Vinsamlegast athugið að þetta efni er eldra en 6 ára.
Starfsmenn Lífeyrissjóðs bænda á gömlu skrifstofu framkvæmdastjórans í Bændahöllinni. Ólafur K. Ólafs, Borghildur Jónsdóttir, Áslaug Jóhannsdóttir, Kristín Margrét Kristjánsdóttir og Sigrún Guðjónsdóttir.
Starfsmenn Lífeyrissjóðs bænda á gömlu skrifstofu framkvæmdastjórans í Bændahöllinni. Ólafur K. Ólafs, Borghildur Jónsdóttir, Áslaug Jóhannsdóttir, Kristín Margrét Kristjánsdóttir og Sigrún Guðjónsdóttir.
Mynd / HKr.
Fréttir 12. janúar 2016

Lífeyrissjóður bænda fluttur úr Bændahöllinni eftir nærri 20 ára veru

Höfundur: Hörður Kristjánsson
Lífeyrissjóður bænda hefur flutt starfsemi sína úr Bændahöllinni þar sem hann hefur verið með aðsetur í hartnær 20 ár. Ástæðan er að breyta á þeirri hæð Hótel Sögu í hótelherbergi, þar sem sjóðurinn var með starfsemi sína. 
 
Nýtt aðsetur sjóðsins frá 30. nóvember síðastliðnum er við Grafarvog að Stórhöfða 23 í Reykjavík, í sama húsi og MAST. Þá hefur sjóðurinn fengið nýtt símanúmer, 563-1300. 
 
Ólafur K. Ólafs, framkvæmda­stjóri LSB, segir að komið hafi til álita að flytja starfsemina á milli hæða í Bændahöllinni. Bændasamtökin hafi m.a. verið reiðubúin að fara í talsverðar framkvæmdir á annarri hæð hússins til að svo mætti vera. Rúmbetra húsnæði, sem var sniðið fyrir skrifstofurekstur af þessum toga, hafi hins vegar boðist við Stórhöfða.
 
„Að athuguðu máli var niðurstaðan sú að heppilegra væri til lengri tíma litið að flytja í það húsnæði,“ sagði Ólafur. „Við erum líka mjög ánægð með að hótelið sé að nýta sér þá stöðu í vaxandi ferðamannaþjónustu að fjölga hótelherbergjum og auka við starfsemi sína. Við höfum því væntingar til þess að þetta muni reynast hótelinu vel til framtíðar og styrkja starfsemina og efla hag Bændasamtakanna um leið. Um leið og það er ánægja og tilhlökkun fólgin í  flutningunum, þá söknum við verunnar í Bændahöllinni.“
 
Borghildur Jónsdóttir bókari hefur starfað lengst allra starfsmanna hjá sjóðnum. Hún segir að sjóðurinn hafi verið til húsa á nokkrum stöðum í gegnum tíðina. Hann hafi áður verið í Bændahöllinni en flutti síðan á Kirkjusand, þar sem Íslandsbanki er nú, og síðan í Hús verslunarinnar.
 
„Það var svo í febrúar 1996 að sjóðurinn flutti úr Húsi verslunarinnar í Bændahöllina,“ segir Borghildur en það var stuttu eftir að hún hóf störf hjá sjóðnum. Nú er aftur búið að flytja og segir hún að  rúmt sé um þau á nýja staðnum, en samt sé ákveðin eftirsjá að fara úr Bændahöllinni. Ekki síst að yfirgefa kunningja og vini til margra ára. 
 
Fyrir mörgum árum, á meðan Lífeyrissjóður bænda var á 3. hæðinni í Bændahöllinni, var farið í  framkvæmdir á hæðinni í norðurálmu byggingarinnar, en þá var verið að leggja lagnir í gólf til að gera klárt fyrir gistiherbergi síðar. Borghildur segir að á þeim tíma hafi starfsfólkið hjá sjóðnum orðið að vera með eyrnatappa til að þola hávaðann af múrbroti sem þar fór fram. 
 
„Það var ekki einu sinni hægt að tala í síma,“ sagði Borghildur. 
Það er svo ekki fyrr en nú, mörgum árum seinna, að hafist er handa við að ljúka verkinu og setja upp 27 herbergi sem eiga að vera tilbúin til útleigu í vor. 
 
Á þessari hæð, norðurálmu Bændahallarinnar, hafa skrifstofur hótelsins líka verið. Sú starfsemi var flutt í síðustu viku á sama gang og skrifstofur Bændasamtaka Íslands. 
 
Ólafur segir að öll þessi ár sem sjóðurinn hafi verið með starfsemi í Bændahöllinni hafi samstarfið við starfsfólk Bændasamtakanna og hótelsins verið til mikillar fyrirmyndar og munu starfsmenn sjóðsins vera áfram  félagar í Almenningi, starfsmannafélagi samtakanna.    

11 myndir:

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...