Íslands ákveðið að flýta viðræðum um endurskoðun samnings um starfsskilyrði sauðfjárræktar og verða skipaðar samninganefndir á vegum ríkisins og bænda á næstu dögum. Í kjölfarið hefjast viðræður um endurskoðun samningsins í stað þess að fara fram árið 2019 líkt og áður var ráðgert. 

Viðræður aðila munu fara fram á grunni þeirra tillagna sem samráðshópurinn hefur skilað til ráðherra. Þá munu Bændasamtök Íslands í komandi viðræðum leggja áherslu á ályktanir Búnaðarþings og tillögur aðalfundar Landssamtaka sauðfjárbænda. Að sama skapi munu stjórnvöld m.a. leggja áherslu á þær aðgerðir sem kveðið er á um í stjórnarsáttmála ríkisstjórnar Katrínar Jakobsdóttur. Stefnt er að því að ljúka heildarendurskoðun samningsins síðar á þessu ári.

Í tillögum og framvinduskýrslu samráðshóps um endurskoðun búvörusamninga koma fram tillögur að bráðaaðgerðum í 5 liðum sem eiga að stuðla að jafnvægi milli framleiðslu og sölu haustið 2019.

  • Að innleiða fækkunarhvata sem felast í útleið fyrir bændur 67 ára og eldri
  • Frysta gæðastýringagreiðslur til að draga úr framleiðslu
  • Lækka ásetningshlutfall úr 0,7 í 0,5
  • Bændum bjóðist þátttaka í þróunarverkefni sem felist í heildstæðri ráðgjöf til þeirra við skipulag búreksturs og landnotkun.
  • Stofnaður verði stöðuleikasjóður sem stjórntæki til að jafna út sveiflur á mörkuðum. 

Nánari útfærsla aðgerðanna er að finna hér

Þá koma einnig fram frá samráðshópnum hugmyndir um breytingar á stuðningskerfi sauðfjárbænda. Í stað ærgilda og gæðastýringar verði komið á nýju „kerfi" sem myndi horfa til þeirra fjármuna sem hvert bú/framleiðandi hafi fengið á undanförnum tveimur til þremur árum á grundvelli þessara tveggja stuðningskerfa. Á þeim grunni yrði til nýr réttur, svokallaður búsetugrunnur.

Lögð er áhersla á að þessi breyting verði rædd og reynt verði að ná um hana samkomulagi við endurskoðun sauðfjársamnings. Útfærsla og þróun geti átt sér stað allt til ársins 2023.

Samráðshópurinn telur mikilvægt að ná fram uppstokkun og einföldun á stuðningi ríkisins og skapa meiri samstöðu meðal sauðfjárbænda. Vinna þurfi gegn því að greini skiptist í ólíka hagsmunahópa eftir því hvernig stuðningi stjórnvalda sé háttað.

 

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...