Vinsamlegast athugið að þetta efni er eldra en 8 mánaða.
Tryggja þarf garðyrkjunáminu fjármögnun til framtíðar svo markmið stjórnvalda um aukna grænmetisframleiðslu verði að veruleika.
Tryggja þarf garðyrkjunáminu fjármögnun til framtíðar svo markmið stjórnvalda um aukna grænmetisframleiðslu verði að veruleika.
Mynd / ghp
Af vettvangi Bændasamtakana 22. júní 2023

Garðyrkjunám að Reykjum

Höfundur: Gunnar Þorgeirsson, formaður Bændasamtaka Íslands

Gunnar Þorgeirsson

Í upphafi liðins skólaárs var nám í garðyrkju fært undir Fjölbrautaskóla Suðurlands. Starfið hefur gengið vel og nemendur una hag sínum vel í því umhverfi sem Reykir bjóða upp á.

Í samkomulagi um tilfærslu starfsmenntanáms í garðyrkju og skyldum greinum frá Landbúnaðarháskóla Íslands til Fjölbrautaskóla Suðurlands, kemur fram „að frá 1. ágúst 2022 verða fjárveitingar vegna starfsmenntanáms í garðyrkju og skyldum greinum á grundvelli reiknilíkans háskóla fluttar á milli ráðuneyta, þ.e. frá HVIN (háskóla-, iðnaðar- og nýsköpunar- ráðuneytinu) [...] til MRN (mennta- og barnamálaráðuneytisins).“

En þar með ekki öll sagan sögð, því enn hafa fjármunir ekki borist til Fjölbrautaskólans, þrátt fyrir að meira en ár er liðið frá undirritun samkomulagsins.

Í mínum huga og allra sem starfa í greininni er að standa verður vörð um starfsnámið sem er greininni mjög mikilvægt. Með þessum orðum vil ég hvetja þá sem fara með þessi málefni að tryggja náminu fjármögnun til framtíðar svo markmið stjórnvalda um aukna grænmetisframleiðslu verði að veruleika og við getum staðið undir þeirri ósk neytenda að kaupa íslenska framleiðslu, hvort sem er blóm eða grænmeti.

Innflutningur á garðplöntum

Annað sem snýr að garðyrkjunni er eftirlit innflutnings á afurðum sem virðast vera í algeru skötulíki.

Fagfólk í greininni verður vart við tilboð á garðplöntum sem hafa verið fluttar til landsins sem geta engan veginn staðist skoðun á því verði sem samsvarandi vörur kosta erlendis og hér á landi. Því má velta vöngum yfir hvort verið sé að greiða viðeigandi gjöld af innflutningi eins og samningar við ESB hljóma.

Það er gríðarlega mikilvægt að starfsumhverfi sé tryggt í þessu umhverfi framleiðslu innanlands í mjög svo hörðum heimi innflutnings, þetta er gríðarlega mikilvægt málefni og brennur á framleiðendum hvernig eftirliti er háttað af hálfu tollsins. Þá þreytist ég ekki á að nefna endurskoðun á reglugerð um innflutning á plöntum og plöntuafurðum sem hefur verið á borði matvælaráðuneytisins í mörg ár og ekkert bólar á niðurstöðunni. Það er sérstaklega mikilvægt að niðurstaða fáist svo standa megi vörð um flóru Íslands.

Bændafundir

Þessa dagana er verið að leggja lokahönd á undirbúning að heimsókn stjórnar og starfsfólks skrifstofu Bændasamtakanna um landið. Fyrirhugað er að fundaherferðin hefjist þann 21. ágúst næstkomandi. Ég hvet alla bændur til þess að nýta sér þessa fundi til samtals um málefni íslensks landbúnaðar og framtíðaráherslur komandi ára hvernig við getum gert starfsumhverfið betra og áherslur til framtíðar á grundvelli frumframleiðslunnar. En þetta verður auglýst sérstaklega í þessum ágæta miðli og öðrum miðlum þegar nær dregur.

Gerist ekkert hjá VG?
Lesendarýni 20. febrúar 2024

Gerist ekkert hjá VG?

Nú á tímum orkuskipta er mikilvægt að næg orka sé til svo hægt verði að halda áf...

Hæ, öll, bestu vetrardekkin eru ónegld!
Lesendarýni 19. febrúar 2024

Hæ, öll, bestu vetrardekkin eru ónegld!

Nú þurfum við ekki lengur að aka á negldum vetrardekkjum til að tryggja öryggi o...

Greiðslumarkskerfið er kúabændum hagfellt
Lesendarýni 16. febrúar 2024

Greiðslumarkskerfið er kúabændum hagfellt

Fyrir nokkrum árum, nánar tiltekið 2016, kom ég að því verki ásamt öðrum að gera...

Eru auðlindir Íslands til sölu?
Lesendarýni 14. febrúar 2024

Eru auðlindir Íslands til sölu?

„Ef virkjað verður meira mun rafmagnið seljast upp. Það verður alltaf umfram eft...

Stefna ungra bænda mörkuð
Lesendarýni 13. febrúar 2024

Stefna ungra bænda mörkuð

Aðalfundur Samtaka ungra bænda (SUB) var haldinn þann 13. janúar síðastliðinn á ...

Grýlan er rammíslensk
Lesendarýni 8. febrúar 2024

Grýlan er rammíslensk

Í skýrslu sem Margrét Einarsdóttir lagaprófessor vann fyrir umhverfis-, orku- og...

Hárkollurnar héngu í garðinum
Lesendarýni 2. febrúar 2024

Hárkollurnar héngu í garðinum

Síðar svartar buxur, stuttar svartar buxur, aðsniðnar svartar buxur. Svartur bóm...

Samtök smáframleiðenda matvæla fjögurra ára
Lesendarýni 30. janúar 2024

Samtök smáframleiðenda matvæla fjögurra ára

Árið 2023 var fjórða starfsár Samtaka smáframleiðenda matvæla (SSFM) og aðildarf...