Vinsamlegast athugið að þetta efni er eldra en 11 mánaða.
Košice er næststærsta borg Slóvakíu með um 260.000 íbúa og er höfuðstaður samnefnds sjálfstjórnarhéraðs í austurhluta landsins nærri Slovak Ore fjallgarðinum. Á árinu 2013 var Košice útnefnd menningarhöfuðborg Evrópu ásamt Marseille í Frakklandi.
Košice er næststærsta borg Slóvakíu með um 260.000 íbúa og er höfuðstaður samnefnds sjálfstjórnarhéraðs í austurhluta landsins nærri Slovak Ore fjallgarðinum. Á árinu 2013 var Košice útnefnd menningarhöfuðborg Evrópu ásamt Marseille í Frakklandi.
Fréttir 21. maí 2021

Dýralæknanám í Slóvakíu nýtur vaxandi vinsælda meðal Íslendinga

Höfundur: Hörður Kristjánsson

Vaxandi áhugi er fyrir að stunda nám við dýralæknaháskólann í Košice í Slóvakíu. Skólinn heitir University og Veterinary Medicine and Pharmacy og þar eru nú 24 Íslendingar við nám.

Runólfur Oddsson, ræðismaður Slóvakíu á Íslandi, segir að síðastliðið vor hafi þrír íslenskir nemendur útskrifast frá háskólanum. Þá hófu 8 nemar nám við skólann haustið 2020. Þar af 5 sem eru í 6 ára námi og 3 sem fara í 4 ára nám eftir Bsc próf á Íslandi.
„Þetta er 6 ára nám, en skól­inn tekur gilt BSc gráður frá Landbúnaðar­háskóla Íslands á Hvanneyri og frá Háskólanum á Hólum og er það metið sem ígildi tveggja ára náms við skólann,“ segir Runólfur.

Öflug félagsstarf er í University og Veterinary Medicine and Pharmacy og klúbbar starfandi af ýmsu tagi.

Í University og Veterinary Medicine and Pharmacy er starfræktur dýra­spítali og þar er einnig aðstaða fyrir ræktun dýra og rannsóknir á sjúkdómum. Í skólanum er bæði hægt að læra lækningar á gæludýrum sem og stærri dýrum eins og hestum.

Margs konar og öflugt félagsstarf er stundað við skólann og klúbbar af ýmsu tagi, eins og veiðiklúbbur, klúbbur áhugamanna um býflugnarækt, smádýrarækt og fuglarækt. Þá er starfræktur fjallamennskuklúbbur og ýmislegt fleira. Áhugasamir geta kynnt sér skólann nánar á heimasíðu hans; www.uvlf.sk/en.

Inntökupróf í sumar

Inntökupróf við skólann verða haldin á netinu (online) þann 3. júní næstkomandi og er umsóknarfrestur til 21. maí.

Annað inntökupróf verður svo haldið 1. júlí og er umsóknarfrestur í það til 17. júní.

Þriðja inntökuprófið verður svo haldið 19. ágúst en umsóknarfrestur vegna þess er til 6. ágúst.

Runólfur segir að nokkrir slóvanskir nemendur skólans sem lokið hafa námi hafi komið til Íslands til að auka sín réttindi. Þeir hafi unnið í sláturhúsum á Íslandi í eitt ár til að fá réttindi til matvælaskoðunar. Hafi þeir m.a. hælt faglegum vinnubrögðum í sláturhúsinu á Selfossi og sér í lagi hvað varðar meðferð dýra og virðingu fyrir dýrunum sem verið var að slátra.

Hafi fólk hug á að komast í inntökupróf, þá veitir Runólfur Oddsson, ræðismaður Slóvakíu, góðfúslega nánari upplýsingar. Netfangið hjá honum er kaldasel@islandia.is og hægt er að ná í hann í síma 820-1071.

Slóvakía í Austur-Evrópu varð sjálfstætt ríki þegar gömlu Tékkóslóvakíu var skipt upp í Tékkland og Slóvakíu árið 1993.


Stáliðnaðar- og menningarborgin Košice

Košice er næststærsta borg Slóvakíu með um 260.000 íbúa, en höfuðborgin Bratislava er stærst með um 430.000 íbúa.

Košice er höfuðstaður samnefnds sjálfstjórnarhéraðs í austurhluta landsins nærri Slovak Ore fjallgarðinum (Slovenské rudohorie) sem er mesti fjallgarður Slóvakíu. Þar eru þrír háskólar, fjöldi safna, sýningarsala og nokkur leikhús. Á árinu 2013 var Košice útnefnd menningarhöfuðborg Evrópu ásamt Marseille í Frakklandi.

