Vinsamlegast athugið að þetta efni er eldra en 7 ára.
Danir vilja íslenskt grænmeti
Fréttir 26. janúar 2017

Danir vilja íslenskt grænmeti

Höfundur: Vilmundur Hansen

Samkvæmt heimildum Bænda­blaðsins eru samningar um útflutning á íslensku grænmeti til Danmerkur langt á veg komnir. Búið er að hanna umbúðir fyrir grænmetið á danskan markað og ein hugmyndin er að markaðssetja það undir slagorðinu „Ræktað undir norðurljósunum“.

Gunnlaugur Karlsson, framkvæmdastjóri Sölufélags garðyrkjumanna, segir að viðræður við Dani um innflutning á íslensku grænmeti séu vel á veg komnar og ekki lengur á hugmyndastigi.

Hreinleiki og gæði

„Búið er að senda prufur af mörgum tegundum af grænmeti til Danmerkur til bragðprófana og Danirnir eru sammála um að bragðgæði íslenska grænmetisins séu mjög mikil.

Í fyrstu fóru Danirnir fram á að grænmetið yrði lífrænt vottað en eftir að þeir komu hingað og sáu hvernig ræktunin fer fram féllu þeir frá þeirri kröfu. Að þeirra mati eru ræktunaraðferðirnar og sérstaklega hreinleiki vatnsins langt umfram það sem þekkist í öðrum löndum. Undanfarin ár hefur orðið mikil vakning í Danmörku um hreinleika matvæla og segja þeir íslenska vatnið einstaklega hreint og þar sem í grænmeti sé mikið vatn skipti hreinleiki þess gríðarlega miklu máli þegar kemur að bragðgæðum.

Meðal verslana sem hafa sýnt grænmetinu frá okkur áhuga er Irma og mögulegt að það fari í sölu hjá þeim strax næsta haust.“

Flogið með grænmetið

Gunnlaugur segir að grænmetið verði flutt út í flugi enda um viðkvæma vöru að ræða. „Við erum ekki enn búin að semja um neitt ákveðið magn en ef allt fer á besta veg spýtum við bara í og aukum ræktunina enda góðar aðstæður til þess hér á landi.“

Að sögn Gunnlaugs er verðið sem fæst fyrir grænmetið í Danmörku mjög ásættanlegt og svipað og hér á landi.

Grænmeti í forsetaveislu

Í móttöku forseta Íslands, Guðna Th. Jóhannessonar, til heiðurs Margréti Þórhildi Danadrottningu, í Nordatlantens Brygge, var lögð sérstök áhersla á að kynna íslensk matvæli. Flogið var sérstaklega út með grænmeti vegna opinberrar heimsóknar forsetans til Danmerkur.

Einnig var boðið upp á íslenskt hunang frá Elliðahvammi og fleiri íslenskar matvörur í móttökunni.

 

Skylt efni: grænmeti | Danmörk | Imra

Sama sláturhús sektað þrisvar
Fréttir 17. maí 2024

Sama sláturhús sektað þrisvar

Matvælastofnun (MAST) hefur þrisvar sinnum á þessu ári lagt stjórnvaldssekt á sv...

KS hagnaðist um 5,5 milljarða króna
Fréttir 17. maí 2024

KS hagnaðist um 5,5 milljarða króna

Hagnaður Kaupfélags Skagfirðinga af rekstri félagsins á árinu 2023 reyndist rúml...

Vorverkum bænda seinkar
Fréttir 16. maí 2024

Vorverkum bænda seinkar

Veturinn sem leið var sá kaldasti frá vetrinum 1998 til 1999, samkvæmt tíðindum ...

Riðuveiki útrýmt innan 20 ára
Fréttir 16. maí 2024

Riðuveiki útrýmt innan 20 ára

Landsáætlun um riðuveikilaust Ísland hefur verið sett í samráðsgátt stjórnvalda.

Kornþurrkstöð reist í Eyjafirði
Fréttir 16. maí 2024

Kornþurrkstöð reist í Eyjafirði

Grunnur undir kornþurrkstöð í Eyjafirði er nú að taka á sig mynd í landi Laugala...

Mjólkurframleiðendur fá arðgreiðslu
Fréttir 16. maí 2024

Mjólkurframleiðendur fá arðgreiðslu

Kúabændur á starfssvæði Auðhumlu mega gera ráð fyrir arðgreiðslu frá samstæðunni...

Vetnisknúin skip í smíðum
Fréttir 15. maí 2024

Vetnisknúin skip í smíðum

Smíði er hafin á tveimur vetnis­ skipum á vegum Samskipa. Áætlað er að þeim verð...

Drómasýki í hrossum
Fréttir 13. maí 2024

Drómasýki í hrossum

Drómasýki er vaxandi vandamál í íslenskri hrossarækt. Til stendur að stofna star...