Fékk fjölda styrkja
Fréttir 15. febrúar 2021

Fékk fjölda styrkja

Höfundur: Vilmundur Hansen

Landbúnaðarháskóli Íslands og starfsmenn hans hafa hlotið fjölda styrkja til verkefna það sem af er árinu, ýmist sem aðalumsækjendur eða samstarfs­aðilar. Má þar nefna úthlutanir á vegum Rannís og Matvælasjóðs fyrir styrkárið 2021.

Christian Schultze, rannsókna- og alþjóðafulltrúi Landbúnaðarháskóla Íslands, segir: „Það er einstaklega ánægjulegt hversu mikil gróska er í rannsóknastarfi innan veggja skólans og spennandi að fylgjast með þessum verkefnum áfram.“

Í tilkynningu frá skólanum segir að „verkefnin [séu] fjölbreytt og sýna breidd skólans og sérstöðu hans sem er líf og land í sínum víðasta skilningi. Öflugt samstarf er skólanum afar mikilvægt en hlutverk hans er að skapa og miðla þekkingu á sviði sjálfbærrar nýtingar auðlinda, umhverfis, skipulags og matvælaframleiðslu á norðurslóðum og stuðla þannig að verðmætasköpun og fæðuöryggi til framtíðar með sjálfbærri nýtingu auðlinda.“

Grasbítar á norðlægum slóðum

Í úthlutun úr Rannsóknarsjóði Rannís á sviði náttúru- og umhverfis­vísinda hlaut verkefni Isabel C Barrio deildarforseta, Gras­bítar á norðlægum slóðum: tengsl fjölbreytni og starfsemi, styrk. Ásamt Isabel er Emmanuel Pierre Pagneux lektor meðumsækjandi.

Viðbrögð túndruvistkerfa við beitarfriðun

Jón Guðmundsson lektor og Isabel eru samstarfsaðilar í verkefni leitt af Háskóla Íslands sem heitir Föst í viðjum hnignunar? Viðbrögð túndruvistkerfa við beitarfriðun. Jón er einnig samstarfsaðili í öðru verkefni sem leitt er af Háskólanum á Hólum ásamt Birni Þorsteinssyni prófessor og kallast Áhrif langtíma beitarfriðunar á kolefnisupptöku og kolefni í graslendisjarðvegi.

Mannakorn og Birta

Skólinn fékk einnig styrki úr nýstofnuðum Matvælasjóði sem hefur það hlutverk að styrkja þróun og nýsköpun við framleiðslu og vinnslu matvæla úr landbúnaðar- og sjávarafurðum. Hrannar Smári Hilmarsson tilraunastjóri hlaut styrk fyrir verkefnið Mannakorn og er unnið meðal annars í samstarfi við Sandhól. Verkefnið BIRTA Gróðurhúsalausn hlaut einnig styrk en þar er Christina Stadler lektor samstarfsaðili.

Endurheimt birkivistkerfa á 21. öld

Verkefnið Endurheimt birkivistkerfa á 21. öld – áskoranir, leiðir og ávinningur, hlaut Markáætlun Rannís en það er í umsjá Ásu Lovísu Aradóttur prófessors í samstarfi við Landgræðsluna og HÍ. Einnig hlaut verkefnið Staðbundin nýting hráefna í áburð – heildstæð nálgun að hringrásarhagkerfi, styrk og er Hrannar Smári Hilmarsson tilraunastjóri þar samstarfsaðili.

Útbreiðsla, stofnþróun og verndun nætursjófugla

Styrk til doktorsverkefnis hlaut Stephen Hurling en Jan Axmacher gestalektor og Hlynur Óskarsson dósent eru meðal annarra leiðbeinendur hans í verkefninu Útbreiðsla, stofnþróun og verndun nætursjófugla á Íslandi.

Borgir og loftslagsvandinn

Á sviði skipulags og hönnunar er teymi innan skólans komið áfram eftir fyrsta hluta alþjóðlegrar hönnunarsamkeppni samtakanna C40 Reinventing Cities, þar sem markmiðið er að fá borgir til að leggja sig fram í baráttunni gegn loftslagsvanda. Teymið skipa Kristín Pétursdóttir, lektor og brautarstjóri, Steinunn Garðarsdóttir sérfræðingur og Samaneh Nickayin lektor og eru í samstarfi við íslenskar og erlendar stofur og fyrirtæki. Svæðið sem um ræðir er Sævarhöfði í Reykjavík og þarf vinningstillagan að hafa sjálfbærni að leiðarljósi í öllum þáttum hönnunarinnar.

Bændasamtök Íslands boða til veffundar um mögulegar breytingar á félagskerfi landbúnaðarins
Fréttir 4. mars 2021

Bændasamtök Íslands boða til veffundar um mögulegar breytingar á félagskerfi landbúnaðarins

Stjórn Bændasamtaka Íslands (BÍ) býður bændum til veffundar fimmtudaginn 4. mars...

Orkídea er vettvangur nýsköpunar fyrir matvælaframleiðslu og líftækni
Fréttir 4. mars 2021

Orkídea er vettvangur nýsköpunar fyrir matvælaframleiðslu og líftækni

Síðasta sumar var undirritað samkomulag á milli Landsvirkjunar, Sambands sunnlen...

Góður árangur og bæting í ræktunarstarfinu á milli ára
Fréttir 3. mars 2021

Góður árangur og bæting í ræktunarstarfinu á milli ára

Ár hvert halda búgreinafélög í Austur-Húnavatnssýslu sam­eigin­lega árshátíð fyr...

Mýrdælingar mótmæla harðlega hugmyndum um bann við fýladrápi
Fréttir 3. mars 2021

Mýrdælingar mótmæla harðlega hugmyndum um bann við fýladrápi

Einar Freyr Elínarson, oddviti Mýrdalshrepps, er mjög ósáttur við frumvarp umhve...

Samkeppniseftirlit fær viðbótarfrest til að komast að niðurstöðu
Fréttir 3. mars 2021

Samkeppniseftirlit fær viðbótarfrest til að komast að niðurstöðu

„Frestur til rannsóknar málsins framlengist um allt að 35 virka daga, en á þessu...

Riðutilfelli staðfest í Húnaþingi vestra
Fréttir 2. mars 2021

Riðutilfelli staðfest í Húnaþingi vestra

Riðuveiki hefur verið staðfest á búi í Húnaþingi vestra í Vatnsneshólfi, samkvæm...

Mun minni samdráttur í sölu mjólkurvara en ætla mætti vegna fækkunar erlendra ferðamanna
Fréttir 2. mars 2021

Mun minni samdráttur í sölu mjólkurvara en ætla mætti vegna fækkunar erlendra ferðamanna

Sala á skyri frá MS dróst saman á síðasta ári og frá janúarlokum 2020 til janúar...

Töluverðar líkur á að nýtt afbrigði fuglaflensu berist til Íslands
Fréttir 1. mars 2021

Töluverðar líkur á að nýtt afbrigði fuglaflensu berist til Íslands

Sérfræðingahópur um fuglaflensu, sem í eiga sæti fulltrúar Matvæla­stofn­unar, T...