Vinsamlegast athugið að þetta efni er eldra en 3 ára.
Samkvæmt innanlandsvog sauðfjárræktar dregst framleiðsla á kindakjöti saman en innanlandsmarkaður stækkar.
Samkvæmt innanlandsvog sauðfjárræktar dregst framleiðsla á kindakjöti saman en innanlandsmarkaður stækkar.
Mynd / smh
Fréttir 22. október 2020

Minni framleiðsla en stærri innanlandsmarkaður

Höfundur: smh

Atvinnuvega- og nýsköpunarráðuneytið hefur gefið út innanlandsvog fyrir sauðfjárrækt í annað sinn, en hlutverk hennar er að skilgreina þarfir innanlandsmarkaðar og eftirspurn eftir kindakjöti. Er  markmiðið meðal annars að álagsgreiðslur vegna gæðastýringar skiptist á þann hluta heildarframleiðslunnar sem ætluð er fyrir innanlandsmarkað. Samkvæmt innanlandsvog 2020 verður framleiðslan 7.992 tonn vegna eftirspurnar eftir dilkakjöti innanlands, en á síðasta ári seldust tæp 7.100 tonn á innanlandsmarkaði.

Innanlandsvog er unnin í samræmi við 5. grein reglugerðar um stuðning við sauðfjárrækt frá 2019. Til grundvallar útreikningum á innanlandsvog liggja upplýsingar um sölu kindakjöts eftir skrokkhlutum síðastliðna 24 mánuði og spá um líklega söluþróun.

Samhliða innanlandsvoginni var gerð spá um heildarframleiðslu fyrir framleiðsluárið 2020–2021. Hún er áætluð 8.006 tonn, sem er 1.813 tonnum meira en áætluð eftirspurn innanlands. Spáin byggir á fjölda vetrarfóðraðra kinda og framleiðslu á hverja vetrarfóðraða kind síðastliðin þrjú ár. 

Innanlandsvog fyrir kjöt af fullorðnu fyrir framleiðsluárið 2020-2021 er 1.009 tonn. Áætluð heildarframleiðsla er 1.293 tonn og framleiðsla umfram innanlandsmarkað því 580 tonn.

Meiri framleiðsla á síðasta ári

Til samanburðar var innanlandsvogin á síðasta ári 7.129 tonn fyrir dilkakjöt og heildarframleiðsla áætluð 8.670 tonn, sem er 1.961 tonn umfram það sem áætluð eftirspurn var innanlands fyrir árið 2019. 

Fyrir kjöt af fullorðnu fé framleiðsluárið 2019–2020 var innanlandsvog 921 tonn, til að mæta innanlandseftirspurn. Spá um heildarframleiðslu var 1.587 tonn og heildarútflutningsþörf því 992 tonn.

Innanlandssala kindakjöts árið 2019 nam tæpum 7.100 tonnum, sem er heldur minni sala en gert var ráð fyrir í innanlandsvoginni. Heildarframleiðsla kindakjöts á síðasta ári reyndist vera 9.719 tonn og hefur hún ekki verið minni frá árinu 2011 þegar hún var 9.587 tonn. 

Nýr formaður kjörinn
Fréttir 23. febrúar 2024

Nýr formaður kjörinn

Hjörtur Bergmann Jónsson var kjörinn formaður deildar skógarbænda á fundi deilda...

Sex minkabú eftir á landinu
Fréttir 23. febrúar 2024

Sex minkabú eftir á landinu

Björn Harðarson, bóndi í Holti í Flóa, hefur tekið við sem formaður deildar loðd...

Eðlilegur blóðhagur þrátt fyrir blóðtöku
Fréttir 23. febrúar 2024

Eðlilegur blóðhagur þrátt fyrir blóðtöku

Íslenskar blóðmerar áttu auðvelt með að halda uppi eðlilegum blóðhag þrátt fyrir...

Áhersla á greiðslumarkið
Fréttir 22. febrúar 2024

Áhersla á greiðslumarkið

Á deildarfundi sauðfjárbænda hjá Bændasamtökum Íslands var samþykkt nær samhljóð...

Nú þarf að láta verkin tala
Fréttir 22. febrúar 2024

Nú þarf að láta verkin tala

Halldóra Hauksdóttir verður áfram formaður búgreinadeildar eggjabænda. Meðstjórn...

Misræmi milli framleiðslu og greiðslumarkseignar
Fréttir 22. febrúar 2024

Misræmi milli framleiðslu og greiðslumarkseignar

Tveir mjólkurframleiðendur uppfylltu ekki yfir 200.000 lítra af greiðslumarki í ...

Formannsslagur í vændum
Fréttir 22. febrúar 2024

Formannsslagur í vændum

Gunnar Þorgeirsson og Trausti Hjálmarsson hafa gefið kost á sér í embætti forman...

Betri afkoma í garðyrkju
Fréttir 22. febrúar 2024

Betri afkoma í garðyrkju

Afkoma ylræktenda fer batnandi en útiræktenda versnandi.