Vinsamlegast athugið að þetta efni er eldra en 4 ára.
Bændasamtökin óska eftir rökstuðningi frá landbúnaðarráðherra
Fréttir 2. febrúar 2017

Bændasamtökin óska eftir rökstuðningi frá landbúnaðarráðherra

Höfundur: Vilmundur Hansen

Bændasamtök Íslands hafa sent Þorgerði Katrínu Gunnarsdóttur landbúnaðarráðherra bréf þar sem farið er fram á rökstuðning fyrir breyttri skipan í samráðshóp um endurskoðun búvörusamninga.

Í bréfi BÍ kemur fram að samtökin telji að lagalega hafi verið staðið rétt að fyrri nefndarskipan og að hún hafi verið í samræmi við nefndarálit Alþingis og þá samninga ríkis og bænda sem áður voru samþykktir.

Efasemdir um aðkomu Félags atvinnurekenda

Sindri Sigurgeirsson formaður Bændasamtaka Íslands segir að ákveðið hafi verið að óska skýringa ráðherra eftir að frétt um breytingar á endurskoðunarhópnum birtist 31. janúar. „Á fundi okkar með ráðherra þann 18. janúar nefndi hún þessar fyrirætlanir, án þess að fram kæmi hvaða breytingar stæði til að gera. Ég nefndi sérstaklega að ég hefði miklar efasemdir um að félag atvinnurekenda kæmi að þessu borði. Það væri einfaldlega ekki eðlilegt að samtök innflutningsfyrirtækja ættu að hafa áhrif á starfsskilyrði íslenskra bænda. Hagsmunir bænda og þeirra fara ekki saman. Ákvörðun ráðherra er því vonbrigði og við viljum heyra rökin fyrir henni."

Spurningar BÍ til ráðherra
Í ljósi þess að tilgreint var í lögum um skipan nefndarinnar settu Bændasamtökin fram spurningar varðandi breytingarnar á nefndinni, sem þau óska svara við, í fjórum eftirfarandi liðum:

Í fyrsta lagi óska samtökin svara um hvort fyrri nefnd hafi verið löglega rétt skipuð, og ef svo er hvernig því víki við að skipan nefndarinnar sé með þessum hætti hnekkt og hvort aðrar nefndir, embættismenn eða stofnanir á grundvelli þessara laga eða annarra sem varða landbúnað megi vænta viðlíka ákvarðana af hálfu ráðherra á sömu eða viðlíka forsendum og eiga við varðandi þá nefndarskipan sem hér er til umfjöllunar.

Í öðru lagi óska samtökin skýringa á hvernig það samræmist umræddu ákvæði búvörulaga og þeim nefndarálitum sem lágu fyrir Alþingi við samþykkt þeirra að skipa fulltrúa Félags atvinnurekenda í nefndina. Til nánari skýringar óska samtökin eftir mati ráðherra á nauðsyn á aðkomu þessara samtaka sérstaklega, umfram önnur samtök sem hafa látið sig málið varða og efla vilja innlenda framleiðslu, svo dæmi séu tekin, samtök í ferðaþjónustu, Landvernd, samtök heimavinnsluaðila eða samtök lífrænna framleiðenda og neytenda.

Í þriðja lagi óska samtökin eftir rökstuðningi ráðherra fyrir því hvernig hin breytta skipan megi umfram hina fyrri, leiða til sáttaniðurstöðu sem líklegra sé til árangurs að bera upp í atkvæðagreiðslu meðal bænda þegar endurskoðunarvinnunni á að vera lokið lögum samkvæmt.

Í fjórða lagi óska samtökin eftir staðfestingu ráðherra á þeim skilningi Bændasamtakanna að þrátt fyrir ofangreint standi samningarnir eins og þeir voru samþykktir af Alþingi óhaggaðir.

Bændasamtökin hafa farið fram á það við ráðherra að brugðist verði hratt við þessum fyrirspurnum og samtökunum tilkynnt bréfleiðis um sjónarmið sem uppi eru og þann rökstuðning sem þeim fylgja.

Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...