Þjóðin kaus sína uppáhaldssúpu á Facebook-síðunni lambakjöt en kosningin stóð til og með 21. október. Kom það ekki mörgum á óvart að gamla góða ömmusúpan varð fyrir valinu.
Þjóðin kaus sína uppáhaldssúpu á Facebook-síðunni lambakjöt en kosningin stóð til og með 21. október. Kom það ekki mörgum á óvart að gamla góða ömmusúpan varð fyrir valinu.
Fréttir 23. október 2020

Eldar kjötsúpu í beinni

Gísli Matthías Auðunsson matreiðslumeistari hefur nóg að gera. Hann rekur þrjá veitingastaði, Skál! í Mathöll Hlemmi og Slippinn og nýopnaða hamborgarastaðinn ÉTA sem báðir eru staðsettir í Vestmannaeyjum. Hann er að leggja lokahönd á matreiðslubók og aðstoðar nú sauðfjár- og grænmetisbændur við að halda kjötsúpudaginn hátíðlegan.

Gísli mun kenna áhorfendum að elda súpuna í beinni útsendingu þann 24. október klukkan 13.00, á kjötsúpudeginum. Hann ætlar að fara yfir hvað þarf að hafa í huga við val á kjöti, hvaða grænmeti er nú í árstíð og fara yfir sögu kjötsúpunnar. 

Síðastliðin ár hefur íslensku kjötsúpunni verið gert hátt undir höfði með sérstökum kjötsúpudegi sem haldinn hefur verið hátíðlegur fyrsta vetrardag á Skólavörðustíg. Þar hafa veitingamenn boðið gestum og gangandi upp á kjötsúpur í hinum ýmsu útgáfum. Samkomubann hefur þó sett strik í reikninginn í ár en Landssamtök sauðfjárbænda og Sölufélag garðyrkjumanna hafa nú tekið höndum saman og með dyggri aðstoð frumkvöðlanna á Skólavörðustíg verður kjötsúpudagurinn haldinn með breyttu sniði í ár.

Á Facebook-síðu Lambakjöts voru kynntar fjórar ólíkar uppskriftir að kjötsúpu, en Gísli tók saman uppskriftirnar. Þjóðin kaus sína uppáhaldssúpu á Facebook-síðunni lambakjöt en kosningin stóð til og með 21. október. Kom það ekki mörgum á óvart að gamla góða ömmusúpan varð fyrir valinu. 

Gísli er spenntur fyrir þessu verkefni, enda gaman að takast á við áskoranirnar sem fylgja kórónuveirufaraldursins. „Þetta hefur verið sérstaklega erfitt fyrir okkur veitingamenn. Það er mikil óvissa í greininni og það er gott að fá tækifæri til þess að taka þátt í verk-efnum eins og þessum þar sem viðburðum er ekki frestað heldur haldnir með breyttu sniði.“ Hann segir mikilvægt að reyna að bregðast við breyttum aðstæðum, en veitingastaðirnir Skál! og ÉTA hafa brugðist fljótt við og boðið upp á heimsendingu en um helgina var boðið upp á ÉTA pop up-viðburð á Skál! þar sem borgarbúar fengu tækifæri til þess að smakka hamborgarana sem slógu í gegn í Vestmannaeyjum í sumar. „Við verðum bara að reyna að gera okkar besta og halda í jákvæðnina.

Veitingastaðir og matarmenning er mikilvægur þáttur í menningu okkar Íslendinga. Kjötsúpudagurinn minnir okkur á matarmenningararfinn okkar, en mér fannst magnað að sjá viðtökur almennings. Flestir telja sína súpu besta og var þessi klassíska súpa vinsælust meðal þeirra sem kusu. Ég leitaði til áhugamanna um íslenskan mat þegar ég vann að uppskriftunum. Ég fékk svör frá 50 einstaklingum og var ekkert svar eins. Fjölbreytileikinn sem einkennir þennan þjóðarrétt er einstakur.“  Gísli hlakkar til að elda í beinni útsetningu og óskar sérstaklega eftir spurningum frá áhorfendum eða athugasemdum. „Markmiðið er að hafa gaman og fagna íslensku kjötsúpunni. Ég vona að sem flestir læri eitthvað nýtt og eldi síðan sína eigin súpu á laugardagskvöld og haldi kjötsúpudaginn hátíðlegan heima.“ 

Uppskeruhátíð viðskiptahraðalsins Til sjávar og sveita haldin í dag á netinu
Fréttir 27. nóvember 2020

Uppskeruhátíð viðskiptahraðalsins Til sjávar og sveita haldin í dag á netinu

Í dag klukkan 13 verður haldin uppskeruhátíð viðskiptahraðalsins Til sjávar og s...

Bjargráðasjóður fær 500 milljónir vegna kal- og girðingatjóna
Fréttir 27. nóvember 2020

Bjargráðasjóður fær 500 milljónir vegna kal- og girðingatjóna

Kristján Þór Júlíusson, sjávarútvegs- og landbúnaðarráðherra, mun bæta 500 millj...

Aðalfundur LS 2020
Fréttir 27. nóvember 2020

Aðalfundur LS 2020

Aðalfundur Landssamtaka sauðfjárbænda fór fram í gegnum fjarfundarbúnað fimmtuda...

Lýsa áhyggjum af hækkunum á gjaldskrá Landsnets
Fréttir 26. nóvember 2020

Lýsa áhyggjum af hækkunum á gjaldskrá Landsnets

Samband garðyrkjubænda, Sölufélag garðyrkjumanna og Bændasamtök lýsa miklum áhyg...

Þakkargjörðar-lambabógur eldaður í beinni
Fréttir 26. nóvember 2020

Þakkargjörðar-lambabógur eldaður í beinni

Í dag klukkan 15 verður bein útsending á vegum Íslensks lambakjöts á Facebook-sí...

Besti stuðningurinn felst í því að snúa vörn í sókn
Fréttir 25. nóvember 2020

Besti stuðningurinn felst í því að snúa vörn í sókn

„Það er vissulega mikið áfall þegar svona atburður kemur upp, hann hefur í för m...

Alþjóðleg vitundarvika um skynsamlega notkun sýklayfja
Fréttir 25. nóvember 2020

Alþjóðleg vitundarvika um skynsamlega notkun sýklayfja

Dagana 18.–24.nóvember er árleg alþjóðleg vitundarvika um skyn­samlega notkun sý...

Kindakjötssala dróst saman um 23,5% en 17,9% aukning var í svínakjöti og 39,8% í hrossakjöti
Fréttir 24. nóvember 2020

Kindakjötssala dróst saman um 23,5% en 17,9% aukning var í svínakjöti og 39,8% í hrossakjöti

Sala á kjöti frá afurðastöðvum dróst saman um 10,5% í októbermánuði miðað við sa...