Vinsamlegast athugið að þetta efni er eldra en 4 ára.
Boris Johnson, á fínu skónum, gerði sér lítið fyrir og rúði kind í heimsókn sinni til Wales. Mynd / walesonline.co.uk.
Boris Johnson, á fínu skónum, gerði sér lítið fyrir og rúði kind í heimsókn sinni til Wales. Mynd / walesonline.co.uk.
Fréttir 16. ágúst 2019

Stjórnvöld ætla að kaupa kjöt fyrir 500 milljón pund

Höfundur: Vilmundur Hansen

Breska ríkisstjórnin vinnur að áætlun sem gerir ráð fyrir að ríkið kaupi allar kjötafurðir dýra sem búið er að ákveða að slátra í landinu gangi Bretlandseyjar úr Evrópusambandinu án samnings.

Gert er ráð fyrir að afurðirnar verði keyptar á föstu verði fyrir að hámarki 500 milljón pund. Það eru rúmlega 74 milljarðar íslenskra króna.

Borga fast verð

Gangi áætlunin eftir mun stjórnin ákveða fast verð fyrir lamba- og nautakjöt og þannig tryggja bændum tekjur lokist markaður fyrir kjötið í löndum Evrópusambandsins.

Bændur telja Boris spila rússneska rúllettu

Samkvæmt því sem segir á farminguk.com vinnur Boris Johnson, forsætis­ráðherra Bretlands, að því að vinna áætluninni brautargengi innan ríkisstjórnarinnar. Boris var nýlega á ferð um Wales þar sem velskir bændur hvöttu hann til að hætta að spila rússneska rúllettu. Sauðfjárbændur þar óttast að úrsögn Bretlands úr Evrópusambandinu án samnings muni ganga af greininni dauðri. Samtök bænda í Wales ganga svo langt að segja að leggist sauðfjárrækt af þar muni slíkt leiða til upplausnar og óróa í samfélaginu vegna aukins atvinnuleysis.

Boris er bjartsýnn á sölu breskra afurða á fjarlægari markaði

Í heimsókn sinni til Wales sagði Boris að breska stjórnin mundi alltaf standa traust að baki breskum bændum við úrsögn landsins úr Evrópusambandinu. Hann sagði einnig að vegna gæða sinna væri hægt að selja breskar landbúnaðarvörur um allan heim og að bændur þyrftu því ekki að kvíða þótt markaðir í Evrópusambandinu kynnu að lokast.

„Þegar Bretland yfirgefur Evrópu­sambandið 31. október næstkomandi höfum við áður óþekktan möguleika á að setja fram nýja áætlun til að styðja við landbúnað og tryggja bændum betri samning,“ sagði Boris Johnson. 

Tilboðsmarkaður opinn
Fréttir 4. mars 2024

Tilboðsmarkaður opinn

Markaður fyrir greiðslumark mjólkur verður haldinn þann 1. apríl næstkomandi.

Ríkt af B12-vítamíni, fólati, kalíum og sinki
Fréttir 1. mars 2024

Ríkt af B12-vítamíni, fólati, kalíum og sinki

Samkvæmt niðurstöðum verkefnis sem nýlega var unnið hjá Matís, um nýtingu og nær...

Vaxtalækkun lána
Fréttir 1. mars 2024

Vaxtalækkun lána

Fram kom í frétt Bændablaðsins, 2. nóvember 2023, að stjórn Byggðastofnunar hefð...

Endurvinnslan er mest innanlands
Fréttir 29. febrúar 2024

Endurvinnslan er mest innanlands

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins...

Háskóladagurinn á fjórum stöðum
Fréttir 29. febrúar 2024

Háskóladagurinn á fjórum stöðum

Háskóladagurinn verður haldinn í Reykjavík laugardaginn 2. mars.Þá gefst fólki k...

Rýnt í lagaumgjörð hvalveiða
Fréttir 29. febrúar 2024

Rýnt í lagaumgjörð hvalveiða

Forsætisráðherra hefur skipað starfshóp sem falið er að skoða lagaumgjörð hvalve...

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...

Lambhagi notar „Íslenskt staðfest“
Fréttir 28. febrúar 2024

Lambhagi notar „Íslenskt staðfest“

Vigdís Häsler, framkvæmdastjóri Bændasamtaka Íslands, og Hafberg Þórisson, eigan...