Forsendur fyrir auknu fjármagni í Bjargráðasjóð vegna tjóna

Kristjáns Þór Júlíusson, sjávarútvegs- og landbúnaðarráðherra, telur að forsendur séu fyrir því að bæta fjármagni í Bjargráðasjóð, til að bæta bændum kal- og girðingatjón sem varð síðasta vetur.

Þetta kom fram í svari hans við fyrirspurn Þórunn Egilsdóttir, þingflokksformanns Framskóknarflokksins í óundirbúnum fyrirspurnum á Alþingi á mánudaginn þar sem hún spurði um hvort bændur ætti að sitja einir uppi með það tjón.

Samanlagt tjón metið á 960 milljónir króna

Sigurður Eyþórsson, framkvæmdastjóri Bjargráðasjóðs, segir að sjóðurinn hafi nú um 200 milljónum til ráðstöfunar en sótt hafi verið um bætur fyrir kal- og girðingatjón sem metið er á 960 milljónir - um 800 milljóna króna kaltjón og 160 milljóna króna girðingatjón. Bjargráðasjóður er í dag sjálfstæð stofnun í eigu ríkisins en var til ársins 2016 að jöfnu í sameign ríkisins og Bændasamtaka Íslands.

Umóknir um bætur voru 211 vegna kaltjóns en 74 um bætur vegna girðingtjóns, en umsóknarfrestur var til 1. október. Gert er ráð fyrir að umsóknar verði afgreiddar í nóvember og þær greiddar út fyrir árslok.

Öllum óskum um bætur verði mætt

Kristján sagði í svari sínu að hann ætlaði að beina því til þingsins við meðferð fjárlaga að þessum óskum öllum um bætur verði mætt. Fordæmi væru fyrir slíkri fjárveitingu væru frá árinu 2012 og 2013 þegar kaltjón var bætt og því telji hann forsendur fyrir því að það verði nú endurtekið.

 Umsóknir vegna kaltjóns

Umsóknir vegna girðingatjóns