Vinsamlegast athugið að þetta efni er eldra en 2 ára.
Jón Björn Hákonarson, for­seti bæj­ar­stjórn­ar Fjarðabyggðar og rit­ari Fram­sókn­ar­flokks­ins.
Jón Björn Hákonarson, for­seti bæj­ar­stjórn­ar Fjarðabyggðar og rit­ari Fram­sókn­ar­flokks­ins.
Fréttir 18. júlí 2019

Breyting á jarðalögum þolir enga bið

Höfundur: MÞÞ

Jón Björn Hákonarson, for­seti bæj­ar­stjórn­ar Fjarðabyggðar og rit­ari Fram­sókn­ar­flokks­ins, segir að breyta þurfi jarðalögum svo hægt sé að setja ákveðnar reglur varðandi eignahald á jörðum og að ekki verði hægt að selja auðlindir úr landi. Þetta kemur fram í grein sem Jón Björn ritar og birt er á vef Framsóknarflokksins. Hann segir málið ekki þola neina bið.

Jón Björn segir að mikil umræða hafi skapast í kjölfar uppkaupa bresks auðmanns á jörðum í Vopnafirði og Norður-Þingeyjarsýslu, „þar sem búið er að kaupa upp allt að því heilu laxveiðiárnar og vatnasvæði þeirra.“  Eðlilega hafi fylgt mikil gagnrýni á lagasetningu og þann ramma sem skapaður hefur verið vegna jarðakaupa á Íslandi í kjölfar breytinga á jarðalögum sem gerð voru í upphafi þessarar aldar.

Tæknileg öngstræti stjórnsýslunnar

Landi fylga oft ríkuleg hlunnindi og auðlindir, vatns- og malarréttindi, veiðihlunnindi, dún- og eggjatekja ásamt reka. Ekki síst megi svo nefna auðlindir sem felast í góðu ræktar- og beitilandi, sem sé ómetanlegt fyrir framtíð búskapar á Íslandi og sé forsenda matvælaöryggis þjóðarinnar.

Jón Björn segir því nauðsynlegt að styrkja þær stoðir sem snúa að lagasetningu vegna bújarða, það geti ekki lengur beðið í tæknilegum öngstrætum stjórnsýslunnar eins og verið hafi síðustu ár. Jarðalögum þurfi að breyta og bendir hann á að frændþjóðir okkar hafi stigið slík skref, fordæmin séu því fyrir hendi og nú þurfi verkin að tala þegar Alþingi komi saman á ný á haustdögum.

Sveitarfélög missa útsvarstekjur

Bendir Jón Björn í grein sinni á að ekki sé heldur eðlilegt að búið sé að rýra byggðir víða um land með þeim hætti að sveitarfélög hafi misst stóran hluta útsvarsstekna sinna vegna þess að stór hluti jarðanna sé í eigu fólks sem býr í öðrum sveitarfélögum eða erlendis og borgi ekki skatta til viðkomandi sveitarfélags.

„Þá um leið er líka búið að kippa und­an heilu sam­fé­lög­un­um grund­velli þess að byggð þar hald­ist áfram og sam­hjálp­ar­hug­sjón­in sem sveit­ir þurfa á að halda get­ur ekki þrif­ist vegna fá­menn­is,“ segir hann og bætir við að ólíðandi sé að heilu sveit­irn­ar á Íslandi séu með lög­heim­ili í London.

Grein Jón Björns: „Með lögum skal land tryggja“.

Skútustaðahreppur kaupir Kálfaströnd á 140 milljónir
Fréttir 18. janúar 2022

Skútustaðahreppur kaupir Kálfaströnd á 140 milljónir

Gengið var frá kaupsamningi undir lok síðasta árs um jörðina Kálfaströnd (Kálfas...

Segist hafa fengið hótun um málefni sveitarfélagsins
Fréttir 18. janúar 2022

Segist hafa fengið hótun um málefni sveitarfélagsins

Það hefur vakið athygli að Halldóra Hjörleifsdóttir, oddviti Hrunamannahrepps, h...

Áburðareftirlit Mast árið 2021
Fréttir 18. janúar 2022

Áburðareftirlit Mast árið 2021

Á árinu 2021 fluttu 24 fyrirtæki inn áburð og jarðvegsbætandi efni alls 368 tegu...

Endurnýja starfsleyfi Ísteka
Fréttir 18. janúar 2022

Endurnýja starfsleyfi Ísteka

Umhverfisstofnun hefur tekið ákvörðun um útgáfu á starfsleyfi Ísteka ehf. Í star...

Stórátak í riðuarfgerðagreiningum
Fréttir 18. janúar 2022

Stórátak í riðuarfgerðagreiningum

Mikil gerjun hefur átt sér stað á síðustu misserum í málum tengdum rannsóknum á ...

Mikil aukning í ræktun á vínviði og vínframleiðslu
Fréttir 18. janúar 2022

Mikil aukning í ræktun á vínviði og vínframleiðslu

Ræktun á vínviði og vínframleiðsla á Bretlandseyjum hefur aukist mikið undanfari...

Stjórnlaus skógareyðing
Fréttir 17. janúar 2022

Stjórnlaus skógareyðing

Þrátt fyrir allt tal stjórnvalda í Brasilíu um verndun skóga sýna loftmyndir að ...

Viðurkennd verndandi arfgerð gegn riðu finnst í sex einstaklingum
Fréttir 17. janúar 2022

Viðurkennd verndandi arfgerð gegn riðu finnst í sex einstaklingum

Sex einstaklingar fundust fyrir skemmstu með tiltekna verndandi arfgerð (ARR) ge...