Vinsamlegast athugið að þetta efni er eldra en 3 ára.
Um 25 manns á vegum félagsins tóku þátt í að koma ónýtum heyrúllum fyrir á svæði á Hófaskarðsleið þar sem til stendur að rækta upp land með því að gróðursetja tré og skjólbelti.
Um 25 manns á vegum félagsins tóku þátt í að koma ónýtum heyrúllum fyrir á svæði á Hófaskarðsleið þar sem til stendur að rækta upp land með því að gróðursetja tré og skjólbelti.
Mynd / Gréta Bergrún Jóhannesdóttir
Fréttir 29. október 2019

Ónýtar heyrúllur nýttar til uppgræðslu á Hófaskarðsleið

Höfundur: Margrét Þóra Þórsdóttir
„Þetta er fyrsta skrefið í stóru verkefni og það tókst bara mjög vel,“ segir Sigurður Þór Guðmundsson, bóndi í Holti og oddviti í Svalbarðss­hreppi og félagi í Landgræðslufélagi Þistil­fjarðar. Um 25 manns á vegum félagsins tóku þátt í að koma ónýtum heyrúllum fyrir á svæði á Hófaskarðsleið þar sem til stendur að rækta upp land með því að gróðursetja tré og skjólbelti.
 
Ótíð síðsumars, rigning og kuldi hafði þær afleiðingar að um 230 heyrúllur eyðilögðust á bænum Syðri-Brekkum í Þistilfirði. Skaði af heymissi kom vissulega illa við bændur þar en bót í máli þótti að heyrúllurnar nýttust í þetta þarfa verkefni.
 
Stefán Eggertsson í Laxárdal og Gunnar Þóroddsson á Hagalandi fá sér kaffisopa.
 
 
Oft ófært vegna skafrennings
 
Sigurður Þór segir að lengi hafi verið rætt um að hefja uppgræðslustörf á kafla á Hófaskarðsleið, en þannig háttar til að vegurinn þar verður helst til of oft ófær vegna skafrennings sem þar verður við ákveðnar veður­aðstæður. Hugmyndin var að hans sögn að planta þar trjám og skjól­beltum í því skyni að reyna eftir mætti að draga úr skafrenningi og þar með ófærð á veginum. – „Það er til nokkurs að vinna ef vel tekst til,“ segir hann. 
 
Sveitarfélagið hefur árlega greitt um 100 þúsund krónur í Landbótasjóð og var ákveðið að sleppa því í ár og styrkja þetta verkefni í heimabyggð í staðinn. 
 
Um 230 heyrúllur eyðilögðust í bleytutíð síðsumars á bænum Syðri-Brekkum og voru þær nýttar til uppgræðslustarfa.
 
Góð lausn við að farga heyinu
 
Sigurður Þór segir að þegar sú staða var komin upp að bændur á Syðri-Brekkum sátu uppi með mikið magn ónýtra heyrúlla sem þeir þurftu með einhverju móti að farga hafi sá kostur að nýta þær til uppgræðslustarfa hugnast mönnum vel. 
 
„Við höfum rætt það undanfarin ár að það þurfi að hefjast handa við þetta verkefni á Hófaskarðsleið, landeigendur og Vegagerð hafa tekið þátt í umræðum og allir eru jákvæðir og vilja fyrir alla muni gera eitthvað, en einhvern veginn dróst það alltaf að byrjað væri á þessu,“ segir Sigurður. Menn séu því mjög kátir nú þegar þeim áfanga hefur verið náð að starfið er hafið.
 
„Þetta er líka mjög góð lausn til að farga heyinu og með þessu móti gerir það gagn,“ segir hann. Þátttaka var með ágætum, en um 25 manns mættu á staðinn, m.a. vörubíla- og vinnuvélaeigendur, verktakar sem tóku þátt í að flytja heyrúllur á staðinn og dreifa úr þeim.  

8 myndir:

Langflestir íbúar á höfuðborgarsvæðinu
Fréttir 8. febrúar 2023

Langflestir íbúar á höfuðborgarsvæðinu

Samkvæmt tölum Byggðastofnunar fyrir árið 2022 var íbúafjöldi landsins 376.248. ...

Samband neysluverðs og framleiðsluverðs í matvælum
Fréttir 8. febrúar 2023

Samband neysluverðs og framleiðsluverðs í matvælum

Bændur og hinn almenni neytandi hafa lengið staðið bökum saman við að tryggja sa...

Rannsakar skyggnar konur
Fréttir 7. febrúar 2023

Rannsakar skyggnar konur

Dr. Dalrún Kaldakvísl Eygerðardóttir sagnfræðingur rannsakar sögu skyggnra kvenn...

Of algengt að hestunum sé gefinn óþverri
Fréttir 6. febrúar 2023

Of algengt að hestunum sé gefinn óþverri

Margeir Ingólfsson og Sigríður Jóhanna Guðmundsdóttir, bændur á bænum Brú í Blás...

Tíu ára starfsafmæli
Fréttir 3. febrúar 2023

Tíu ára starfsafmæli

Tíu ár eru síðan Ráðgjafarmiðstöð landbúnaðarins (RML) var sett á laggirnar. Af ...

Innlend fóðurframleiðsla gæti nýtt jarðhita sem fer til spillis
Fréttir 3. febrúar 2023

Innlend fóðurframleiðsla gæti nýtt jarðhita sem fer til spillis

Fjárfestingafélag Þingeyinga hf. hefur unnið að skýrslu í samstarfi við verkfræð...

Markaðssetning utan hefðbundins sláturtíma
Fréttir 2. febrúar 2023

Markaðssetning utan hefðbundins sláturtíma

Nýlega var Sláturhúsi Vesturlands í Borgarnesi veittur styrkur úr markaðssjóði s...

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...