Vinsamlegast athugið að þetta efni er eldra en 8 ára.
Frá vinstri á myndinni eru Hrafnhildur Ýr Víglundsdóttir, verkefnastjóri svæðisbundinnar þróunar hjá Ferðamálastofu, Þorbjörg Ása Jónsdóttir frá Skaftárhreppi, Ólöf Ýrr Atladóttir ferðamálastjóri, Laufey Haraldsdóttir frá Háskólanum á Hólum og Laufey Skúl
Frá vinstri á myndinni eru Hrafnhildur Ýr Víglundsdóttir, verkefnastjóri svæðisbundinnar þróunar hjá Ferðamálastofu, Þorbjörg Ása Jónsdóttir frá Skaftárhreppi, Ólöf Ýrr Atladóttir ferðamálastjóri, Laufey Haraldsdóttir frá Háskólanum á Hólum og Laufey Skúl
Mynd / MÞÞ
Fréttir 18. nóvember 2015

Skagafjörður er gæðaáfangastaður Íslands 2015

Höfundur: Margrét Þóra Þórsdóttir
Ferðamálastofa er fyrir Íslands hönd aðili að Evrópska EDEN-verkefninu, sem stendur fyrir „European Destination of Excellence“. 
 
Markmið verkefnisins er að vekja athygli á gæðum, fjölbreytileika og sameiginlegum einkennum evrópskra áfangastaða og kynna til sögunnar nýja, lítt þekkta áfangastaði vítt og breitt um Evrópu þar sem áhersla er lögð á ferðaþjónustu í anda sjálfbærni.
 
Matartengd ferðaþjónusta þema ársins
 
Af þessu tilefni er haldin samkeppni um gæðaáfangastaði í Evrópu annað hvert ár með nýju þema í hvert sinn, en þema ársins 2015 var matartengd ferðaþjónusta. Sérstök valnefnd fór yfir þær umsóknir sem bárust frá íslenskum áfangastöðum og voru viðurkenningar afhentar á Ferðamálaþinginu á Akureyri þann 28. október síðastliðinn. Þá fá þau verkefni sem urðu í tveimur efstu sætunum boð um þátttöku á sérstakri verðlaunaathöfn í Brussel nú í desember þar sem saman koma verðlaunahafar frá öllum þátttökulöndum.
 
Matarkistan Skagafjörður ruddi veginn
 
Eftir yfirferð umsókna ákvað valnefnd EDEN-verkefnisins á Íslandi að útnefna Sveitarfélagið Skagafjörð sem gæðaáfangastað Íslands 2015 fyrir verkefnið Matarkistan Skagafjörður.
 
 Í niðurstöðu valnefndar segir:
„Matarkistan Skagafjörður á sér langa sögu og fyrsta samstarfsverkefni sinnar tegundar á sviði matartengdrar ferðaþjónustu hér á landi. Má því segja að verkefnið hafi rutt veginn og undirbúið jarðveginn fyrir önnur slík verkefni víða um land og sé því sannkallað frumkvöðlaverkefni. Afurðir verkefnisins hafa verið margar og fjölbreyttar í gegnum tíðina, en þar má m.a. nefna árlega Hrossaveislu, fyrirlestra og námsefni á vegum Hólaskóla og matreiðslubókina Eldað undir bláhimni. Nefndin telur verkefnið vel að heiðrinum komið og vonast til að tilnefningin verði til að efla enn frekar matartengda ferðaþjónustu í Skagafirði, sem og á landinu öllu.“
 
Skaftárhreppur – Hvað er í matinn?
 
Annað sætið hlaut Skaftárhreppur fyrir verkefnið Hvað er í matinn? Í niðurstöðu valnefndar segir: „Hvað er í matinn? er afar áhugavert og metnaðarfullt verkefni sem nefndin telur eiga góða möguleika á að vaxa og dafna. Sérstaklega athygli vekur sú áhersla verkefnisins að endurverkja gamlar matarhefðir á svæðinu og efla atvinnulíf með því að þróa frekari fullvinnslu afurða í heimabyggð. Gott dæmi um þetta eru nýstofnað handverkssláturhús á Seglbúðum og endurvakning gamalla hefða við vinnslu og neyslu melgresis. Nefndin telur fullvíst að spennandi verði að fylgjast með framþróun þessa metnaðarfulla verk­efnis á næstu misserum.“
 
Hvatningarstyrkur
 
Þar sem tilnefningu frá EDEN-verkefninu fylgir ekki stuðningur í formi fjármagns, hefur Ferðamálastofa ákveðið að veita sk. hvatningarstyrk til Matarkistunnar Skagafjarðar að upphæð kr. 250.000 til undirbúnings á matartengdum ferðapakka um Skagafjörð.
Ríkt af B12-vítamíni, fólati, kalíum og sinki
Fréttir 1. mars 2024

Ríkt af B12-vítamíni, fólati, kalíum og sinki

Samkvæmt niðurstöðum verkefnis sem nýlega var unnið hjá Matís, um nýtingu og nær...

Vaxtalækkun lána
Fréttir 1. mars 2024

Vaxtalækkun lána

Fram kom í frétt Bændablaðsins, 2. nóvember 2023, að stjórn Byggðastofnunar hefð...

Endurvinnslan er mest innanlands
Fréttir 29. febrúar 2024

Endurvinnslan er mest innanlands

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins...

Háskóladagurinn á fjórum stöðum
Fréttir 29. febrúar 2024

Háskóladagurinn á fjórum stöðum

Háskóladagurinn verður haldinn í Reykjavík laugardaginn 2. mars.Þá gefst fólki k...

Rýnt í lagaumgjörð hvalveiða
Fréttir 29. febrúar 2024

Rýnt í lagaumgjörð hvalveiða

Forsætisráðherra hefur skipað starfshóp sem falið er að skoða lagaumgjörð hvalve...

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...

Lambhagi notar „Íslenskt staðfest“
Fréttir 28. febrúar 2024

Lambhagi notar „Íslenskt staðfest“

Vigdís Häsler, framkvæmdastjóri Bændasamtaka Íslands, og Hafberg Þórisson, eigan...

Samræmt söfnunarkerfi
Fréttir 27. febrúar 2024

Samræmt söfnunarkerfi

Vinna á tillögu um útfærslu fyrir samræmt söfnunarkerfi dýraleifa á landsvísu se...