Vinsamlegast athugið að þetta efni er eldra en 7 ára.
Níu áburðartegundir stóðust ekki kröfur
Fréttir 16. janúar 2015

Níu áburðartegundir stóðust ekki kröfur

Höfundur: smh

Matvælastofnun (MAST) hefur birt skýrslu um niðurstöður áburðareftirlits á árinu 2014. Alls stóðust 9 tegundir áburðar, af 41, ekki kröfur um efnainnihald; ýmist vegna of lítils magns næringarefna eða of mikils magns kadmíums. 

Í tilkynningu frá MAST kemur fram að við efnamælingar hafi komið í ljós að átta áburðartegundir voru með of lágt næringarefnainnihald miðað við það sem kom fram á umbúðum. „Þar af var ein með of lítið köfnunarefni, ein með of lítinn fosfór ein með of lítið kalí og átta með of lítinn brennistein. Í nokkrum tilfellum voru fleiri en eitt næringarefni undir leyfðum vikmörkum,“ segir í tilkynningunni.
 
Óverulegt magn af kadmíum
 
„Ein tegund var með of mikið kadmíuminnihald samkvæmt ákvæðum reglugerða. Um óverulegt magn var að ræða eða innan við 0,1% af innfluttum áburði. Einn kaupandi hafði keypt vöruna og var hann upplýstur um niðurstöður efnagreininga þegar þær lágu fyrir. Allar þessar áburðartegundir hafa verið teknar af skrá Matvælastofnunar. Ekki verður heimilt að dreifa þessum áburðartegundum til notenda við næsta innflutning fyrr en efnagreining á vegum stofnunarinnar sýnir fram á að áburðurinn uppfylli kröfur. 
 
Allar niðurstöður miðast við uppgefin gildi við skráningu og samkvæmt merkingum á umbúðum. Sýnataka og vöruskoðun var gerð hjá 5 innflutningsfyrirtækjum og voru alls 45 áburðarsýni af 41 áburðartegund tekin á árinu. Auk þess voru merkingar og umbúðir skoðaðar. 
 
Fáar athugasemdir voru gerðar við merkingar, en helstu gallar voru vegna misræmis milli skráninga og merkinga. Einnig voru merkingar máðar í nokkrum tilfellum. Þá voru gerðar athugasemdir ef merkingar voru ekki á íslensku.
 
Á árinu fluttu 23 fyrirtæki inn áburð og jarðvegsbætandi efni alls 273 tegundir. Alls voru flutt inn 60.961 tonn. Innlendir framleiðendur eru 14 á skrá, það eru fyrirtæki sem framleiða áburð eða jarðvegsbætandi efni á landinu. Áburðarfyrirtæki sem voru með skráða starfsemi á árinu eru því 37. Sjö fyrirtæki fluttu inn áburð og jarðvegsbætandi efni til jarðræktar, alls 80 tegundir og heildarmagn var 60.420 tonn.“

Skylt efni: Áburðareftirlit

Fjarlæsingarbúnaður aftrar rússneskum þjófum
Fréttir 24. maí 2022

Fjarlæsingarbúnaður aftrar rússneskum þjófum

Undanfarnar vikur hafa borist fregnir af því að rússneskir hermenn fari ránshend...

Styrktarsamningur Eyjafjarðarsveitar og Skógræktarfélags Eyfirðinga markar tímamót
Fréttir 24. maí 2022

Styrktarsamningur Eyjafjarðarsveitar og Skógræktarfélags Eyfirðinga markar tímamót

Skrifað hefur verið undir styrktar­samning til tveggja ára milli Skógræktarfélag...

Nissan mögulega fyrsta fyrirtækið til að hefja tilraunaframleiðslu á fastkjarnarafhlöðu
Fréttir 23. maí 2022

Nissan mögulega fyrsta fyrirtækið til að hefja tilraunaframleiðslu á fastkjarnarafhlöðu

Þegar Nissan kynnti fyrst áætlanir um frumgerð fatskjarnarafhlaða (solid-state),...

Óeining innan ESB um að framfylgja algjöru viðskiptabanni á Rússa með olíu og gas
Fréttir 20. maí 2022

Óeining innan ESB um að framfylgja algjöru viðskiptabanni á Rússa með olíu og gas

Klofningur er innan Evrópu­sam­bandsins varðandi kaup á gasi og olíu frá Rússlan...

Bankar og stórfyrirtæki óttast samdrátt efnahagslífsins
Fréttir 20. maí 2022

Bankar og stórfyrirtæki óttast samdrátt efnahagslífsins

Þýski stórbankinn Bundesbank varar Evrópusambandið við að allsherjar viðskiptaba...

Umsóknarfrestur um styrki til aðlögunar að lífrænum framleiðsluháttum framlengdur
Fréttir 20. maí 2022

Umsóknarfrestur um styrki til aðlögunar að lífrænum framleiðsluháttum framlengdur

Matvælaráðuneytið vekur athygli á að umsóknarfrestur vegna styrkja til aðlögunar...

Tæplega 80 þúsund gistinætur og  Íslendingar í miklum meirihluta
Fréttir 19. maí 2022

Tæplega 80 þúsund gistinætur og Íslendingar í miklum meirihluta

„Við trúum því að veðrið verði áfram með okkur í liði og að við eigum gott og fe...

Tillögur matvælaráðherra til fæðuöryggis Íslands
Fréttir 18. maí 2022

Tillögur matvælaráðherra til fæðuöryggis Íslands

Í gær lagði Svandís Svavarsdóttir matvælaráðherra fram tillögur fyrir ríkisstjór...