Vinsamlegast athugið að þetta efni er eldra en 8 mánaða.
Nýtt vörumerki Massey Ferguson hefur verið kynnt í tilefni af 175 ára afmælis þessarar frægu dráttarvélategundar á árinu 2022.
Nýtt vörumerki Massey Ferguson hefur verið kynnt í tilefni af 175 ára afmælis þessarar frægu dráttarvélategundar á árinu 2022.
Fréttir 5. janúar 2022

Nýtt útlit á merki Massey Ferguson og nýtt slagorð á 175 ára afmælinu 2022

Höfundur: Hörður Kristjánsson

Massey Ferguson, sem er í eigu fjölþjóðasamsteypunnar AGCO, hefur kynnt nýtt útlit á táknrænu þríhyrningsmerki sínu og nýtt slagorð, „Born to Farm“ í tilefni af 175 ára afmæli Massey Ferguson á árinu 2022. Mögulega mætti útleggja nýja slagorðið á íslensku sem „Fæddur til landbúnaðarstarfa“.

Massey Ferguson hefur nú boðið bændum um allan heim einfaldar og áreiðanlegar vélar frá upphafi fyrir næstum 175 árum. Fá vörumerki hafa haft jafn mikil áhrif í landbúnaði á heimsvísu og Massey Ferguson. Þetta nafn var sannarlega „Born to Farm“, eins og Eric Hansotia, stjórnarformaður og framkvæmdastjóri AGCO Corporation, sagði þegar nýja útlitið var kynnt.

Luis Felli, framkvæmdastjóri Massey Ferguson, bætti því við að Massey Ferguson væri nú að breytast frá því að vera hreinn landbúnaðarvélaframleiðandi í víðtækara þjónustufyrirtæki. Fyrirtæki sem miðli reynslu sem hjálpi bændum að tryggja bestu verðmæti í sinni framleiðslu og geri fyrirtæki þeirra arðbærari og sjálfbærari.

Einstök upplifun

„Þessi alþjóðlega samræmda nálgun gerir viðskiptavinum kleift að upplifa umbreytingu vörumerkisins á einstakan hátt um allan heim. Því var eðlilegt að setja á markað nýtt lógó á þessu fordæmalausa augnabliki í sögu okkar,“ sagði Luis Felli.

Árið 2022 verður ár hins nýja vörumerkis

„Árið 2022 verður ár hins nýja alþjóð­­lega vörumerkis Massey Fergus­on,“ sagði Francesco Murro, varaformaður Global Marketing, Sales Enablement & Partnerships Massey Ferg­us­on.

„Við höfum verið að hugsa um nýtt lógó síðan við afhjúpuðum MF NEXT Concept á Agritechnica 2019. MF New Era byrjaði að vakna til lífsins með MF 8S kynningu í júlí 2020. Því hefur verið fylgt eftir með kynningu á heildarlínu af vörum síðustu 18 mánuði, þar á meðal í september 2021 með Born to Farm Digital viðburðinum.

Nóvember er eins konar hátíð­ar­mánuður fyrir vörumerkið, sem er nú kynnt nákvæmlega 63 árum eftir að tilkynnt var um stofnun vörumerkisins. Þegar við fögnum 175 ára afmæli fyrsta landbúnaðarverkstæðis Daniel Massey árið 2022, fannst okkur það vera fullkominn tími til að endurnýja lógóið um leið og við kynnum nýtt slagorð,“ sagði Murro.

„Þríhyrnings­formið er sterk táknmynd sem hefur einkennt Massey Ferguson síðan 1958. Nýja lógóið okkar er blanda á milli sterkrar arfleifðar okkar og ferskra vörumerkjagilda. Þríhyrningarnir þrír skarast til að tákna gagnkvæmt samband og traust milli bænda, söluaðila og vörumerkisins,“ bætti Mr. Murro við.

Nýja lógóið verður smám saman innleitt um allan heim. Það er þegar byrjað að birtast á vefsíðum fyrirtækisins og verður uppfært í öllu markaðsefni Massey Ferguson þegar fram líða stundir. 

Skylt efni: Massey Ferguson

Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...