Vinsamlegast athugið að þetta efni er eldra en 2 ára.
Three Georges Dam, stærsta vatnsorkuver Kínverja, er með 22.500 megavött í uppsettu afli, eða á við nærri 33 Kárahnjúkavirkjanir.
Three Georges Dam, stærsta vatnsorkuver Kínverja, er með 22.500 megavött í uppsettu afli, eða á við nærri 33 Kárahnjúkavirkjanir.
Fréttaskýring 1. júlí 2020

Kína er langöflugasta þjóð heims í framleiðslu á raforku með endurnýjanlegum orkugjöfum

Höfundur: Hörður Kristjánsson
Alþjóðaorkumálastofnunin (IEA) spáir nú 13% samdrætti frá 2019 í framleiðslu raforku með endurnýjanlegum orkugjöfum á árinu 2020. Það er í fyrsta sinn síðan á árinu 2000 að bakslag verður í raforkuframleiðslu með endurnýjanlegum orkugjöfum. 
 
Þetta er 20% bakslag miðað við það sem áður var spáð um að árið 2020 yrði metár í raforkuframleiðslu með endurnýjanlegum orkugjöfum. Á árinu 2019 var uppsett afl raforku með endurnýjanlegum orkugjöfum í heiminum öllum 192,3 gígavött (192.300 megavött). Sú afkastageta mun dragast saman niður í 17,7 GW á þessu ári samkvæmt spá IEA.  Ástæðan er sögð seinkanir á framkvæmdum vegna bakslags í fjármögnun og vandræðagangi við að útvega íhluti og búnað vegna lokana verksmiðja út af COVID-19. Þá er líka rætt um óvissu í stefnumörkun á þessu sviði og þróun markaða.
 
IEA spáir því jafnframt að raforkuframleiðsla með endur­nýjanlegum orkugjöfum muni ná sér á strik að nýju á næsta ári og fari í ríflega það sem var 2019, eða í 196,1 GW afl.
 
Segir endurnýjanlega orkugjafa munu spila lykilhlutverk í framtíðinni
 
Alþjóðaorkumálastofnunin telur að þrátt fyrir hökt í framleiðslu á raforku með endurnýjanlegum orkugjöfum á þessu ári, þ.e. vatnsorku, vindorku, sólarorku, lífefnaeldsneyti, jarðhita og fleiru, þá fleygi tækninni ört fram á þeim sviðum. Endurnýjanlegir orkukostir munu spila lykilhlutverk í orkumálum á komandi árum. Þannig muni vind og sólarorka nema um helmingi af raforkuframleiðslu heimsins árið 2040. Rétt er þó að hafa í huga að ef það á að takast er verkefnið sannarlega tröllaukið miðað við raforkuframleiðslu sem fram fer í dag með kolum, olíu og gasi. Hrap á olíuverði og fjárfestingum í orkugeiranum mun örugglega ekki auðvelda áform í þessa veru.
 
Samkvæmt tölum úr úttekt Sustainable Development Goal  (SDG) á raforkunotkun heimsins þá nam hlutdeild endurnýjanlegra orkugjafa um 24% árið 2016 og tæpum 29% árið 2019. Þar af var mest framleitt með vatnsafli eða 4.333 teravattstundir (TWh), Vindorka á landi nam 1.323 TWh, vindorka á sjó nam 82 TWh, sólarorka nam 720 TWh, lífefnaeldsneyti nam 589 TWh og raforkuframleiðsla með jarðvarma nam 92 TWh. 
 
Kínverjar langstærstir í endurnýjanlegri orku
 
Þó oft sé talað um Kína sem mesta umhverfissóðann í veröldinni vegna þess hversu mikið af rafmagni þar í landi er framleitt með kolum, þá er Kína líka langöflugasta ríki veraldar í framleiðslu á raforku með endurnýjanlegum orkugjöfum. Þar var uppsett afl 65,3 GW af þessari grænu orku á árinu 2019. Spáð er að sú framleiðslugetan aukist í 76,6 GW á árinu 2020 og í 78,4 GW á árinu 2021. 
 
