Vinsamlegast athugið að þetta efni er eldra en 3 ára.
Birnir Hrafn og Pálmar Flóki Sigbjörnssynir hæstánægðir með tilveruna enda búið að vera einstaklega sólríkt á Egilsstöðum í sumar.
Birnir Hrafn og Pálmar Flóki Sigbjörnssynir hæstánægðir með tilveruna enda búið að vera einstaklega sólríkt á Egilsstöðum í sumar.
Fréttir 16. september 2021

Heyskap víðast hvar lokið með ágætri uppskeru

Höfundur: Margrét Þóra Þórsdótttir

Bleytutíð á sunnan- og vestanverðu landinu gerir bændum sem ekki höfðu lokið heyskap erfitt fyrir, háin hefur sprottið vel en erfitt að finna heppilegt veður til að slá. Almennt eru bændur búnir með slátt þetta sumarið, en hann hófst seinna en vant er þar sem vorið var sérlega kalt og spretta lítil framan af. Hlýindi á norðan- og austanverðu landinu settu svip sinn á heyskapinn, en sums staðar brunnu tún vegna hita og þurrka.

Sveinn Sigurmundsson, framkvæmdastjóri Búnaðar­sambands Suðurlands, segir vorið hafa verið óvenju kalt og spretta allt að hálfum mánuði seinni en í meðalári, en bændur hafi þó náð inn gæðaheyjum eftir sumarið. Blaðvöxtur í grösunum var óvenju mikill en magnið í tæpu meðallagi

„Eftir að hlýnaði tók spretta vel við sér og flestir bændur orðnir vel heyjaðir. En síðasta misserið hefur verið vætusamt og margir að bíða eftir þurrki til að slá há sem er að spretta úr sér og þreskja kornið,“ segir Sveinn. „Þegar suðvestlægar áttir ríkja er veður fyrir austan Mýrdalssand bæði hlýrra og sólríkara og bændur þar um slóðir muna vart annað eins sumar eftir að hlýnaði upp úr 20. júní.

Unnsteinn Snorri Snorrason og Herdís Magna Gunn­ars­dóttir.
Vætutíð seinnipart sumars

Unnsteinn Snorri Snorrason, verk­efnastjóri sauðfjárræktar hjá Bændasamtökum Íslands og bóndi á Syðstu-Fossum, segir heyskap hafa gengið misjafnlega á vestanverðu landinu. Áberandi sé hve seinnipartur sumars hafi reynst ódrjúgur með vætutíð sem geri að verkum að erfitt sé að ná inn hánni, sem annars er mikil og falleg. Víða í fjórðungnum hafa bændur náð inn góðum heyfeng og eigi það bæði við um magn og gæði. Fáeinir eru enn að bíða færis á að ná inn hánni og gildi það m.a. um bændur á Barðaströnd, en þar hefur veðurfar verið fremur óhagstætt til heyskapar í sumar. 

Kúabændur fyrir austan hafa almennt náð góðum heyjum

Herdís Magna Gunn­ars­dóttir, formaður deildar kúabænda hjá Bændasamtökum Íslands og bóndi á Egilsstöðum, segir að heyskapur hafi byrjað með seinna móti á Austurlandi enda vorið í kaldara lagi þar eins og annars staðar. Þegar leið á sumarið hófst hitabylgjan fræga með miklu sólskini og þurrk­um. Nokkur svæði inn til landsins, Breið­dalur, Fljótsdalur og Jökul­dalur sem dæmi fóru verr út úr þurrkunum en önnur svæði og þar var meira um bruna í túnum.

Herdís segir að kúabændur fyrir austan beri sig almennt vel og hafi náði inn miklu og góðu heyi eftir sumarið. Sumarið hafi verið einstaklega sólríkt og því megi búast við að heyið verði sykurríkt og gott fyrir kýrnar, segir hún.

Skylt efni: heyskapur | heyöflun | heygæði

Stöðugur samdráttur í hrossaútflutningi
Fréttir 17. febrúar 2025

Stöðugur samdráttur í hrossaútflutningi

Frá árinu 2022 hefur samdráttur verið stöðugur í útflutningi íslenskra hrossa.

Samráð um úrgangsforvarnir
Fréttir 14. febrúar 2025

Samráð um úrgangsforvarnir

Í Samráðsgátt stjórnvalda liggja nú drög Umhverfisstofnunar að stefnu um úrgangs...

Sóknarhugur er í Dalamönnum
Fréttir 14. febrúar 2025

Sóknarhugur er í Dalamönnum

Í Búðardal er fyrirhugað að reisa atvinnuhúsnæði með allt að 150 milljóna króna ...

Náttúrulegir birkiskógar hafa mikilvægt hlutverk
Fréttir 13. febrúar 2025

Náttúrulegir birkiskógar hafa mikilvægt hlutverk

Vísbendingar eru um að náttúrulegir birkiskógar hafi mikil áhrif á uppsöfnun kol...

Sjö verkefni um aukið virði sauðfjárafurða
Fréttir 13. febrúar 2025

Sjö verkefni um aukið virði sauðfjárafurða

Kennslutól fyrir skólabörn, vöruþróun ærkjöts og sauðaosta og markaðssetning á s...

Kjötafurðastöðvar aftur undir samkeppnislög
Fréttir 12. febrúar 2025

Kjötafurðastöðvar aftur undir samkeppnislög

Þingmálaskrá ríkisstjórnarinnar hefur verið kynnt fyrir vorþingið. Landbúnaðarmá...

Sýktur refur í Skagafirði
Fréttir 12. febrúar 2025

Sýktur refur í Skagafirði

Íbúi í Skagafirði varð var við veikan ref og reyndist dýrið með fuglaflensu.

Deilt um gjaldtöku vegna meðhöndlunar á dýrahræjum
Fréttir 11. febrúar 2025

Deilt um gjaldtöku vegna meðhöndlunar á dýrahræjum

Fyrir áramót bárust tvö mál inn á borð lögfræðinga Bændasamtaka Íslands þar sem ...