Vinsamlegast athugið að þetta efni er eldra en 3 ára.
Kínverjar hafa aukið framleiðslu á alifuglakjöti mjög ört en hlutfallslega mesta framleiðsluaukningin er á Indlandi.
Kínverjar hafa aukið framleiðslu á alifuglakjöti mjög ört en hlutfallslega mesta framleiðsluaukningin er á Indlandi.
Fréttir 19. júlí 2019

Bandaríkjamenn á toppnum en Kínverjar á hraðleið fram úr

Höfundur: Hörður Kristinsson

Samkvæmt gögnum Efnahags­samvinnu­stofnunarinnar, OECD, og Matvæla- og landbúnaðar­stofnunar Sameinuðu þjóðanna, FAO, þá hefur orðið umtalsverð aukning í framleiðslu á alifugla­kjöti á heimsvísu á síðustu tíu til tólf árum, eða um 29,2%.

Á árunum 2007 til 2009 var heimsframleiðslan á alifuglakjöti um 91,22 milljónir tonna á ári. Hún mun samkvæmt áætluðum tölum fyrir yfirstandandi ár vaxa í 117,85 milljónir tonna, eða um 29,2%. Mest er framleitt af kjúklingakjöti í Bandaríkjunum. Þar var framleiðslan 18,9 milljónir tonna á árunum 2007 til 2009, en nú er áætlað að hún verði á þessu ári 21,28 milljónir tonna. Það er 12,6% aukning á þessum tíu til tólf árum.

Kínverjar að ná Bandaríkjunum í framleiðslu alifugla

Kínverjar, sem eru í öðru sæti, hafa verið að auka sína framleiðslu á alifuglakjöti mjög ört. Þannig var framleiðsla þeirra 14,95 milljónir tonna á árunum 2007 til 2009. Hún er nú samkvæmt áætluðum tölum komin í 20,61 milljón tonna, sem er aukning um 37,8%. Að öllu óbreyttu munu Kínverjar skáka Bandaríkja­mönnum í fram­leiðslu alifugla á næstu tveim árum eða svo.

Brasilíumenn upp um eitt sæti

Í þriðja sæti á heimsvísu er Brasilía, sem framleiddi 11,48 milljónir tonna á árunum 2007 til 2009 og var þá í fjórða sæti. Þar er nú áætlað að framleidd verði 16,71 milljón tonna af alifuglakjöti á þessu ári. Það er aukning upp á 45,5%.

ESB tapar þriðja sætinu

Athygli vekur að nokkur stöðnun hefur verið í 27 löndum Evrópu­­sambandsins í alifugla­framleiðslunni í rúman áratug. Voru ESB löndin 27 í þriðja sæti á heimsvísu á árunum 2007 til 2009 með 11,53 milljónir tonna. Í ár er áætlað að niðurstaðan verði 11,84 milljónir tonna sem er langminnsti vöxturinn meðal sjö helstu framleiðslusvæðanna, eða 2,7%. Þar með dettur ESB niður fyrir Brasilíu og hafnar í fjórða sæti.

Hlutfallslega mestur vöxtur á Indlandi

Mesti hlutfallslegi vöxturinn á þessu tímabili hefur verið á Indlandi. Þar voru framleiddar 2,5 milljónir tonna af alifuglakjöti á árunum 2007 til 2009, en áætlun fyrir þetta ár gerir ráð fyrir 3,91 milljón tonna. Það er 56,4% aukning sem skilar Indlandi upp fyrir Mexíkó í fimmta sæti.

Mexíkó var í sjötta sæti með 2,58 milljónir tonna 2007 til 2009. Þar er nú get ráð fyrir 2,95 milljóna tonna framleiðslu á þessu ári sem er aukning upp á 14,3%.

Rússar með mikla aukningu

Í sjöunda sæti er Rússland. Þar voru framleidd 1,97 milljónir tonna á árunum 2007 til 2009. Nú er áætlað að framleiðslan fari í 2,92 milljónir tonna á þessu ári. Það er 48,2% aukning.  Miðað við hraðan vöxt og yfirlýst markmið yfirvalda í Rússlandi, má gera ráð fyrir að Rússland fari fljótt upp fyrir Mexíkó í framleiðslu á alifuglakjöti. 

Rannsakar skyggnar konur
Fréttir 7. febrúar 2023

Rannsakar skyggnar konur

Dr. Dalrún Kaldakvísl Eygerðardóttir sagnfræðingur rannsakar sögu skyggnra kvenn...

Of algengt að hestunum sé gefinn óþverri
Fréttir 6. febrúar 2023

Of algengt að hestunum sé gefinn óþverri

Margeir Ingólfsson og Sigríður Jóhanna Guðmundsdóttir, bændur á bænum Brú í Blás...

Tíu ára starfsafmæli
Fréttir 3. febrúar 2023

Tíu ára starfsafmæli

Tíu ár eru síðan Ráðgjafarmiðstöð landbúnaðarins (RML) var sett á laggirnar. Af ...

Innlend fóðurframleiðsla gæti nýtt jarðhita sem fer til spillis
Fréttir 3. febrúar 2023

Innlend fóðurframleiðsla gæti nýtt jarðhita sem fer til spillis

Fjárfestingafélag Þingeyinga hf. hefur unnið að skýrslu í samstarfi við verkfræð...

Markaðssetning utan hefðbundins sláturtíma
Fréttir 2. febrúar 2023

Markaðssetning utan hefðbundins sláturtíma

Nýlega var Sláturhúsi Vesturlands í Borgarnesi veittur styrkur úr markaðssjóði s...

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...

Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...