Vinsamlegast athugið að þetta efni er eldra en 6 ára.
Kína semur við Ísrael um kaup á rannsóknastofuræktuðu kjöti
Fréttir 27. október 2017

Kína semur við Ísrael um kaup á rannsóknastofuræktuðu kjöti

Höfundur: Vilmundur Hansen

Stjórnvöld í Kína og Ísrael hafa gert með sér samkomulag um að Kínverjar kaupi rannsóknastofuræktað kjöt fyrir 300 milljón Bandaríkjadali, eða rúma 31,5 milljarða íslenskra króna, frá Ísrael.

Margir dýraverndunarsinnar líta á kjöt sem er ræktað á rannsóknarstofu eða þar til gerðri kjötræktarstöð sem gríðarleg framför í dýraverndarmálum þar sem ekki þarf þá lengur að ala gripi til slátrunar.

Kjötrækt til að draga úr eldi

Í yfirlýsingu frá kínverskum stjórnvöldum er hugmyndin að baki samningnum að draga úr búfjáreldi og kjötneyslu í landinu.

Rannsóknastofukjöt, sem stundum er kallað biokjöt, er framleitt á rannsóknastofum með því að framrækta frumur úr dýrum og búa til úr þeim hakk eða steikur. Hörðustu grænmetisætur hafa snúist gegn hugmyndinni vegna þess að kjötið er ræktað úr dýrafrumum en flestir dýraverndunarsinnar fagna henni.

Áhugamenn um kjötrækt segja að samningurinn muni fleyta miklu fé til rannsókna á kjötrækt og opna fyrir nýja markaði fyrir kjötið.

Þrátt fyrir að í dag sé biokjöt ræktað úr lifandi frumum dýra er vonast til að áður en lengt er liðið muni vera hægt að rækta kjötið frá grunni úr gerviefni eða nokkurs konar kjötlíki.

Minni losun kolefna

Meðal þeirra kosta sem kjötrækt er sögð hafa fram yfir hefðbundið búfjáreldi er að ræktin er sögð skila margfalt minna af kolefni út í andrúmsloftið en hefðbundin kjötframleiðsla. Auk þess sem land skilar meiru af sér með ræktun á nytjaplöntum en búfé.

Þrátt fyrir að Kína hafi ekki til þessa talist með umhverfisvænstu löndum í heimi er samningnum því víða fagnað sem spor í rétta átt. Fyrirtækin sem sjá um ræktina heita SuperMeat, Future Meat Technologies og Meat the Future.

Kínverjar, sem eru um 1,4 milljarðar að tölu, flytja inn kjöt fyrir um 10 milljarða Bandaríkjadali, rúman milljarð íslenskra króna, á ári. Þar er því um gríðarlegan markað að ræða þrátt fyrir að stjórnvöld stefni að því að minnka kjötneyslu í landinu um 50%.

Í dag er áætlað að 14,5% af kolefni sem berst í andrúmsloftið á ári sé tilkomið vegna búfjáreldis til kjötframleiðslu. Aukin neysla á ræktuðu kjöti gæti því verulega dregið úr losun kolefnis út í andrúmsloftið og dregið úr hækkun lofthita í heiminum og afleiðingum hans. 

Skylt efni: Kína | Ísrael | kjötrækt

Styrkir til vatnsveitna á lögbýlum
Fréttir 5. mars 2024

Styrkir til vatnsveitna á lögbýlum

Enn er opið fyrir umsóknir um framlög vegna vatnsveitna á lögbýlum sbr. regluger...

Tilboðsmarkaður opinn
Fréttir 4. mars 2024

Tilboðsmarkaður opinn

Markaður fyrir greiðslumark mjólkur verður haldinn þann 1. apríl næstkomandi.

Ríkt af B12-vítamíni, fólati, kalíum og sinki
Fréttir 1. mars 2024

Ríkt af B12-vítamíni, fólati, kalíum og sinki

Samkvæmt niðurstöðum verkefnis sem nýlega var unnið hjá Matís, um nýtingu og nær...

Vaxtalækkun lána
Fréttir 1. mars 2024

Vaxtalækkun lána

Fram kom í frétt Bændablaðsins, 2. nóvember 2023, að stjórn Byggðastofnunar hefð...

Endurvinnslan er mest innanlands
Fréttir 29. febrúar 2024

Endurvinnslan er mest innanlands

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins...

Háskóladagurinn á fjórum stöðum
Fréttir 29. febrúar 2024

Háskóladagurinn á fjórum stöðum

Háskóladagurinn verður haldinn í Reykjavík laugardaginn 2. mars.Þá gefst fólki k...

Rýnt í lagaumgjörð hvalveiða
Fréttir 29. febrúar 2024

Rýnt í lagaumgjörð hvalveiða

Forsætisráðherra hefur skipað starfshóp sem falið er að skoða lagaumgjörð hvalve...

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...