Vistvæn raforka í Kína á við 111 Kárahnjúkavirkjanir
 
Til samanburðar er uppsett afl Fljótsdalsstöðvar (Kárahnjúk­a­­virkjunar) 690 megavött (tæp 0,7 GW). Þannig munu Kín­verjar framleiða raforku með endurnýjanlegum orkugjöfum á þessu ári sem nemur framleiðslugetu um 111 Kárahnjúkavirkjana.
 
Stærsta vatnsorkuver Kínverja, Three Georges Dam, er með uppsett afl upp á 22.500 megavött og framleiddi tæp 102 teravattstundir af raforku (TWh) á árinu 2018. 
 
Mest framleiddu Kínverjar af raforku með endurnýjanlegum orkugjöfum árið 2017, eða 82,4 GW. Þetta er samt vart nema dropi í hafið miðað við raforkuframleiðslugetu Kínverja með kolum sem nam á síðasta ári um 1.005 gígavöttum (sem nemur afli rúmlega 1.456 Kárahnjúkavirkjana). 
 
Evrópa ekki hálfdrættingur á við Kína í framleiðslu á hreinni orku
 
Til samanburðar er því spáð að samanlagt afl raforkuframleiðslu í Evrópu með endurnýjanlegum orkugjöfum falli úr 35,3 GW árið 2019 í 22,1 GW á yfirstandandi ári. Þá er spáð að hún fari þar í 31,9 GW á næsta ári.  
 
Bandaríkin einungis með þriðjung af hreinu rafafli Kínverja
 
Næststærsta framleiðsluríki heims á raforku úr endurnýjanlegum orkugjöfum er Bandaríkin. Þau framleiddu þó ekki nema um þriðjung af þeirri endurnýjanlegri orku sem Kínverjar framleiddu á árinu 2019, eða 22 GW. Á yfirstandandi ári er því spáð að Bandaríkin verði með 23,5 GW framleiðslugetu af raforku með endurnýjanlegum orkugjöfum og 24,4 GW á næsta ári. 
Landbúnaður í stríðshrjáðu landi
Fréttaskýring 27. júlí 2022

Landbúnaður í stríðshrjáðu landi

Innrás Rússa í Úkraínu hófst 24. febrúar síðastliðinn og ekki sér fyrir...

Of snemmt að breyta um aðferðarfræði
Fréttaskýring 8. júlí 2022

Of snemmt að breyta um aðferðarfræði

Halldór Runólfsson var yfir­ dýralæknir á árunum 1997 til 2012 þegar reglug...

Verkefnið fram undan mun felast í því að rækta upp þolinn stofn hratt og vel
Fréttaskýring 8. júlí 2022

Verkefnið fram undan mun felast í því að rækta upp þolinn stofn hratt og vel

Gera má ráð fyrir að riðusjúkdómur í sauðfé hafi verið landlæg plága í s...

Hvert er umfangið?
Fréttaskýring 23. júní 2022

Hvert er umfangið?

Efnahagslegt hlutverk íslenska hestsins hefur breyst töluvert á undan- förnu...

Framboð hráefna til fóðurframleiðslu á Íslandi ótryggt
Fréttaskýring 8. júní 2022

Framboð hráefna til fóðurframleiðslu á Íslandi ótryggt

Ógnarástand er á erlendum mörk­uðum með kornvörur og hráefni til fóðurger...

Fljótandi gjaldmiðlar með enga baktryggingu í raunverðmætum sagðir dæmdir til að hrynja
Fréttaskýring 1. júní 2022

Fljótandi gjaldmiðlar með enga baktryggingu í raunverðmætum sagðir dæmdir til að hrynja

Stríðsátökin í Úkraínu virðast vera að valda áhyggjum um að þau geti hrundið af ...

Leigukvóti fyrir milljarða
Fréttaskýring 30. maí 2022

Leigukvóti fyrir milljarða

Leiguviðskipti með þorskkvóta námu rúmlega sex milljörðum króna á árinu 2021. Al...

Um 50–75% Íslendinga eru með of lítið af D-vítamíni í blóði
Fréttaskýring 24. maí 2022

Um 50–75% Íslendinga eru með of lítið af D-vítamíni í blóði

Embætti landlæknis og Rann­sókna­stofa í næringarfræði við Heilbrigðisvísindasvi...