Košice er mikilvæg iðnaðarborg fyrir Slóvakíu og stálbræðslan U.S. Steel Košice stærsti vinnustaðurinn í borginni og stærsti stálframleiðandinn í Mið-Evrópu. Hefur fyrirtækið unnið að margvíslegum samfélagsverkefnum, eins og eitt sem nefnt er „Together for the Region“, sem gæti útlagst, gerum þetta saman fyrir samfélagið. Er það í samvinnu við Carpathian Foundation. Sex verkefni eru þar nú í gangi samkvæmt heimasíðu fyrirtækisins í þágu barna-, öryggis-, og umhverfismála í austurhluta Slóvakíu.

Ekki langt frá Košice er borgin Prešov sem er þriðja stærsta borg Slóvakíu. Þá er Uzhhorod í Úkraínu aðeins í 97 km fjarlægð fyrir austan Košice, en borgin tilheyrði áður Tékkóslóvakíu. Uzhhorod var löngu áður þekkt undir nafninu Ungvár, en þaðan er nokkurn veginn jafnlangt til Eystrasalts (Baltic), Adríahafs og Svartahafs, eða um 650 til 690 kílómetrar. Um 25 km eru svo frá Košice til ungversku landamæranna.

Frá kennslu í dýralækningum í University og Veterinary Medicine and Pharmacy. Mynd / UVMP

Íslendingar sækja líka í læknanám í Martin

Borgin Martin er staðsett um 236 km fyrir vestan Košice, en meira en 200 Íslendingar stunda læknanám við Jessenius Faculty of Medicine (www.jfmed.uniba.sk/en). Þar hafa um 80 íslenskir læknar lokið námi.

Lestir fara beint á milli borganna mörgum sinnum á dag. Ferðin tekur um 2 klukkustundir og 50 mínútur. Internet er í lestunum og matarvagnar. Frábært útsýni er á leiðinni til Tatra fjalla.

Inntökupróf verður í Jessenius Faculty of Medicine þann 5. júní og er umsóknarfrestur í það próf til 12 maí. Annað inntökupróf verður svo haldið 10. júní og í það er umsóknarfrestur til 17. júní.

Læknanám í Olomuc í Tékklandi

Runólfur segir að Íslendingar hafi einnig sótt talsvert í tannlæknanám í Tékklandi sem er hinn hlutinn af gömlu Tékkóslóvakíu. Þar er Palaský University í borginni Olomouc á Haná svæðinu í Moravíu í austurhluta Tékklands. Olomouc er sjötta stærsta borg Tékklands og elsti hluti borgarinnar, „Old Town“ er á heimsminjaskrá UNESCO.

Um 20.000 manns stunda nám í Palaský háskólanum sem er starf­ræktur í mörgum deildum. Hafa nokkrir Íslendingar farið þar í nám í læknisfræði og í tannlæknadeild skólans.

Skylt efni: dýralæknar

Nesbú með nýtt lífrænt hænsnahús í Flóanum fyrir 18 þúsund fugla
Fréttir 16. maí 2022

Nesbú með nýtt lífrænt hænsnahús í Flóanum fyrir 18 þúsund fugla

Nesbú á Vatnsleysuströnd er þessa dagana að taka í notkun nýtt og glæsilegt lífr...

Kolvetnasnauðu Queen Anne kartöflurnar fá góðar viðtökur
Fréttir 16. maí 2022

Kolvetnasnauðu Queen Anne kartöflurnar fá góðar viðtökur

Nýverið kom á markað kartaflan Queen Anne frá Þórustaða Kartöflum sem hefur mun ...

Arfgerðin T137 finnst á Botnum og reynist útbreidd á Árskógsströndinni
Fréttir 16. maí 2022

Arfgerðin T137 finnst á Botnum og reynist útbreidd á Árskógsströndinni

Arfgerðar­greiningar á príon­próteini (PrP) kinda eru nú í fullum gangi. Að sögn...

„Ég hef lagt niður vopnin“
Fréttir 13. maí 2022

„Ég hef lagt niður vopnin“

Sigríður Jónsdóttir bóndi og fjölskyldan í Arnarholti í Biskups­tungum ætla að h...

Kúabændur misvel í stakk búnir til að bregðast við versnandi rekstrarhorfum
Fréttir 13. maí 2022

Kúabændur misvel í stakk búnir til að bregðast við versnandi rekstrarhorfum

Herdís Magna Gunnarsdóttir, bóndi á Egilsstöðum á Fljóts­dalshéraði, var kjörin ...

Verndandi arfgerðir gegn riðu nokkuð algengar í íslensku fé á Grænlandi
Fréttir 13. maí 2022

Verndandi arfgerðir gegn riðu nokkuð algengar í íslensku fé á Grænlandi

Sandkoli og hryggleysingjar
Fréttir 13. maí 2022

Sandkoli og hryggleysingjar

Atvinnuveganefnd hefur til umfjöllunar frumvarp þar sem fjallað er um veiðistjór...

Tryggir félagslegan stuðning við bændur
Fréttir 12. maí 2022

Tryggir félagslegan stuðning við bændur

Tryggir félagslegan stuðning við bændur Guðmundur Ingi Guðbrandsson, félags- og ...