Vinsamlegast athugið að þetta efni er eldra en 2 ára.
Faraldur sem á sér ekki fordæmi hér á landi
Fréttir 26. júlí 2019

Faraldur sem á sér ekki fordæmi hér á landi

Höfundur: Vilmundur Hansen

Fyrir skömmu kom upp alvarleg E. Coli (STEC) sýking í börnum sem flest áttu það sameiginlegt að hafa borðað ís sem framleiddur var og neytt að ferðaþjónustubýlinu Efstadal II í Bláskógabyggð. Alls hafa greinst 22 einstaklingar með sýkingu, þar af eru 20 börn og tveir fullorðnir.

Skömmu eftir síðustu mánaða­mót fóru að berast fréttir um börn hér á landi með alvarlega sýkingu af völdum E. Coli (STEC) baktería. Smit af STEC getur borist með menguðum matvælum eða vatni, með beinni snertingu við dýr eða mengaðan úrgang dýra. Bakterían kemst þannig um munn og niður í meltingarveg og framleiðir eiturefni sem getur valdið blóðugum niðurgangi og í alvarlegum tilfellum nýrnabilun og blóðleysi.

Ís líklega skýringin

Í fyrstu mátti skilja að rann­sóknar­niðurstöður hafi sýnt að börnin sem sýktust á bænum hafi smitast vegna umgangs við kálfa en ekki af neyslu matvæla.

Samkvæmt því sem segir á heimasíðu Embættis landlæknis sýndu bakteríurannsóknir að kálfar á staðnum báru sömu bakteríur og sýktu börnin en en að ekki hafi öll börnin verið í tengslum við kálfa á staðnum. Það eina sem flest börnin áttu sameiginlegt var neysla íss í Efstadal II en eitt barnið smitaðist af systkini.

Bakteríurnar sem sýktu börnin greindust með fundust ekki í ís á staðnum en ísinn sem var rannsakaður var ekki sá sami og börnin höfðu borðað því ný framleiðsla var komin í sölu.

Á heimasíðunni segir að af ofangreindu sé ekki hægt að fullyrða að börnin hafi sýkst af umgengni við kálfa. Mögulegar smitleiðir á bænum eru margar en sterkustu faraldsfræðilegu tengslin eru við ís sem framleiddur var á staðnum.

Aðgerðir og ráðstafanir sem gripið var til beinast einmitt að því að rjúfa þessar smitleiðir með því að stöðva framleiðslu á ís og samgangi við kálfa á staðnum og skerpa á vinnu­­reglum og hreinlæti.
Alþrifum og sótthreinsun á veitingastað Efstadals II að aðlægum rýmum lauk 19. júlí.

Alvarleg sýking

Alls hafa verið staðfest 22 tilfelli þar sem einstaklingar hafa greinst með bakteríuna, tveir fullorðnir og 20 sýkingar í börnum. Auk þess sem talið er að tilfellin séu fleiri án þess að það hafi verið staðfest. Einnig er talið að eitt barn frá Bandaríkjunum hafi sýkst en vegna þess hversu langt er liðið frá sýkingunni veður það ekki staðfest úr þessu. Eitt barn, 5 mánaða gamalt, hlaut það sem kallast blóðlýsu- og nýrnabilunarheilkenni af völdum sýkingarinnar.

Öll börnin hafa verið útskrifuð og eru á batavegi og samkvæmt því sem segir á vef Embættis landlæknis hefur E. coli faraldurinn líkast til runnið sitt skeið.

Efla skal aðskilnað milli veitingasvæða og dýra

Niðurstaða rannsókna sýnir að E. coli bakterían er útbreiddari á staðnum en áður hefur verið sýnt fram á og ekki eingöngu bundin við kálfana. Í ljósi þess að ekki tókst að uppræta smitleiðir í Efstadal II með þeim aðgerðum sem gripið var til um og eftir 4. júlí síðastliðinn ákvað Heilbrigðiseftirlit Suðurlands í samráði við Matvælastofnun að gerðar yrðu kröfur um úrbætur á eftirfarandi þáttum starfseminnar.

Sala íss á staðnum hefur var stöðvuð þar til alþrif og sótthreinsun hefur farið fram. Framleiðsla íss á staðn­um var stöðvuð 5. júlí og verður ekki hafin fyrr en að uppfylltum ákveð­num skilyrðum. Aðgengi að dýrum verði áfram lokað þar til viðunandi hreinlætisaðstaða og hand­­þvottaraðstaða hefur verið sett upp.

Farið er fram á að aðskilnaður milli veitingasvæða og dýra verði efldur og að starfsmenn sem vinni við matvæli þurfi að sýna fram á að þeir séu ekki með bakteríuna STEC E.coli.

Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...