Vinsamlegast athugið að þetta efni er eldra en 3 ára.
Kolefnisjöfnun felur til að mynda í sér lausnir eins og að gróðursetja tré til að vega upp á móti orkunotkun verksmiðja.
Kolefnisjöfnun felur til að mynda í sér lausnir eins og að gróðursetja tré til að vega upp á móti orkunotkun verksmiðja.
Fréttir 16. mars 2022

GANNI tískuhús telur kolefnisjöfnun ekki framtíðarlausn

Höfundur: Sigrún Pétursdóttir

Danska kventískuvörumerkið GANNI hefur skotið rótum sínum hérlendis, en árið 2018 vann það fatalínu í samstarfi við fyrirtæki 66° Norður. Fram kemur á vefsíðu 66° Norður að „samstarfslínan sameini gildi og arfleifð beggja merkja í flíkum sem hannaðar eru til dagsdaglegrar notkunar jafnt sem útivistar.“ GANNI, sem var stofnað í Kaupmannahöfn árið 2000, varð á tiltölulega skömmum tíma eitt virtasta tískumerki Dana. GANNI þykir búa yfir persónulegum samtímastíl, þó í sífelldri nýsköpun, og þótt vörur þess þyki allt að því hátíska eru þær á mun viðráðanlegra verði en ella.

Þar sem fyrirtækið hefur orð á sér að vera bæði nútímalegt og meðvitað kom það mörgum að óvörum er nýverið lýstu forsvarsmenn vörumerkisins því yfir að þau myndu framvegis ekki taka þátt í kolefnisjöfnun.

Heildstæð nálgun fyrr í ferlinu fremur en kolefnisjöfnun

Í kjölfarið kunngerðu þau reyndar að frekar hygðust þau vinna beint með birgjum – með það fyrir augum að fjárfesta í leiðum til að draga úr kolefnislosun frá upphafsreit þeirrar vinnu er viðkemur framleiðslu þeirra og taka þannig mun fyrr á rót vandans. Á þann hátt virkja þau mun heildstæðari nálgun þegar kemur að því að berjast gegn loftslagsbreytingum – en eigendur GANNI telja að með því að fara í gegnum allt framleiðsluferli tískuvarnings síns sé hægt að fjárfesta í og koma á leiðum til að draga úr kolefnislosun fyrr í ferlinu, frekar en með mótvægisverkefnum annars staðar. Forsvarsmenn fyrirtækisins tóku meðal annars þá ákvörðun að hætta að leggja fjármuni í kolefnisjöfnun og lögðu þá peninga til hliðar með það fyrir augum að fjárfesta í öðrum aðferðum til þess að draga úr kolefnisspori birgðakeðju sinnar.

Draga úr heildarlosun um 50% fyrir árið 2027

„Loftslagssérfræðingar hafa oftar en ekki bent á þessa hugmynd til að draga úr kolefnissporum og talið forsvarsmenn tískuiðnaðarins reiða sig um of á þá „lausn“ sem kolefnisjöfnun hefur verið álitin,“ segja eigendur GANNI, hjónin Ditte og Nicolaj Reffstrup. „Iðnaðurinn hefur því miður leyft sér að vanrækja þau skref er þarf þegar kemur að því að kolefnisjafna sína eigin birgðakeðju frá A til Ö.

Ein ástæðan gæti verið að það er kostnaðarsamara og oft mjög krefjandi að fara í gegnum allt það ferli – að minnsta kosti í fyrstu atrennu – á meðan kolefnisjöfnun, t.a.m. með því að planta tré í stað þess að stoppa mengandi framleiðsluferli, varð fólki eðlilegri leið en að koma jafnvægi á gang mála. Í þessu vildum við ekki taka þátt og hófum því tilraun með okkar eigin heildstæðari nálgun,“ segja Reffstrup-hjónin, en markmið þeirra er að draga úr heildarlosun fyrirtækisins um 50% fyrir árið 2027.

GANNI hefur hlotið bæði lof og umtal af öllu tagi varðandi ákvörðun sína en vonast er til að við mat komi í ljós að hún sé að stærstu leyti framtíðin er kemur að framleiðsluferli tískuhúsa. 

Skylt efni: kolefnisjöfnun | tíska | Ganni

Sölufélagið í góðu lagi
Fréttir 17. júlí 2025

Sölufélagið í góðu lagi

Nú hafa Sölufélag garðyrkjumanna, Báran stéttarfélag og Framsýn stéttarfélag und...

Bændur harka af sér
Fréttir 16. júlí 2025

Bændur harka af sér

Ný rannsókn bendir til þess að fólk sem starfar í landbúnaði sé ólíklegt til að ...

Getur leyst plast af hólmi
Fréttir 16. júlí 2025

Getur leyst plast af hólmi

Frumkvöðlafyrirtækið Marea Iceland hyggst setja á markað umhverfisvænt húðunaref...

Auglýsingar um sveppadropa og -duft ámælisverðar
Fréttir 16. júlí 2025

Auglýsingar um sveppadropa og -duft ámælisverðar

Verslunin Hugur Studio, sem rekin er af Hemmet ehf., hefur verið kærð fyrir afdr...

Átak um öryggi barna í sundi
Fréttir 16. júlí 2025

Átak um öryggi barna í sundi

Rauði krossinn á Íslandi hefur hleypt af stokkunum fræðslu- og forvarnarátaki um...

Pöddur í hundamat
Fréttir 15. júlí 2025

Pöddur í hundamat

Fyrirtæki hafa sett á markað hundamat úr skordýrum. Slíkt fæði hefur minna kolef...

Orkuskipti í Flatey
Fréttir 15. júlí 2025

Orkuskipti í Flatey

Jóhann Páll Jóhannsson, umhverfis-, orku- og loftslagsráðherra og Elías Jónatans...

Landeldi við Hauganes
Fréttir 15. júlí 2025

Landeldi við Hauganes

Laxós ehf. áformar uppbyggingu og rekstur fiskeldisstöðvar norðan Hauganess, þar...