Vinsamlegast athugið að þetta efni er eldra en 3 ára.
Gústaf Ásgeir Hinriksson fór brosandi af velli eftir að hafa riðið beina leið í A-úrslit í fimmgangi.
Gústaf Ásgeir Hinriksson fór brosandi af velli eftir að hafa riðið beina leið í A-úrslit í fimmgangi.
Mynd / BBL
Fréttir 7. ágúst 2019

Dramatískur fimmgangur á HM í dag

Höfundur: Ritstjórn

Óhætt er að segja að gengið hafi á ýmsu í fimmgangskeppninni á HM í Berlín í dag. Nokkur afföll urðu hjá íslenska liðinu en hryssa Ylfu Guðrúnar Svafarsdóttur var skráð úr keppni. Glódís Rún Sigurðardóttir, sem einnig keppir sem ungmenni, átti fína sýningu á Trausta frá Þóroddsstöðum og uppskar einkunnina 6,40, en þau voru dæmd úr leik þar sem hesturinn stóðst ekki heilbrigðisskoðun þegar út af var komið. Mikil vonbrigði fyrir báða þessa flottu ungu fulltrúa Íslands sem lagt hafa á sig mikla vinnu við undirbúning og þjálfun.

Tveir fyrrum heimsmeistarar dæmdir úr leik

Þá voru tveir fyrrum heimsmeistarar einnig dæmdir úr leik af sömu sökum, Stian Pedersen frá Noregi með Nóa fra Jakobsgarden og ríkjandi heimsmeistari Frauke Schenzel frá Þýskalandi á Gusti vom Kronshof. Bæði áttu góðar sýningar, Stian með 7,0 sem setti hann í þriðja sætið og Frauke með 7,57 sem skaut henni rétt upp fyrir Olil Amble á toppinn. En því miður fór sem fór og þau munu ekki berjast um gullið í fimmgangi að þessu sinni.

Velferð hestsins í fyrirrúmi

Reglur FEIF, alþjóðasamtaka íslenska hestsins, eru skýrar en þar segir að blæði úr hrossi að lokinni keppni verði að dæma viðkomandi úr leik og þá er átt við blæðingu sem heldur áfram eftir að strokið hefur verið af sárinu. Það þarf hins vegar ekki endilega að þýða að lagt hafi verið hart að hrossinu, heldur er oftast um að ræða hnjask og smá áverka. En þar sem velferð hestsins er alltaf í fyrirrúmi nýtur hann vafans og þrátt fyrir vonbrigði hafa knapar skilning á þessu enda annt um hesta sína.

Sproti í 5. sæti

Gústaf Ásgeir Hinriksson gladdi hins vegar landa sína og fleiri þegar hann reið síðastur í braut í fimmgangi í dag á Sprota frá Innri-Skeljabrekku með vel útfærða og kraftmikla sýningu sem skilaði honum í fimmta sætið með einkunnina 7,0. Þau Olil munu því bæði ríða A úrslit á sunnudaginn kemur og berjast til sigurs.

Kynbótahrossin fá lægri einkunnir

Áfram var haldið að sýna kynbótahross í dag og áfram héldu þau að lækka. Spaði frá Barkarstöðum stendur efstur í 6v flokki sem stendur og hin sænska Tíbrá fran Knutshyttan efst í 6v flokki hryssna. Nokkuð hefur verið rætt um lækkun einkunna kynbótahrossanna og velta menn því fyrir sér hvort vallaraðstæður spili þar inn í. Yfirlitssýning er þó enn eftir og ekki er ólíklegt að einhver hrossa hækki að nýju. Niðurstöður kynbótadóma er allar að finna í gagnagrunninum WorldFeng, á www.worldfengur.com, en hægt er að fylgjast með niðurstöðum íþróttagreinanna inni á ticker.icetestng.com.

Á morgun fimmtudag verður keppt í slaktaumatölti T2 og gæðingaskeiði, auk þess sem yfirlitssýning kynbótahrossa fer fram.

Skylt efni: HM í Berlín 2019

Bændur bera skarðan hlut frá borði
Fréttir 7. október 2022

Bændur bera skarðan hlut frá borði

Á hagtölusíðu Bændablaðsins er tekið dæmi um hvernig verðmæti á frönskum kartöfl...

Lausnin gegn óstöðugum mörkuðum er landbúnaður
Fréttir 7. október 2022

Lausnin gegn óstöðugum mörkuðum er landbúnaður

Það er ekkert launungarmál að heimsfaraldurinn og síðar innrás Rússa í Úkr...

Fer betur með féð
Fréttir 7. október 2022

Fer betur með féð

Tvær nýjar réttir voru teknar í notkun í Strandabyggð í síðasta mánuði. O...

Gripir að skila sér rýrari af fjalli
Fréttir 6. október 2022

Gripir að skila sér rýrari af fjalli

Myndarlegur fjárhópur á haustbeit í Hænuvík í Patreksfirði. Líklegt er að...

Tugmilljónum alifugla fargað
Fréttir 6. október 2022

Tugmilljónum alifugla fargað

Á síðastliðnu árið, frá 30. september 2021 til 30. september 2022, var um 48...

Endurvakning í uppsiglingu
Fréttir 6. október 2022

Endurvakning í uppsiglingu

Sóttvarnarstofnun Danmerkur hefur gefið út að lýðheilsu standi ekki ógn af e...

Tugprósenta hækkun á áburðarverði
Fréttir 6. október 2022

Tugprósenta hækkun á áburðarverði

Feiknarlegur skjálfti á orkuverði í Evrópu hefur leitt til mikilla verðhækka...

Mikil eftirspurn eftir lóðum
Fréttir 5. október 2022

Mikil eftirspurn eftir lóðum

Töluverð eftirspurn er eftir húsnæði, byggingarlóðum og lóðum undir atvinnun...