Ætla að virkja sólargeisla og senda til jarðarinnar
Fréttir 11. júní 2024

Ætla að virkja sólargeisla og senda til jarðarinnar

Höfundur: Steinunn Ásmundsdóttir

Íslenska loftslagsfyrirtækið Transition Labs er komið í samstarf við breska fyrirtækið Space Solar um tilraunir með orkuframleiðslu í geimnum til nota á jörðinni.

Mun Space Solar hafa hannað sólarorkuver sem til stendur að fari á sporbaug um jörð. Eiga verin að virkja geislun sólar og senda með útvarpsbylgjum til jarðar. Markmiðið er að framleiða 100 MW af orku innan áratugar. Gefi verkefnið góða raun stendur til að senda fleiri sólarorkuver á sporbaug til orkuframleiðslu fyrir jörðina.

Jarðstöðvar ekki plássfrekar

Í tilkynningu fyrirtækjanna um samvinnu þeirra kemur fram að „jarðstöðvar taka við bylgjunum og umbreyta þeim í rafmagn og skila grænni endurnýjanlegri orku inn í orkukerfin. Geislar sólarinnar eru þrettán sinnum öflugri fyrir utan lofthjúpinn en á jörðu niðri, sem vegur upp á móti því orkutapi sem verður við flutning orkunnar til jarðar. Útvarpsbylgjurnar hafa ekki áhrif á lífríki jarðar og jarðstöðvarnar samanstanda af neti smárra loftneta sem hleypa
vatni og sólarljósi í gegn og taka margfalt minna landsvæði en þarf undir vindorkuver eða hefðbundin sólarorkuver sem skapa sama magn orku.“

Tiltekið er að sólarorkuver Space Solar verði staðsett þannig að á þau falli ekki skuggi af jörðu. Unnt sé að framleiða rafmagn viðstöðulaust og útvarpsbylgjur streymi til jarðar óháð veðurfari eða skýjahulu. Þannig sé þetta ný aðferð til að framleiða umhverfisvænt grunnafl.

Tæknihraðall

Að sögn forsvarsmanna verkefnisins hefur kostnaður við flutning tækjakosts út fyrir gufuhvolfið helst staðið í veginum. Sá kostnaður hafi þó dregist hratt saman og lækkað um 80% á síðustu árum, ekki síst vegna þróunar geimferða hjá SpaceX. Ætlað sé að á næstu árum verði kostnaður við geimferðir orðinn brotabrot af því em áður var.

Davíð Helgason fjárfestir, einn stofnenda hugbúnaðarfyrirtækisins Unity, stofnaði Transition Labs árið 2022, ásamt Kjartani Erni Ólafssyni, frumkvöðli og tæknifjárfesti. Markmið félagsins er að gera Ísland að vettvangi loftslagsverkefna á heimsvísu.

Forsvarsmenn Transition Labs telja að nú þegar séu til fjölmargar áhrifaríkar lausnir sem geti auðveldað baráttuna við loftslagsvandann en flöskuhálsinn hafi reynst sá langi tími sem taki fyrir nýja tækni að ryðja sér til rúms.

Þetta ætli fyrirtækið að reyna að leysa.

(Ábending barst frá lesanda um að styrkur sólarljóss fyrir utan heiðhvolfið sé 1360 W/m² - á meðan styrkur sólarljóss við yfirborð jarðar sé um 1000 W/m² sem útleggist sem 1,36 x styrkur sólarljóss við yfirborð jarðar en ekki 13 sinnum meiri eins og fram kemur hér að ofan).

Óhrædd að takast á við áskoranir
Fréttir 19. júní 2024

Óhrædd að takast á við áskoranir

Tilkynnt var um ráðningu Margrétar Ágústu Sigurðardóttur í starf framkvæmdastjór...

Halla færir út kvíarnar
Fréttir 19. júní 2024

Halla færir út kvíarnar

Halla Sif Svansdóttir Hölludóttir, garðyrkjuframleiðandi og eigandi garðyrkjustö...

Sala Búvís stöðvuð
Fréttir 19. júní 2024

Sala Búvís stöðvuð

Samkeppniseftirlitið hefur komið í veg fyrir að Skeljungur kaupi Búvís ehf. þar ...

Heitt vatn óskast
Fréttir 19. júní 2024

Heitt vatn óskast

Bláskógaveita, sem er í eigu sveitarfélagsins Bláskógabyggð, hefur óskað eftir t...

Minni innflutningur og meiri framleiðsla
Fréttir 19. júní 2024

Minni innflutningur og meiri framleiðsla

Um 300 tonn af nautakjöti voru flutt inn á fyrstu fjórum mánuðum ársins 2024.

Samtalið hefst í júní
Fréttir 18. júní 2024

Samtalið hefst í júní

Núverandi búvörusamningar gilda til og með 31. desember 2026. Því ætti nýtt stuð...

Áhrifin að fullu ljós í haust
Fréttir 18. júní 2024

Áhrifin að fullu ljós í haust

Tjón hefur mjög víða orðið hjá sauðfjárbændum á Norðurlandi eftir óveðrið á dögu...

Mikið álag á bændum
Fréttir 18. júní 2024

Mikið álag á bændum

Staðan er þung þar sem tún koma mikið kalin undan vetri. Ótíðin undanfarið hefur...