Vinsamlegast athugið að þetta efni er eldra en 3 ára.
Ásmundur Ernir Snorrason og Irene Reber ríða af velli eftir spennandi B-úrslit í fjórgangi þar sem Irene hafði betur.
Ásmundur Ernir Snorrason og Irene Reber ríða af velli eftir spennandi B-úrslit í fjórgangi þar sem Irene hafði betur.
Mynd / BBL
Fréttir 10. ágúst 2019

Fleiri gull til Íslands

Höfundur: Ritstjórn

Dagskráin á HM í Berlín var fjölbreytt í dag. Dagurinn hófst á seinni umferðum í 250 m skeiði og þar gerði Guðmundur Björgvinsson sér lítið fyrir og náði í enn eitt gullið fyrir Ísland á Glúmi frá Þóroddsstöðum á tímanum 21,80 sek. Charlotte Cook og Sæla frá Þóreyjarnúpi urðu í 2. sæti á 21,89 sek. Þriðji varð svo Daníel Ingi Smárason fyrir Svíþjóð á Huldu från Margaretehof á 22,20 sekúndum.

Bergþór Eggertsson og Besti, sem áttu besta tímann í fyrri umferðum í gær urðu fjórðu á 22,33 sek. Teitur Árnason og Dynfari frá Steinnesi enduðu svo í 8. sæti sæti á 22,65 sek.

Í flokki ungmenna varð Benjamín Sandur Ingólfsson fimmti á Messu frá Káragerði á 24,14 sek. Þar vörðu Lone Sneve og Stóri-Dímon frá Hraukbæ titil sinn á 22,93 sek. Hinn breski Aidan Carson varð annar á 23,13 sek.

Vonbrigði hjá Ásmundi Erni

Nils Christian Larsen frá Noregi vann B-úrslitin í tölti á Garpi fra Hojgaarden með 7,94 í einkunn og hinn sænski Jack Ericson vann A-úrslit í slaktaumatölti ungmenna á Millu från Ammor með 7,46. Ásmundur Ernir Snorrason var fulltrúi Íslendinga í B-úrslitum í fjórgangi en hann kom efstur inn í þau að lokinni forkeppni. Ásmundur átti fína sýningu, utan brokksins þar sem hann fékk einkunnina 6,67, á meðan hann fékk frá 7,5 og upp í 8,0 fyrir aðrar gangtegundir. Aðaleinkunn Ásmundar var 7,50, en það var Irene Reber frá Þýskalandi sem vann með 7,60 á Þokka frá Efstu-Grund og fer upp í A-úrslitin á morgun.

Agnar Snorri Stefánsson fór mikinn

Þá fóru einnig fram B-úrslit í fimmgangi í dag en báðir íslensku knaparnir í þeirri grein höfðu þegar tryggt sér sæti í A-úrslitum. Nokkrar sviptingar urðu í þessum úrslitum og efsti knapinn inn, Pierre Sandsten-Hoyos á Búa frá Húsavík, lenti í vandræðum bæði á brokki og skeiði þannig að þeirra draumur um úrslitasæti var úti. Agnar Snorri Stefánsson fór hins vegar mikinn og reið inn í A-úrslitin á Bjartmari fra Nedre Sveen fyrir Danmörku með 7,40 í einkunn.

Íslendingar sterkir samanlagt

Veitt voru verðlaun fyrir samanlagða sigurvegara í fjórgangsgreinum, þ.e. þau pör knapa og hesta sem hæstu einkunnir fengu í tölti og fjórgangi samanlagt. Ásdís Ósk Elvarsdóttir var önnur í samanlögðum fjórgangsgreinum ungmenna á Koltinnu frá Varmalæk og Jóhann Rúnar Skúlason varð efstur í samanlögðu fullorðinna og landaði þar með sínum fyrsta heimsmeistaratitli á þessu móti á Finnboga frá Minni-Reykjum.

A-úrslit á morgun

Á morgun fara fram A-úrslit í öllum greinum auk 100 m skeiðs, en í kvöld skemmta hestamenn sér saman á svokallaðri gala-sýningu þar sem fjölbreytt hestaatriði eru í boði.

Skylt efni: HM í Berlín 2019

Hagnaðurinn 67,1 milljón króna á síðasta ári
Fréttir 20. mars 2023

Hagnaðurinn 67,1 milljón króna á síðasta ári

Aðalfundur ÍSTEX var haldinn í kjölfar búgreinaþings deildar sauðfjárbænda og að...

Sjaldan launar kálfurinn kjöteldið
Fréttir 17. mars 2023

Sjaldan launar kálfurinn kjöteldið

Á nýafstöðnu búgreinaþingi samþykkti deild nautgripabænda ályktun þar sem bent e...

Tryggja þarf að gripir með verndandi arfgerðir verði ekki skornir niður
Fréttir 17. mars 2023

Tryggja þarf að gripir með verndandi arfgerðir verði ekki skornir niður

Búgreinadeild sauðfjárbænda hjá Bændasamtökum Íslands samþykkti tillögu á nýliðn...

Fagþing sauðfjárræktarinnar
Fréttir 17. mars 2023

Fagþing sauðfjárræktarinnar

Fagþing sauðfjárræktarinnar 2023 verður haldið í Ásgarði á Hvanneyri fimmtudagin...

Sauðfjárbændur vilja fjölga ullarflokkum
Fréttir 16. mars 2023

Sauðfjárbændur vilja fjölga ullarflokkum

Á búgreinaþingi deildar sauðfjárbænda á dögunum var tillaga samþykkt þar sem því...

Niðurfelling gripagreiðslna á mjólkurkýr
Fréttir 16. mars 2023

Niðurfelling gripagreiðslna á mjólkurkýr

Nautgripabændur vilja greiðslur fyrir framleiðslutengda liði mjólkur. Í ályktun ...

Jarfi frá Helgavatni besta nautið
Fréttir 16. mars 2023

Jarfi frá Helgavatni besta nautið

Jarfi 16016 frá Helgavatni í Þverárhlíð í Borgarfirði hlaut nafnbótina besta nau...

Kalla eftir breytingum á varnarhólfum
Fréttir 15. mars 2023

Kalla eftir breytingum á varnarhólfum

Á þingi búgreinadeildar sauðfjárbænda hjá BÍ var samþykkt sú tillaga að stjórn d...